Hoseya 7:4 - Bhibhiliya Nya Guage

⁴ Vatshavbo sibhayi, va gu fanana ni gidhingiselo nya nilo, egi muvawuli nya mikati, a si dzi garadzigo khu gu endzedza, gukhugela avbo a sugago wuguvbi, kala avbo wu gugumugago.

Hoseya 7:4 Iomraidhean Croise

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Jeremiya 9:2

Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Hoseya 4:10

Va na hodza, aholu kha va na khura, va na dzi ningela muwubhayini, gambe kha va na velegelana va andra, kholu va digile gu khedza Pfhumu Nungungulu.

Hoseya 4:12

Vathu vangu, va guya wudzisa wusingalagadzi ga githombe gyawe nya simbo, lipitso lawe li va ninga phindrulo. Kholu liphuvbo nya wubhayi, li ngu va ndreyisa ndzilani, kha va ngo khathala gambe khu Nungungulu wawe.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

1 Vakorinto 5:6

Gu dzi zundza gwanu khandri gwa gilo. Ina mwa gu hangwa khu gukhenu melana wudugwana wu ngu gugumugisa wuguvbi watshavbo, gani?

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.