Hoseya 7:2 - Bhibhiliya Nya Guage

² Gambe kha va pimisi khu myonyoni gwawe, gukhavo eni nyi ngu alakanya mithumo yawe yatshavbo nya guvivbe; va fenengedzidwe khu sighoho sawe, gikhati gyatshavbo nya gu khedza avo.

Hoseya 7:2 Iomraidhean Croise

Joba 34:21

Maho ya Nungungulu ma gu wona magimbilelo nya vathu; a khedza gambe ni migondro yawe yatshavbo.

Dzindzimo 10:11

A ganela khu monyoni gwaye, khuye: “Nungungulu a si divade, fenengedzide khovbe gima kha na wona gilo.”

Dzindzimo 25:7

U nga alakanyi sihoso sangu, ambari sighoho nyi giridego wudzahani wangu. Nyi dundruge khu lihaladzo lago, khu kotani nya wuwadi wago Pfhumu Nungungulu.

Dzindzimo 50:22

Khu guralo, pimisani esi, enu mu divalago Nungungulu, gasi nyi si mi vbadzuleli, mu hamuga ni muthu nya gu mu vbulugise.

Dzindzimo 9:16

Pfhumu Nungungulu a dzi yeyedzide, khu gulamula gwaye nya gululame; oyu nya guvivbe monyo, a di konwa khu malipha yaye.

Dzindzimo 90:8

U vegide sighoho sathu mbeli gwago, u ngu vega guwonegelani sighoho hi giridego gusihalani.

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Isaya 44:19

Vbakari gwawe mwalo ni moyo a alakanyago uye a gu ni guti mwendro gupimisa, gasi a ganela, khuye: “Gipandre nya mapulango nyi khuthide khigyo nilo nyi phula guhodza, magala yakone nyi vawula khayo nyama, nyi hodza; ina nyi ngu dzi kodza gu dzega gipandre gi tshadego nya mapulango nyi gira gifananiso nya gu dzi nyenyezise, gani? Ina nyi ngu yela gu khidzima nyi khozela gifananiso nya simbo, gani?”

Isaya 5:12

Mibuzoni gwawe, va gu sela wadwa na va gu womba sitendre, sitoliyo, singomana ni dzitsholi, aholu kha va theli kota khu sigiro sa Pfhumu Nungungulu, ambari gu wona mithumo ya mandza yaye.

Jeremiya 14:10

Khu kotani nya vathu vava, Pfhumu Nungungulu a ngu ganela kharati, khuye: “Kha nga va nga tsakelago guhambana ni eni, va gola gu legalega; khu guralo, Pfhumu Nungungulu kha tsakiswi khavo, a na va tsayisa khu gu alakanya sighoho sawe.”

Jeremiya 16:17

Kholu maho yangu ma ronogede dzindzilani gwawe gwatshavbo mu dzi wonago; ni sighoho sawe satshavbo kha si sihali mahoni gwangu.

Jeremiya 17:1

Gighoho gya Judha gi lovidwe umo nya gileti khu simbi na gi bethidwe khu tshokha nya dhayimane, gi lovidwe myonyoni gwawe ni dzikhehoni nya siluvelo sawe.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 32:19

Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Jeremiya 4:18

Mapimo ni mithumo yago khiso si gu reselago libango leli; idzo wu vavago khidzo tsayiso yoyu! Wa gu paya kala monyoni gwago!

Jeremiya 44:21

“Ina libani mu vbisidego enu ni vababe vanu, vafumeli vanu, manganagana yanu ni vathu vatshavbo va tigoni, madhoropani ga Judha ni makondroni ya Jerusalema, ina mwa gu pimisa gukhenu Pfhumu Nungungulu kha si alakanyi, a si divade, gani?

Ezekiyeli 21:29

gasi li vegwa thamoni ga va nya gu dzi nyenyezisa ni va nya guvivbedwa khu myonyo, avo litshigu lawe ni gikhati nya tsayiso wawe nya guhegise gi vbohidego, na va gu gu wonisa siwoniso nyamba phasa gilo, ni gu sasuledza malipha.

Hoseya 12:2

Pfhumu Nungungulu, a ngu rwega nandru Judha, a na tsayisa Jakobe khu kotani nya mavbanyelo yaye; a na mu ninga tshatshazelo nya mithumo yaye.

Hoseya 4:9

Khu guralo, nyi na tsayisa vathu vangu, nyi gira kharato gambe ni vaphasi nya mhamba, khu kotani nya dzindzila dzawe, nyi na va ninga tshatshazelo nya mithumo yawe.

Hoseya 6:2

Khu hwane nya matshigu mavili basi, a na wuyisa nyaluphye guvbanya gwathu, khilo nya wuraru, a na hi wusa, hi vbanya mbeli gwaye.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Hoseya 9:15

Wuvivbi wawe watshavbo, wu khugede Giligali, kholu, khiyo iyo nyi nga phela gu va venga, khu kotani nya mithumo yawe nya guvivbe, nyi va tutumiside tigoni gwangu. Nyi si va goli gambe, Vathangeli vawe vatshavbo sindraga milayo.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Amosi 8:7

Pfhumu Nungungulu a di sambanya khu matshandza ya Jakobe, khuye: “Eni gima kha nyi na divaledwa khu mithumo yaye yatshavbo a giridego!”

Jona 1:2

“Khuga u hongole ga lidhoropa nya likhongolo la Ninivha, u ya li kawuka, kholu guvivba gwaye gu litide kala eno gwangu.”

Mitengo 32:23

Aholu, mwa gumba girani kharalo, mu na bani mu ghohede Pfhumu Nungungulu, gambe dzitini nya gukhenu gighoho gyanu gi na mi resela tsayiso.

Luka 12:2

Gi mwalo gi nga sihwa gi na gumba tugudwa; kha nga gambe, mwalo sihalo wu na gumba tidwa.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.