Hoseya 7:14 - Bhibhiliya Nya Guage

¹⁴ Kha va lila avbo gwangu khu monyo wawe watshavbo, aholu va di keta malawuni gwawe, va lomba tirigu ni vbinyu, aholu avo na va hambanide neni.

Hoseya 7:14 Iomraidhean Croise

Ekisodha 32:6

Khu mindru gakone, ni dzimindru, va di ningela dzimhamba nya miphaso nya guvbiswe ni dzimhamba nya gubonge. Vathu va di khala vbavbatshi va hodza, va sela, va khuga va hana, va gu ghiya.

Isaya 29:13

Kholu Pfhumu ganede, khuye: Kha nga olu vathu vava va hidzimelago avbo gwangu khu magana ma dugago khu kanani gwawe, va gu nyi dhumisa khu magana basi, aholu myonyo yawe yomo hwindzo ngudzu ni Eni, kholu githawo gyawe ni Eni gya gu manega basi khu milayo va mi hevbudego ni vathu.

Isaya 52:5

Olu avba ginani nyi na girago? A ngu wudzisa Pfhumu Nungungulu, olu vathu vangu va modwego vbavbandze nya nandru? Avo va va fumelago va gu va hembulula, a ngu ganela Pfhumu Nungungulu; lina langu la gu vadwa khu litshigu ni litshigu.

Isaya 65:14

wonani nya gukhenu sithumi sangu si na embelela khu gutsaka nya myonyo yawe, aholu enu mu na keta khu guvbisega myonyoni gwanu, mu womba huwa khu guvbisega hefemuloni.

Jeremiya 12:2

U va yade, avo va thede mikhamba; va ngu dandra va ninga mihandro; va na ni Uwe khu magana, aholu khu myonyoni gwawe vomo hwindzo nago.

Jeremiya 3:10

Ndriyaye Judha, nyamba tumbega, kha dzi kodza gu wuya gwangu khu monyo waye watshavbo, aholu a di nyi kanganyisa, a ngu ganela Pfhumu Nungungulu.

Gililo 2:18

Myonyo yawe yi di lila ga Pfhumu, khiyo: Uwe ndzari nya lidhoropa la Siyoni, marongo yago ma na goge nga tsongo wutshigu ni mihani! Maho yago ma nga garali khu gu lila! Qof

Hoseya 13:16

Vathu va Samariya va na rwala nandru wawe, kholu va wugedego Nungungulu wawe. Avo va na songwa khu matshari, sanana sawe si na pfareledwa, ni vagadzi vawe va gu ni dzimimba va na pferuledwa sirumbu khu vbakari.

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Hoseya 13:9

Uwe Israyeli, u mbembisidwe, kholu u nga nyi wugelago, u bwelo khavbo u wugela muphasedzeli wago.

Hoseya 3:1

Pfhumu Nungungulu a di nyi embela, khuye: Indra gambe uya haladzana ni nyamayi moyo a haladzwago khu pari yago, ambari olu a gu gibhayi. Mu haladze nga idzo Pfhumu a golago khidzo sanana sa Israyeli, ambari ulo avo va mu pfhuraredego va gola vambe vanungungulu ni gu tsakela sibwandzalati nya dziuvha.

Hoseya 8:2

Va na lila avbo gwangu, khavo: “Ethu va na Israyeli, hi ngu guti gukhethu khuwe Nungungulu wathu.

Amosi 2:8

Va gu lala bambe nya giluvelo ni giluvelo vbatshani guambala va wandredego va nya mangava navo. Nyumbani gwa vanungungulu vawe, va gu sela vbinyu ya vale va livbisidwego khu mangava.

Amosi 8:3

Aholu dzindzimo dza Nyumbani ga Nungungulu, khu litshigu lolo, dzi na vbindrugedza dzi khala gililo, a ngu ganela Pfhumu Nungungulu; malangani gwatshavbo gu na tala khu sirumbi nya vathu, si na dzudzugwa vbavbandze na va degude.

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Zakariya 7:5

“Nga wudzisa ga vathu vatshavbo va tigoni momu ni ga vaphasi nya mhamba, khuwe: Avbo mu nga lilani ni gu hala khu ngima nya livbandre ni oyu nya livbandre na mivili, ndrani nya myaga yeyi nya livbandre na mavili magumi, ina mu di hala khu kotani gwangu, gani?

Varoma 16:18

kholu vathu nya nga avovo kha va thumeli Kristo, Pfhumu yathu, aholu va gu thumela sirumbu sawe. Va gu pfhadza vathu nya vangi khu magana yawe nya gulombele na ma tade khu wuhephi.

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.

Jakobe 4:3

Mwa gu lomba, kha mu ningwi, kholu, kha mu kodzi gu lomba. Enu mwa gu lombani silo nya gutsakise sivili sanu.

Jakobe 5:1

Olu, enu sitetema, upwani! Lilani, mu wombe dzihuwa khu kotani nya sisaniso mu na si wonago.

Valamuli 9:27

Va di duga va hongola mahangeni gwawe vaya havela dziuvha, va dzi gamela va gira wadwa; va di gira mibuzo nya gunengele. Va bela nyumbani ga nungungulu wawe, va hodza, va sela, va hembulula Abhimeleki.