Hoseya 7:13 - Bhibhiliya Nya Guage

¹³ Va na thegedwa khu libango, kholu va hambanide neni! Gumbembiswa gu nata vbakari gwawe, kholu va nga nyi wugelago! Nyi ngu gola gu va dzegisa, aholu avo va gu ganela malipha khu eni.

Hoseya 7:13 Iomraidhean Croise

Nehemiya 1:10

Esi khu sithumi sago, ni vathu vago, ava u va tshudzisidego khu tshivba yago nya yikhongolo, ni mandza yago nya tshivba.

Joba 22:17

Avo va di gu embela Nungungulu, khavo: Khuga avbo gwathu. Ginani a yelago gu hi girela Uye nya Tshivba Yatshavbo?

Dzindzimo 106:10

A di va vbanyisa kharati ga valala vawe, a va tshula mandzani ga vale va va vengago.

Isaya 30:1

Pfhumu Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!

Isaya 30:2

Va belago ndzilani va hongola tigoni ga Egipito nyamba nyi wudzisa, vaya vbweta guvhikedwa khu tshivba ya Faro, ni gu sihala mutsani ga Egipito!

Isaya 31:1

Libango ga avo vayago Egipito guya lomba giphaso, na va gu tumba dzikavalu; Va gu tumba dzikareta ni va vakhileli vakone, kholu avo vangi, na vari ni tshivba ngudzu, aholu va si theli kota khuye a Agidego wa Israyeli, ambari gu vbweta giphaso ga Pfhumu Nungungulu.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 43:1

Gasi olu, Pfhumu Nungungulu, oyu a nga gu vangago, uwe Jakobe, bwelo khavbo a wumba uwe Israyeli, a ngu ganela kharati, khuye: “U nga thavi, kholu eni nyi gu dzegiside, nyi gu ranide khu lina lago, uwe u wangu.

Isaya 59:13

Hi ndragide milayo ya Pfhumu Nungungulu ni gu ganela malipha, hi dzi duside ga Nungungulu wathu, hi thumisa gigaha ni wuwugeli, hi ganela malipha ma tadego myonyoni gwathu.

Isaya 63:8

Kholu Pfhumu a di ganela, khuye: “Khu lisine, avo vathu vangu, sanana sangu si na gumba nyi kanganyisa. Khu guralo, uye khade Muvbanyisi wawe.”

Jeremiya 14:10

Khu kotani nya vathu vava, Pfhumu Nungungulu a ngu ganela kharati, khuye: “Kha nga va nga tsakelago guhambana ni eni, va gola gu legalega; khu guralo, Pfhumu Nungungulu kha tsakiswi khavo, a na va tsayisa khu gu alakanya sighoho sawe.”

Jeremiya 42:20

Kholu mu dzi girede mwabune libango khu gu nyi rumani nyi mu lombelela ga Pfhumu Nungungulu wathu, khenu: Satshavbo a na gu hi rumago hi embele, hi na si gira.

Jeremiya 51:9

Hi di zamide gu vbodzisa silondra sa Bhabhiloni, aholu hi tandregide. Olu mu digeni hi hongole, muthu ni muthu a na bwelele tigoni gwawe, kholu gulamudwa gwaye gu vbohide kala damboni, gulapha kala mapfhini.

Jeremiya 7:15

Nyi na mi dusani mbeli gwangu mu ya hwindzo ni eni, kha nga idzo nyi lundridego khidzo vandriyanu, livelego latshavbo la Efrayimi.

Gililo 5:16

Gihugu gyathu nya wufumu gi thegide! Libango lakone, kholu hi nga ghoha!

Ezekiyeli 16:23

Khu hwane nya gugire guvivba gwatshavbo gogu, Libango! Libango lago! A ngu ganela Mune Pfhumu Nungungulu,

Ezekiyeli 18:2

Ginani mu gi manago, enu mu ganelago mavingu yaya khu mahungu nya litigo la Israyeli, khenu: “Vababe va hodzide dziuvha nya dzimbihu, magwaha nya sanana ma ngu khuyugela?”

Ezekiyeli 18:25

Khu guralo, enu mwa gu ganela, khenu: “Ndzila ya Pfhumu kha ya lulama.” Yingisa, uwe ndranga ya Israyeli. Ina ndzila yangu kha ya lulama, gani? Khandri dzindzila dzanu dzi ngamba lulama, gani?

Ezekiyeli 34:6

Dzinvuta dzangu dzi phalalegide dzi legalega sigomoni ni musigomwanani. Dzi phalalegide ni litigo latshavbo, mwalo muthu a nga khathala khu gu dzi landrelela, aya dzi dzega a wuya nadzo.

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Hoseya 11:2

Aholu, avbo eni nyi nga bani nyi gu va rana, avo va di simama gu bomba va nyi pfhurarela. Va girela miphaso vanungungulu nya Vabhahali ni gu vbisela libani sifananiso nya guvatwe.

Hoseya 5:7

Kha va tumbega ga Pfhumu Nungungulu; kholu va velegide sanana nya wubhayi. Olu Mibuzo yawe nya Gumege nya Ngima, yi na va mbembisa gumogo ni dzithomba dzawe.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Hoseya 7:3

Avo va gu tsakisa mufumeli khu mithumo yawe nya guvivbe, va tsakisa vathangeli khu malipha yawe.

Hoseya 9:12

Ambari va gu velega sanana, eni nyi na va dzegela, gasi va vbela havo bhi! Kholu, libango avbo gwawe, va gu hambana ni eni!

Hoseya 9:17

Nungungulu wangu a na va diga, kholu kha va mu yingisi. Va na khala valegalegi vbakari nya mayigo.

Jona 1:10

Khu guralo, vama vava va di tala khu hwanga, va mu wudzisa, khavo: “Ginani u giridego?” Vama va di gu dziti gukhavo Jona a di thava mbeli ga Pfhumu Nungungulu, kholu uye a di va embede.

Jona 1:3

Aholu Jona a di khuga mahoni ga Pfhumu Nungungulu a thava, a hongola Tarisisi; a di relela dhoropani ga Jope, avbo a ngaya mana litaro li nga bani li gu hongola Tarisisi; khu guralo, a di renga lithigiti, a gu bela litaroni gasi gu hongola navo Tarisisi, hwindzo ni khovbe ya Pfhumu Nungungulu.

Mikeya 6:12

Kholu sitetema si vbanyago vbakari gwanu si tade khu dzihanyi; ni vathu vawe va gu ganela malipha; ni malimi yawe khya wudambane.

Mikeya 6:4

Nyi gu duside khu tigoni ga Egipito, nyi gu tshudzisa nyumbani nya wugumbi; nyi mi rumede Mosi, Aroni ni Miriyamu.

Matewu 23:37

“Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Dhewuteronome 15:15

Alakanya gukhuwe u khade khumbi tigoni ga Egipito, umo Pfhumu Nungungulu wago, a gu dzegisidego; khu kharato, muhuno nyi ngu gu ninga nayo yoyu.

1 Johane 1:10

Ha gukhethu hi mwalo gighoho, hi ngu mu gira muliphi; gambe ha gu yeyedza gukhethu mahungu yaye ma mwalo gwathu.

Gutuledwa 8:13

Nyi di wona ngilozi na yi gu vbuvba ndzadzini, nyi yipwa na yi gu huwelela khu tshivba, khiyo: “Wowe! Wowe! Libango la vale va vbanyago mafuni, gikhati gu na pwalago gudzuma nya mipundru nya dzingilozi dza dzitharu dzi nga tshadego gu womba.”