Hoseya 6:9 - Bhibhiliya Nya Guage

⁹ Vaphasi nya mhamba va gu fanana ni sighevenga, si sihalelago vathu, si va songa ndzilani ga Sikemi; mithumo yawe khya gunyenyeza ni wughevenga.

Hoseya 6:9 Iomraidhean Croise

Genesi 12:6

Abrama a di li tsemakanya khu vbakari ni vbakari kala a vboha dhoropani gwa Sikemi, vbafuvbi ni simbo nya wukhongolo wa Moreya. Vakhanani va di gu vbanya tigoni mule.

1 Dzipfhumu 12:25

Jerobhowamo a di vbahedza Sikemi, gigomoni gya Efrayimi, a khala umo, khu hwane a di khuga aya vbahedza Penuweli.

Ezira 8:31

Hi khugide khu tsongoni wa Ahavha, khu litshigu nya livbandre na mavili nya ngima nya guphele, hi thonona Jerusalema; gyandza nya tshivba gya Pfhumu Nungungulu wathu, gi diri ga ethu, uye a hi vbulugiside ga valala vathu, ni ga avo va nga bani va hi siyamela khu gu hi riyela milaphwi.

Jeremiya 11:9

Pfhumu Nungungulu a di nyi embela, khuye: Vathu va na Judha ni Jerusalema va di gira gikungo khu eni.

Ezekiyeli 22:25

Vbakari nya vathangeli vago yomo ghudzeghudze nga nghala yi ngurangurago ya gu bani yi vbadzulela pfimba waye; avo va gu vbedza vathu; va wandra dzithomba ni sombo nya lisima, vanyamayi nya vangi va khala dzinoni vbakari gwawe.

Ezekiyeli 22:27

Dzindruna dzawe dza gu fanana ni masolwa ma vbadzulelago esi ma modego; va gu vbaladza novba, gambe va gusongetela vathu va fela bhindzu nya wudambane.

Ezekiyeli 22:9

Vbakari gwago, gu di manega vathu nya milembo, va dzi emisedego gu vbaladza novba; vbakari gwago gambe vomo va hodzago nyama nya miphaso ya musigomoni ni gu gira guvivba.

Ezekiyeli 23:27

Kharati nyi na vbedza mithumo yago nya manyala ni wubhayi u giridego tigoni ga Egipito. Uwe u na diga gukhedza khu wudogodogo silo soso, ambari gualakanya gambe tigoni ga Egipito.”

Hoseya 2:10

Uye kha dziti gukhuye kheni nyi mu ningidego tirigu, vhinya ni mafura, nyi mu engedzede ndralama ni parata, a nga si thumisago guphasela khiso Bhahali.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Hoseya 5:1

Upwani esi enu vaphasi nya mhamba! Yingisani nenu va nyumbani ya Israyeli, nenu va nyumbani ya mufumeli! Kholu gulamudwa gogu gwa gu lumba enu, kholu mu khade milaphwi dhoropani ga Misipa, ni ligoga li ladzidwego gigomoni gya Tabhori.

Hoseya 5:2

Sighevenga, si fungide guya mbeli khu gu songa, aholu eni, nyi na khala mukawuki wawe vatshavbo!

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Mikeya 3:9

Nga yingisani esi olu, enu vathangeli nya nyumba ya Jakobe, nenu vakhongolo nya litigo la Israyeli, mu nyenyago lisine mu hambanisa iso si lulamidego,

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Marko 14:1

Na gu tshade matshigu mavili gasi gu hodza buzo nya Phasika, ni oyu nya sibaba nyambana mela, vakhongolo nya vaphasi nya mhamba ni vahevbudzi nya Nayo va di vbweta lipindru nya gumole Jesu khu gisihaledza va mu songa.

Johane 11:47

Vakhongolo nya Vaphasi nya mhamba ni Vafarisi va di tshangana va gu hunga gikungo, khavo: “Hi na gira ginani? Muthu yoyu a ngu gira siliwugiso nya singi.

Mithumo 4:24

Na va pwide satshavbo, va di hengela monyo moyo va khusedza lito ga Nungungulu va ganela, khavo: “Pfhumu, khuwe mugiri nya ndzadzi ni mafu, ni linene ni satshavbo esi si tadzago malanga yoyo.