Hoseya 6:8 - Bhibhiliya Nya Guage

⁸ Gileyadhi, lidhoropa nya vathu nya guvivbedwe khu monyo, li tadego khu novba.

Hoseya 6:8 Iomraidhean Croise

2 Samuweli 20:8

Na va vbohide vbagiwindritunu nya gikhongolo gi guromo vbafuvbi ni Gibheyoni, Amasa a di vboha mbeli gwawe; Jowabhi a di ambade dzingandzu nya wusotshwa, na dzi hungidwe khu libhandri a nga tshomegago litshari giwununi gwaye, na liri khu mudzitshokani; avbo a nga bani na gu gimbila li di homoga li thega.

2 Samuweli 3:27

Avbo Abhineri a nga bwelelago aya Hebroni, Jowabhi a di mu rana khu phuvbo, gukhwatshi a gu vbweta gu ya bhula venga, a di mu paya vbagirumbutunu avbo vbale afa, a dzi phodzela kharati ga novba wa ndriyaye Asayeli.

1 Dzipfhumu 2:5

Uwe gambe u ngu dziti gwadi idzo a nyi giredego Jowabhi, mwamana wa Zeruwa, niso a giridego ga vathangeli vavili nya nyimbi ya Israyeli, a gu Abhineri, mwamana wa Neri, ni Amasa, mwamana wa Jeteri, avo a nga va songago, a vbaladza novba nya nyimbi khu gikhati nya gurule, a dzi gira gukhwatshi womo vbanyimbitunu, khu novba wule, a di nyenyezisa khuwo giwunu gyaye ni masandrazi ya migondroni gwaye.

Dzindzimo 10:8

A gu varamela vathu vbafuvbi nya dzindranga, a sihala afela gu songa muthu nyambana nandru; maho yaye ma gu holelela gisiwana.

Dzindzimo 141:4

U nga digi monyo wangu wu dogorela guvivba; nyi nga hengeli ni va nya guvivba mithumoni gwawe, mwendro gu hodza navo mibuzo yawe.

Dzindzimo 59:2

Nyi emele ga ava va girago esi nya guvivbe, nyi vbulugise ga sighevenga.

Isaya 59:6

Wulelu wawe kha wu phasi gilo gu gira mwendra, mwalo a dzi kodzago gu dzi fenengedza khu sombo va girago; mithumo yawe khya guvivba, mandzani gwawe gu tade khu mithumo ya dzihanyi.

Jeremiya 11:19

Nyi di difanana ni nvuta nya gurule yi yiswago gusongwatunu; kholu eni nyi di si dziti gukheni va di gu nyi girela gikungo nya gu nyi songe, va ganela, khavo: “Hi na pile simbo yoyu na wu ngari ni mihandro yaye, hi na wu fuvise tigoni nya vathu va vbanyago, gasi gu si alakanywi gambe lina laye.”

Hoseya 12:11

Tigoni ga Gileyadhi gwa gu bani guri ni manyala, avo va gu dzi pfhadza! Va gu bani va gu paya dzimombe va gira miphaso, siluvelo sawe sa gu fanana ni litala nya siwindri thembweni gu limidwego.

Hoseya 12:12

Jakobe thavede khabini ga Siriya, Israyeli a diya dzi gira githumi nya guhavise dzinvuta, afela gu mana nyamayi.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Hoseya 5:1

Upwani esi enu vaphasi nya mhamba! Yingisani nenu va nyumbani ya Israyeli, nenu va nyumbani ya mufumeli! Kholu gulamudwa gogu gwa gu lumba enu, kholu mu khade milaphwi dhoropani ga Misipa, ni ligoga li ladzidwego gigomoni gya Tabhori.

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Mithumo 25:3

Va lomba wuhindzi ga Festo gukhavo a ranisa Pawulo ata Jerusalema; Va di hungide gikungo nya gu mu songe ndzilani.

Josuwa 21:38

Ga lihundzu la Gadhi, va di li ninga tigoni ga Gileyadhi, Ramoti, lidhoropa nya wuthavelo ga vale nya gusonge muthu, gumogo ni wuhaviselo waye, Mahanayimi gumogo ni wuhaviselo waye,