Hoseya 6:7 - Bhibhiliya Nya Guage

⁷ Avo va pide gidzumeledzwano kha nga Adhamu, va si tumbegi avbo gwangu.

Hoseya 6:7 Iomraidhean Croise

Genesi 3:11

Nungungulu a di mu wudzisa, khuye: “Khu mani a nga gu tivisa gukhuye u wumbwiri? Ina khandri u di hodza handro nya simbo nyi nga gu himbedzela gu wu hodza, gani?”

Genesi 3:6

Khavbo avbo, nyamayi, khu gu wona gukhuye handro nya simbo khwadi gu wu hodza, gambe wu ngu tsakisa mahoni; simbo nya wadi nya gutule mapimo ni guti, a di hava handro wule a gu hodza a gu ninga mwama waye a hodza nuye.

2 Dzipfhumu 17:15

Va di bomba sileletelo saye ni gidzumeledzwano gyaye a giridego ni vababe vawe, ni gululeka a va lulekidego khugo, va landrisela mithumo ya manyala, va khala sipumbu, va landrisela mavbanyelo ya mayigo ya vaakelane vawe, esi Pfhumu Nungungulu a va layidego gumba gira kha nga avo.

Joba 31:33

Nya gu bani nyi fananide ni vambe vathu nyi fenengedza sighoho sangu kha nga Adhamu, nyi siha milandru yangu monyoni gwangu;

Isaya 24:16

Gukhugela mahegiso nya litigo, hi pwide na gu embeledwa, gupwani: “Wudhumo ga uye a lulamidego!” Aholu eni nyari, kheni: Nyi vbede tshivba, nyi vbede tshivba! Libango langu! Valogovedzi, va ngu nyi logovedza! Kholu va gu logovedza, kha va garali khu nyi logovedza.

Isaya 24:5

Kholu mafu ma nyenyezide khu kotani ya vavbanyi vaye, kholu va yeyiside milayo ni gu hambanisa sileletelo, va kavila gidzumeledzwano nya gupindruge.

Isaya 48:8

Gima u di si gu sipwi, ambari gu si pima, gukhugela gale dzindzeve dzago dzi di bani dzi si gu tulegi; kholu nyi di gu si pima gukheni kha wa tumbega ngudzu, gukhugela rumbuni ga mayi wago, wa gu tidwa pwani u gindragamilayo.

Jeremiya 3:7

Nyi di alakanya gukheni hwane nya gu bani giride sighoho satshavbo sesi, mwendro saye a na wuya eno gwangu, aholu uye kha wuya ndriyaye nya mukanganyisi, Judha a si wone satshavbo sesi.

Jeremiya 31:32

Aholu gi na hambana ni gile nyi giridego ni vababe vawe, litshigu nyi va pharidego khu libogo gasi gu va dusa tigoni ga Egipito; aholu avo va digide gidzumeledzwano gyangu, khu guralo, eni nyi di hambana navo; a ngu ganela Pfhumu Nungungulu.

Jeremiya 34:18

Vathu vatshavbo va hambanisidego gidzumeledzwano gyangu ni gu sayisa sileletelo va hungidego mbeli gwangu; va kabanisa gimombyana khu sipandre sivili, va vbindra khu vbakari nya sipandre saye;

Jeremiya 5:11

Kholu nyumba ya Israyeli ni ya Judha dzi di nyi wugela, a ngu ganela Pfhumu Nungungulu.

Jeremiya 9:6

Va gu vbanya vbakari nya guvivbe; khu kotani nya isoso, kha va khathali khu Eni; a ngu ganela Pfhumu Nungungulu.

Hoseya 5:7

Kha va tumbega ga Pfhumu Nungungulu; kholu va velegide sanana nya wubhayi. Olu Mibuzo yawe nya Gumege nya Ngima, yi na va mbembisa gumogo ni dzithomba dzawe.

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Varoma 5:14

Gu mwalo gukanakana vbamahungutunu nya gukhethu gukhugela matshiguni ya Adhamu kala matshiguni ya Mosi, gufa gu fumide vbatshani nya vathu vatshavbo ni ga vale va ngamba ghoha nga Adhamu a nga yeyisago Nungungulu. Adhamu a diri giyeyedzo gya wule a nga bani a gu hadza guta.

Dhewuteronome 31:20

Gikhati nyi na va bedzago ga litigo eli nyi li sambanyedego ga vababe vawe, litigo li gogago mahwe ni wulombe, mu na ya hodza mu khura, gambe mu naya ena. Aholu va na phela guya khozela vambe vanungungulu, va nyenya Eni, va hambanisa gidzumeledzwano gyangu.

Vahebheru 8:9

Egi kha gi fanani ni gidzumeledzwano nyi nga hungago ni vababe vawe, litshigu nyi nga va phara khu mandza nyi va dusa tigoni ga Egipito. Avo kha va tumbega ga gidzumeledzwano nyi nga girago navo. Khu guralo, eni nyi di va nyenya, a ngu ganela Pfhumu.