Hoseya 6:5 - Bhibhiliya Nya Guage

⁵ Khu guralo nyi mi bayiside, khu gu mi rumela vaprofeti; nyi mi songa khu magana ma dugidego khu kanani gwangu, ni wulamuli wangu wu na duga kha nga wenengedzo.

Hoseya 6:5 Iomraidhean Croise

Genesi 18:25

Ahihi, u nga alakanyi gu gira silo nya nga isoso; gu songa u mbembisa va nya gululama gumogo ni sighohi, muthu nya gululame ni gighohi u va gira idzosaye! Ni vbadugwana, u nga giri kharato! Ina mulamuli nya litigo latshavbo a na sindrwa khu gu lamula, gani?”

1 Dzipfhumu 14:6

Avbo Ayiya a ngapwago sikingo nya migondro yaye, na nga gu bela vbamwanyatunu, a di mu embela, khuye: “Bela uwe ngadza Jerobhowamo. Khu ginani u dzi vbindrugedzago kharato u dzi gira mumbe muthu? Eni nyi rumedwe avbo gwago ni magana nya gulemele:

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 18:17

Avbo Akabi a nga wonago Eliya, a di khuye: “Khuwe mu muvhilinganyisi wa va na Israyeli, gani?”

1 Dzipfhumu 19:17

Vathu va na vbulugago gu songwa khu Hazayeli, va na songwa khu Jewu, ni vatshavbo va na vbulugago gu songwa khu Jewu, va na songwa khu Elizewu.

2 Dzipfhumu 1:16

Eliya a di embela mufumeli, khuye: “Pfhumu Nungungulu a ngu ganela kharati, khuye: Khu ginani u rumedego myango gu ya wudzisa Bhahali-Zebhubi, nungungulu wa Ekoroni? Ina omu tigoni ga Israyeli mwalo Nungungulu nya guyele gu ya wudzisa gwaye, gani? Khu guralo, vbadawutunu vbovbo u ladego, gima khu na nga wuga, kholu khu lisine u nafa.”

2 Dzikoronika 21:12

Khavbo avbo, a di resedwa lidangalila li nga lowago khu muprofeti Eliya, li nga bani li ganela, khilo: Pfhumu Nungungulu wa babe wago Dhavhidhe a ngu ganela kharati, khuye: Kha nga olu u ngamba gimbila khu dzindzila dza babe wago Josafati, ni dzindzila dza Asa mufumeli wa Judha,

Joba 15:30

Uye gima kha na vbuluga lufuni; matamo yaye ma vbiswa khu nilo, a na mbembiswa khu phuvbo yi dugago khu kanani gwa Nungungulu.

Joba 34:10

Khu kharato, nyi yingiseni enu vathu mu pwisisago; Nungungulu kha tshuki a gira ugo guvivbidego, mwendro Nyadzitshivbe gu gira sighoho.

Dzindzimo 119:120

Mili wangu wu ngu ndrendremela mbeli gwago khu gu gu thava, khu kotani nya guthave milayo yago. Ain

Dzindzimo 37:6

A na wonegisa gululama gwago kha nga wenengedzo ni dzifanelo dzago kha nga lidambo li wenengedzago vbamihanitunu.

Isaya 11:4

aholu, a na lamula sisiwana khu nayo, a pila mahungu ya va nya gu dzi nogisa va tigoni khu gululama; a na veta litigo khu lipitso nya magana yaye, khu furugedzo wa kanani gwaye, a na songa va nya guvivba.

Isaya 58:1

Womba gimima khu lito nya gukhugege, nyamba garala! Lito lago li na dzume kha nga pundru. Thuledza nandru wa vathu vangu, ni sighoho si girwago khu sanana sa Jakobe.

Jeremiya 1:10

Wona nya gukhuwe muhuno nyi ngu gu ninga tshivba nya gufumele mayigo ni mifumo, u na wandra ni gu pfhungumula, u mbembisa muphelo; ni gu vbahedza ni gu yala.”

Jeremiya 1:18

Wona nya gukhuwe gukhugela muhuno nyi na gu gira lidhoropa nya gutiye, kha nga lidingo nya dzisimbi, ni libhiyo nya sugu, gasi u vhikela litigo latshavbo, vafumeli va Judha, vathangeli vaye, vaphasi nya mhamba ni vathu vaye vatshavbo.

Jeremiya 13:13

Aholu uwe u na va embela, khuwe: Pfhumu Nungungulu a ngu ganela kharati, khuye: Wona nya gukhuwe vatshavbo vavbanyi va tigoni momu, vafumeli va khalago gikhaloni nya wufumu wa Dhavhidhe, vaphasi nya mhamba, vaprofeti ni vatshavbo vavbanyi va Jerusalema, nyi na va levisa khu wadwa.

Jeremiya 23:29

Pfhumu Nungungulu a ngu ganela, khuye: Ina magana yangu khandri ma gu vbisa gu fanana ni nilo, mwendro gikhokhotho gi pandrago siwindri, gani?

Jeremiya 5:14

Khu guralo, Pfhumu Nungungulu nya Tshivba Yatshavbo a ngu ganela kharati, khuye: “Kha nga olu mu ganedego isoso, eni nyi na vbindrugedza magana yangu ma khala nilo ni vathu vava nyi na va gira dzikhuni ni nilo va na gu vbiswago khuwo.”

Ezekiyeli 11:4

Uwe mwamana wa muthu, ganela navo; va profete.”

Ezekiyeli 3:9

Nyi na bangisa khovbe yago kha nga giwindri, u tiya kha nga dhayimane. U nga khali hwanga khu avo, gambe u nga thurugi khu gu va wona, ambari olu a gu vathu nya guyeyise.”

Ezekiyeli 32:18

“Mwamana wa muthu, emba ndzimo u lila khu gidzemo gya Egipito u va reledza phalani nya vafi avo gumogo ni vathu nya dzitshivba nya mambe mafumbo, gasi va relela guetani nya mafu, gumogo ni vale va relelago phalani nya vafi.

Ezekiyeli 43:3

Makhalelo nya giwoniso gegi nyi gi wonidego, gi di gu fanana ni giwoniso nyi gi wonidego gikhati nyi ngata khungumula lidhoropa; si fanana ni siwoniso nyi si wonidego vbafuvbi ni tsongo wa Kebhari; nyi di thega vbavbatshi khu khovbe.

Sofoniya 3:5

Pfhumu Nungungulu a gu romo vbakari nya lidhoropa leli, lulamide, kha giri gilo nya guvivbe. Gugya ni gugya uye a gu thuma gulamula gwaye guwonegelani; kha phazami, aholu va nya guvivbedwa khu monyo kha vapwi dzitshoni.

Mithumo 7:31

Mosi a di liwuga, khu esi a nga si wona. A di hidzimela afela gu wona gwadi, a dipwa lito la Pfhumu, khilo:

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

Vaefeso 6:17

Ambalani gihugu nya guvbanyiswe, gasi magana ya Nungungulu ma phareni kha nga litshari mu ningwago khu Liphuvbo nya Guage.

Vahebheru 4:12

Mahungu ya Nungungulu khya guvbanya, ma na ni tshivba, ma ngu vbira guvbindra litshari nya gulodzwe eno ni eno. Ma gu paya, ma bela kala matshanganoni nya womi nya muthu. Ma ngu hambanisa gutshangana nya mongo ni marambo; ma ngu tugula mahingigedzo ni mapimo ma sihadego monyoni nya muthu.

Gutuledwa 1:16

Khu nyamudye a di pharide livbandre na dzimbili dzinyeledzi; khu kanani gwaye gu di duga litshari nya gulodzwe eno ni eno. Khovbe yaye yi di fanana ni lidambo nya gungangamele khu tshivba yaye yatshavbo.

Gutuledwa 2:16

Nga vbindrugedza mavbanyelo; nyi nga gara nyita khu guvbiredza nyita dwana navo khu litshari leli la kanani gwangu.

Gutuledwa 9:15

Dzi di tshudwa dzingilozi dza dzina na dzi dongisede tshivba nya gusonge gipandre nya wuraru nya vathu khu gipitipiti, gikhati gegi, litshigu leli, ngima yoyu, ni mwaga yoyu.

Gutuledwa 9:21

Kha va vbindrugedza mavbanyelo, gambe va di simama ni mithumo yawe nya guvivbe: A gu wughevenga, wuloyi, wubhayi ni wuvafa.

1 Samuweli 13:13

Khavbo avbo, Samuweli a di embela Sawule, khuye: U thumide wupumbu khu gumba landrisa nayo u ningidwego khu Pfhumu Nungungulu wago, naripwani u di yingiside, Pfhumu Nungungulu a di hadza gutiyisa mufumo wago ga va na Israyeli kala gupindruga.

1 Samuweli 15:22

Khavbo avbo, Samuweli a di mu embela, khuye: “Ina Pfhumu Nungungulu a gu tsakiswa khu miphaso nya guvbiswe ni dzimhamba guvbindra gu yingisa magana yaye, gani? Gu yingisa i tshukwana guvbindra miphaso, ni gu sayisa lito la Pfhumu Nungungulu, guvbindra mafura nya dzinvuta.

1 Samuweli 15:32

Samuweli a di ganela, khuye: “Nyi reseleni Agagi, mufumeli wa Vaamaleki.” Agagi a di hidzimela na tangade, na gu alakanya gukhuye: “Khu lisine guvbisega nya gufe gu vbindride.”

1 Samuweli 15:33

Samuweli a di mu embela, khuye: “Kha nga olu litshari lago li nga songetela sanana sa vanyamayi nya vangi, Olu mayi wago nuye, a na tshala nyambana uwe.” Samuweli a di dzegela gu mu songa mbeli ga Pfhumu Nungungulu, dhoropani ga Giligali.