Hoseya 6:3 - Bhibhiliya Nya Guage

³ Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Hoseya 6:3 Iomraidhean Croise

2 Samuweli 23:4

a na fanana ni wenengedzo gikhati li dugago lidambo, vbadzimindrutunu nya gumbana mapfhi, kha nga gungangamela hwane nya guwe ndzadzi, gu bugisago mwasi mafuni.

Joba 29:23

Va di gu nyi lirela khwatshi nyi ndzadzi, va sela magana yangu kha nga uye a selago ndzadzi nya guhegule.

Dzindzimo 19:4

Ambari ulo gudzuma gwawe gu ngu pwala tigoni gwatshavbo, lito lawe li ngu pwala kala mahegiso nya mafu; khiyo a vbahedego tshatsha lidambo.

Dzindzimo 19:6

Ilo la gu wonega mahegiso ga Khugadambo, li hegisa liendro laye mahegiso ga Muhwadambo, gi mwalo gilo gi si furumedzwigo khu lihani laye.

Dzindzimo 63:8

Nyi ngu namarela gwago khu hefemulo wangu watshavbo, mandza yago ya nyamudye ma ngu nyi seketela.

Dzindzimo 65:9

U ngu khatalela litigo u li sayisa; u li rumela ndzadzi ni gu li velegisa mihandro; u ngu tadza mitsongo khu mati ni gu dandrisa sivbila, u ngu dongisela kharati wulime.

Dzindzimo 72:6

Mufumeli a na khale nga ndzadzi yi wago wulimeni, a fanana ni ndzadzi yi thelago thomwa mafuni.

Mavingu 4:18

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani.

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 32:15

kala li gu tshiga avbo gwathu Liphuvbo la gupindruga; khavbo avbo, giwula gi na vbindrugedza gi khala lithembwe nya gunone, ni lithembwe nya gunone li na khala likhabi.

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Jeremiya 24:7

Nyi na va ninga monyo nya gu nyiti gukhavo eni kheni Pfhumu Nungungulu; avo va na khala vathu vangu, eni nyi na khala Nungungulu wawe; kholu va na wuya avbo gwangu khu monyo wawe watshavbo.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Hoseya 10:12

Dzi yaleleni gululama mwabune, mu vbwera mihandro nya wuwadi limani wulime nya mahange yanu, kholu egi khu gikhati nya guvbwete Pfhumu Nungungulu, kala a wuya, ata vbaladza gululama vbakari gwanu.

Hoseya 14:5

Avbo ga Israyeli nyi na khala kha nga thondrwane; uye a na nyuga nga genge a nava mikhamba nga simbo wa Libhanoni.

Hoseya 14:6

Matamo yaye ma na nava, wumburi waye wu fanana ni simbo nya olivha, wu nungela gu fanana ni simbo wa Libhanoni.

Hoseya 2:20

Khu litshigu lolo, nyi na gira khu avo gidzumeledzwano ni sirengo nya likhabi, ni sinyoni sa damboni, ni esi nya gukhwirire khu lididi mafuni, nyi na fuvisa tigoni dzinyimbi, wulaho ni matshari, va na lala ligovbe nya gutenge!

Mikeya 4:2

Mayigo yatshavbo ma nata ma ta khayo: Hongoleni hi gwele gigomoni gya Pfhumu Nungungulu ni Nyumbani ga Nungungulu wa Jakobe, gasi a ta hi hevbudze dzindzila dzaye, ethu hi na landra sindzilana saye; kholu nayo wu na duga khu Siyoni, khu Jerusalema gu na duga magana ya Pfhumu Nungungulu.

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Mikeya 5:7

Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Zakariya 10:1

Lombani ndzadzi ga Pfhumu Nungungulu gikhatini nya gilimo, kholu Uye khuye a girago mabara ni gulasa ni gu wisa dzindzadzi nya dzikhongolo, yi nonisa wulime, a ninga ga moyo ni moyo mihandro ya thembweni gwaye.

Matewu 13:11

A di va hakha, khuye: “Kholu enu, mu ningidwe guti misihalo nya Mufumo wa Ndzadzini, gasi avo va mwalo giningwa gyogyo.

Luka 1:78

khu wuhindzi nya wukhongolo wa Nungungulu wathu, hi ngu mana gu endredwa khu guwonegela gutago khu Ndzadzini,

Johane 17:3

Guvbanya nya gupindruge khogu: Vati uwe basi kha nga Nungungulu nya lisine, ni guti Jesu Kristo, a gu uye u nga mu rumelago.

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

Dhewuteronome 32:2

Gihevbudzo gyangu gi na dote kha nga ndzadzi, lito langu li naganisa kha nga thondrwane, kha nga humguva vbatshani nya mwasi, kha nga madona nya mati mwasini.

Vahebheru 3:14

Khu lisine, ethu hi ngu hengela ni Kristo, gambe hi na simama gu hengela naye, ha gu tiya kala mahegiso ni gutumba hi nga bani hiri nago guhegulani.

2 Pedro 1:19

Khavbo avbo, hi na ni gutumba ga Mahungu ma nga tiviswago khu vaprofeti, ma gukhayo: Mu ngu gira gwadi mwa gu yingisa mahungu yoyo, kholu, ma ngu fanana ni guwonegela gu wenengedzago gidemani kala gugya; thandra nya masase yi na wenengedze myonyoni gwanu.

Gutuledwa 22:16

“Eni Jesu, nyi rumede ngilozi yangu umo nya mabandla, gasi guta mi fakazela silo sesi. Eni nyi Khamba ni Mbewu nya lihundzu la Dhavhidhe, nyi Thandra nya Wuronga nya guwenengedze ngudzu.”