Hoseya 6:2 - Bhibhiliya Nya Guage

² Khu hwane nya matshigu mavili basi, a na wuyisa nyaluphye guvbanya gwathu, khilo nya wuraru, a na hi wusa, hi vbanya mbeli gwaye.

Hoseya 6:2 Iomraidhean Croise

Genesi 17:18

Abrahama a di embela Pfhumu Nungungulu, khuye: “Oh, Nungungulu wangu, a na vbanye Ismayeli mbeli gwago!”

2 Dzipfhumu 20:5

“Bwelela u ya embela Ezekhiya, muthangeli nya vathu vangu, khuwe: Pfhumu Nungungulu wa babe wago Dhavhidhe, a ngu ganela kharati, khuye: Nyi pwide nombelo wago, nyi wona ni marongo yago; nyi na gu vbanyisa; khu litshigu nya wuraru, u na gwela Nyumbani ga Pfhumu Nungungulu.

Dzindzimo 61:7

A na simame kala gupindruga mbeli ga Nungungulu; a na sayisege khu lihaladzo ni gutumbega.

Dzindzimo 71:20

Uwe u nyi vbindriside khu vbakari nya sigaradzo ni mabango nya gutale, u na nyi vbanyisa nyaluphye, u nyi dusa vbakari nya lufu.

Muhevbudzi 3:3

gikhati nya gusonge, ni gikhati nya guvbanyise; gikhati nya gupfhungumule, ni gikhati nya guvbahe;

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Isaya 30:26

Ngima wu na ngangamela kha nga lidambo, ni gungangamela nya lidambo gu na engedzedwa livbandre na dzimbili dzinyondro, kha nga gungangamela nya livbandre na mavili matshigu, litshigu Pfhumu Nungungulu a na hungelelago dzimbanga dza vathu vaye ni gu vbodzisa silondra nya dziphandza a va pandridego.

Hoseya 13:14

Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Hoseya 7:2

Gambe kha va pimisi khu myonyoni gwawe, gukhavo eni nyi ngu alakanya mithumo yawe yatshavbo nya guvivbe; va fenengedzidwe khu sighoho sawe, gikhati gyatshavbo nya gu khedza avo.

Johane 14:19

Nugunugu, vathu va mafuni kha va na nyi wona gambe, gasi enu mu na nyi wonani; kholu enu mu na vbanya khu kotani nyi vbanyago.

Varoma 14:8

Ha gu vbanya ha gu vbanyela Pfhumu, ha gufa gambe ha gufela Pfhumu. Kholu gani hi ngu vbanya, gani hi ngufa, ha gu lumba Pfhumu.

1 Vakorinto 15:4

Dzingidwe, a wuga khu litshigu nya wuraru, kha nga yi ganelago Milowo nya Guage.