Hoseya 6:1 - Bhibhiliya Nya Guage

¹ Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Hoseya 6:1 Iomraidhean Croise

2 Dzikoronika 30:6

Khu guralo, myango yi di phalalega gumogo ni malangalila, ma nga lowago khu mufumeli ni manganagana yaye tigoni gwatshavbo ga Israyeli ni ga Judha, va tivisa kha nga guleletisa ga mufumeli a nga khuye: “Enu va na Israyeli, vbindrugedzani mavbanyelo mu wuye ga Pfhumu Nungungulu wa Abrahama, wa Isaki ni wa Israyeli; gasi a wuye ga enu mu vbulugidego khu mandzani ga vafumeli va Asiriya.

Joba 16:9

Uwe Nungungulu, u nyi vbadzulede khu likhulo lago, U nyi khukhurusela magwaha; valala vangu va gu nyi laludzela khu maho nya guthise.

Joba 22:23

Wa gu vbindrugedza u khodwa ga Uye a gu ni Tshivba Yatshavbo, a nata gu wusedza. Aholu gu vbweta u dusa satshavbo nya guvivbe tshatshani gwago.

Joba 34:29

Aholu, Uye a gu degula, khu mani a na mu rwegago nandru? A gu siha khovbe yaye, khu mani a na mu wonago? Khu guralo, Uye a ngu fuma vathu gumogo ni mayigo.

Joba 5:18

Kholu uye a ngu thela dzimbanga, bwelo khavbo a dzi hungelela; Uye a ngu bayisa, aholu mandza yaye ma vbodzisa.

Dzindzimo 30:7

Pfhumu Nungungulu, wuhigo wago wu di nyi ninga tshivba ni wudhumo; aholu, u sihide khovbe yago, eni nyi tedwa khu rerema.

Dzindzimo 6:2

Nyi pwele wusiwana Pfhumu Nungungulu, kholu nyi ngu vbela tshivba; nyi hawulugise Pfhumu Nungungulu, kholu marambo yangu ma ngu khuyugela.

Dzindzimo 71:20

Uwe u nyi vbindriside khu vbakari nya sigaradzo ni mabango nya gutale, u na nyi vbanyisa nyaluphye, u nyi dusa vbakari nya lufu.

Muhevbudzi 3:3

gikhati nya gusonge, ni gikhati nya guvbanyise; gikhati nya gupfhungumule, ni gikhati nya guvbahe;

Isaya 17:7

Khu litshigu lolo, muthu a na khedza Muvangi waye, maho yaye ma na khedza Nyaguage wa Israyeli.

Isaya 2:3

Mafumbo nya mangi nya mayigo, ma nata ganela, khayo: Hongoleni hi gwele gigomoni ga Pfhumu, hiya Nyumbani ga Nungungulu wa Jakobe, gasi a hi hevbudze dzindzila dzaye, hi gimbila khu dzindzila dzaye, kholu, nayo wu na duga khu Siyoni, magana ya Pfhumu Nungungulu, ma na duga khu Jerusalema.

Isaya 30:22

Khu guralo, mu na nyenyezisa parata yi namegidwego umo nya sifananiso nya guvatwe ni ndralama yi nga namegwago umo nya sifananiso sawe nya gupfhudwe, mu na si dzudzugani hwindzo kha nga gilo nya gunyenyeze, muthu ni muthu, khuye: “Duga avba!”

Isaya 30:26

Ngima wu na ngangamela kha nga lidambo, ni gungangamela nya lidambo gu na engedzedwa livbandre na dzimbili dzinyondro, kha nga gungangamela nya livbandre na mavili matshigu, litshigu Pfhumu Nungungulu a na hungelelago dzimbanga dza vathu vaye ni gu vbodzisa silondra nya dziphandza a va pandridego.

Isaya 55:7

Muthu nya guvivbedwe khu monyo a na dige ndzila yaye nya guwegele, ni oyu nyamba lulama a na dige mipimiso yaye; a na vbindrugedze mavbanyelo a wuya ga Pfhumu Nungungulu, uye a na mu pwela gisiro, wuyani ga Nungungulu wathu, kholu tade khu wuhindzi ni gutsetselela.

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Jeremiya 30:12

Pfhumu Nungungulu a ngu ganela kharati, khuye: “Mbanga yago yikhongolo, kha yi vboli ni gilondra gyago khya gimange.

Jeremiya 30:17

Kholu nyi na wusedza womi wago ni gu hawulugisa dzimbanga dzago, a ngu ganela Pfhumu Nungungulu; khu guralo, va na gu riya lina nya gupwani, muhudwa na va gu ganela, khavo: Siyoni kha khathaledwi gambe khu muthu.”

Jeremiya 33:5

Va bela khumo gasi gu dwana ni Vakalidhiya, gasi nyi li tadza khu sirumbi nya vathu nyi va songidego khu likhulo langu, avo nyi va sihedego khovbe yangu khu kotani nya sighoho va giridego dhoropani momu.

Jeremiya 33:6

Nyi na hungelela silondra sawe, nyi va vbodzisa ni gu va vbanyisa, nyi bwelo khavbo nyi va ninga gurula nya gungi ni lisine.

Jeremiya 50:4

Khu matshigu yoyo ni gikhati gyogyo, a ngu ganela Pfhumu Nungungulu, va na Israyeli ni va na Judha va na tombana va wuya gumogo, na va gu lila va vbweta Pfhumu Nungungulu wawe.

Jeremiya 50:5

Va na wudzisa ndzila yi hongolago Siyoni, siwombo sawe si na thonona iyo; va na dzi tshanganisa ga Pfhumu Nungungulu ga gidzumeledzwano nya gupindruge, gi na gumba divadwa gambe.

Gililo 3:11

A nyi ndreyiside ndzilani gwangu a nyi vbadzulela, a nyi tshiya nyambana wangu.

Hoseya 11:10

Va na landrela Pfhumu Nungungulu; Uye a nga bhonga nga nghala. Avbo a na gu bhongago, sanana saye si nata khu Pfoladambo na si gu ndrendremela.

Hoseya 12:6

Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 14:4

Nyi na dusa gumba tumbega gwawe, nyi va gola khu monyo wangu watshavbo, kholu likhulo langu li na duga avbo gwawe.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Levhi 14:48

Aholu muphasi nya mhamba a gu wuya ga nyumba yoyo a ta wona gukhuye gibalavandza kha gya engedzelana gudandra, hwane nya gu nyumba na yi londridwe, a na tivisa nya gukhuye nyumba yi agide, kholu gibalavandza gi vbede.

Sofoniya 2:1

Rambanani mu tshangana mu wuyisela mapimo, enu vathu nyambana dzitshoni.

Dhewuteronome 32:39

Gasi olu, wonani gwadi gukhenu, Eni kheni nyi gu Nungungulu, mwalo mumbe nungungulu vbavbandze ga Eni! Eni kheni nyi ningago guvbanya ni gufa, Eni nyi ngu songa ni guvbanyisa, mwalo a vbulugago mandzani gwangu.

1 Samuweli 2:6

Pfhumu Nungungulu khuye a songago ni gu ninga womi; a ngu kodza gu reledza vathu thowoni ni gu va dusa khumo.

1 Samuweli 7:3

Khavbo avbo, Samuweli a di ganela ga va na Israyeli vatshavbo, khuye: “A gu bani nari mwa gu wuyani ga Pfhumu Nungungulu khu monyo wanu watshavbo, dusani vbakari gwanu, vanungungulu nya valombo ni sifananiso sa Asitaroti, mu namarela khu monyo wanu watshavbo ga Pfhumu Nungungulu, mu thumela uye basi, uye a na mi vbanyisa mandzani ga Vafilisitiya.”