Hoseya 5:9 - Bhibhiliya Nya Guage

⁹ Litshigu nya tsayiso, Efrayimi a na khungumudwa. Vbakari nya mahundzu ya va na Israyeli, nyi yeyedzide iso si na giregago.

Hoseya 5:9 Iomraidhean Croise

Joba 12:14

Iso Uye a si pfhungumulago, kha si vbahedzwi khu muthu, ni uye a mu khothelago, kha kodzi gu tuledwa khu muthu.

Isaya 37:3

Va ya mu embela, khavo: Ezekhiya a ngu ganela kharati, khuye: Litshigu la muhuno litshigu nya wuvi, nya tshanisa ni givalo; kholu ha gu fanana ni sanana si guromo vbafuvbi ni gu velegwa, aholu muvelegi wakone na vbede tshivba nya gu si velege.

Isaya 46:10

Eni nya gu tivisa esi si giregidego gukhugela guhegulani, gukhugela dzinango dzi vbindridego nidzo dzi nga gutago. Nyi ngu ganela, kheni: Makungo yangu ma na tiya, gambe nyi na gira satshavbo nyi si golago.

Isaya 48:3

Gale ngudzu na nyi huwelede silo nya guhegule, si duga khu kanani gwangu, nyi si pwadzide si dugelela khu githugedza.

Isaya 48:5

Khu guralo, nyi gu tiviside khu gale silo sesi, nyi gu pwadzede na si si gu dugeleli, gasi u si ganeli, khuwe: Gifananiso nya nungungulu wangu, khigyo gi giridego silo sesi; mwendro gukhuwe: Gifananiso nya simbo nyi nga vatago, mwendro nyi nga wumbago, khigyo gi giridego si dugelela silo sesi.

Isaya 7:16

Aholu, gyanana gegi, na gi si gu kodzi gu nyenya guvivba ni gu hatha wuwadi, mayigo ya vafumeli va vavili va gu thusedzelago ma na bani ma vbindrugedzide ma khala giwula.

Hoseya 5:12

Khu guralo ga va na Efrayimi nyi womo kha nga githu nya, ga va na Judha, nyi na khala kha nga nyathambwi.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Hoseya 7:12

Avbo va na hongolago, nyi na ladza khoga yangu nyi va goga, va na thega nga sinyoni sa damboni. Nyi va tsayisa gu khedza khiso va si pwidego tshanganoni gwawe.

Hoseya 8:8

Israyeli midzidwe; olu womo vbakari ga mambe mayigo kha nga gyombo nyamba phasa gilo.

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Amosi 3:7

Khu lisine, Pfhumu Nungungulu, kha na gira gilo nyamba phela khu gu ninga giwoniso ga sithumi saye, a gu vaprofeti.

Amosi 7:17

Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Amosi 7:9

Malangani nya sigomo nya miphaso ya Isaki, ma na vbindrugedza ma khala marumbi, ni malangani nya miphaso ya Israyeli ma na khungumudwa; nyi na wugela nyumba ya Jerobhowamo khu matshari.”

Mikeya 6:13

Khu kotani nya isoso eni kamwe nyi na gu tshanisa, nyi gu mbembisa khu kotani nya sighoho sago.

Zakariya 1:6

Aholu, magana ni sileletelo sangu, nyi si tivisidego khu magana ya vaprofeti, sithumi sangu, ina kha sa pwala dzindzeveni ga vababe vanu, gani? Khavbo avbo, avo va di dzi laya va vbindrugedza va ganela, khavo: Pfhumu Nungungulu nya Tshivba Yatshavbo a hi pharidego kha nga idzo a hungidego khidzo gu hi tsayisa gukhedza khu mavbanyelo ni mithumo yathu.”

Johane 16:4

Gasi olu nya gu mi embela esi, gufela gu gya gu vboha gikhati gyakone, mu dundruge gukhenu, nyi di mi embede; kha nya mi embelani gukhugela guhegulani, kholu nyi diri nanu.