Hoseya 5:5 - Bhibhiliya Nya Guage

⁵ Matshandza ya na Israyeli, ma ngu va ketsari dzikhovbeni gwawe; Israyeli ni Efrayimi va na thega khu wuvivbi wawe, Judha nuye a na thega gumogo navo.

Hoseya 5:5 Iomraidhean Croise

Mavingu 11:21

Muthu nya guvivbedwe khu monyo, gima kha na vbuluga gu mana tsayiso, aholu livelego la va nya gululama, li na vbuluga.

Mavingu 11:5

Gululama gwa muthu a tumbegidego, gu na lulamisela ndzila yaye, aholu gighohi gi na thega khu sighoho saye.

Mavingu 14:32

Muthu nya guvivbedwe khu monyo, a na theswa khu mithumo yaye, aholu muthu nya gululame ambari na gu fude a na ni gitumbo.

Mavingu 24:16

kholu muthu nya gululame, ambari a thega livbandre na dzimbili dzinyondro, uye a na wuga, aholu vathu nya guvivbedwe khu monyo, litshigu nya mhango, va na thegela muphelo.

Mavingu 30:13

vale maho yawe ma khusegidego ni dzitshi dzawe dzi laphidego.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Isaya 3:9

Dzikhovbe dzawe dzi ngu va thuledza; dzi bhusa phungu nya sighoho sawe kha nga Sodhoma, nyamba siha gilo. Libango ga mihefemulo yawe! Kholu va gu dzi vangela vabune libango.

Isaya 44:9

Vatshavbo vawumbi nya sifananiso khandri va gilo, ni mithumo yawe va yi tsakelago, kha yi phasi gilo; avo vabune kamwe dzifakazi nya gukhavo kha va woni ambari gu pima gukhavo va na thedwa dzitshoni.

Isaya 59:12

Kholu mithumo yathu nya gunyenyeze yi ngu engedzelana mahoni gwago, ni sighoho sathu si ngu hi fakazela; kholu mithumo yathu nya gunyenyeze yomo avbo gwathu, gambe hi ngu guti guvivba gwathu.

Jeremiya 14:7

Ambari hi konwago khu sighoho sathu, kholu milandru yathu mingi ngudzu; kholu hi gu ghohedego, ambari khu guralo, Pfhumu Nungungulu, hi phase khu lihaladzo nya lina lago.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Hoseya 4:5

Khu guralo, u na thega vbakari nya mihani, vbawutshigutunu u thega gumogo ni muprofeti, nyi na mbembisa mayi wago.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Hoseya 7:10

Matshandza ya Israyeli, ma ngu mu girela wufakazi, ambari khu satshavbo soso, uye kha wuyi ga Pfhumu, Nungungulu waye, ambari gu mu vbweta.

Hoseya 8:14

Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Amosi 5:2

Likendzi la Israyeli li thegide, gima kha li na wuga gambe; li di labalaba mafuni, mwalo ni moyo nya gu li wuse.

Matewu 23:31

Kharati mu ngu dzi thuledza gukhenu mu sanana sa vale va nga songago vaprofeti.

Luka 19:22

Mufumeli wule a di mu hakha, khuye: ‘Githumi nya guvivbedwe khu monyo, nyi ngu gu kona khu magana yago. Gwadigo u di gu dziti nya gukhuwe nyi mwama nya wurena, nyi dzegago umo nyi ngamba vega ni gu vbwera umo nyi ngamba yala,