Hoseya 5:15 - Bhibhiliya Nya Guage

¹⁵ Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.

Hoseya 5:15 Iomraidhean Croise

Genesi 42:21

Khavbo avbo, avo va di ganela khu gyawe, khavo: “Khu lisine ha gu tsayiswa khu kotani ya ndriyathu; hi wone khu gu tshaniseka gwaye gikhati a nga bani na gu hi lomba wuhindzi, aholu ethu kha ha nga mu pwela. Khu kotani nya isoso, hi ngu thegedwa khu libango leli.”

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Joba 33:27

Khu hwane a na wona vathu a ganela, khuye: Nyi ghohide khu gumba landrisa nayo, aholu uye kha nyi tsayisa gulandra khu sighoho sangu.

Dzindzimo 107:13

Aholu vbakari nya sigaradzo sawe va di lila ga Pfhumu Nungungulu, uye a di va vbanyisa ga sigaradzo sawe.

Dzindzimo 107:19

Khu guralo, vbakari nya sigaradzo sawe va di lila ga Pfhumu Nungungulu, uye a di va vbanyisa ga sigaradzo sawe.

Dzindzimo 107:28

Gugaradzegani gwawe va di lila ga Pfhumu Nungungulu va lomba gu phaswa, uye a di va vbanyisa dzimhangoni gwawe.

Dzindzimo 107:6

Aholu vbakari nya sigaradzo sawe, va di lila ga Pfhumu Nungungulu, uye a di va vbanyisa sigaradzoni gwawe.

Dzindzimo 132:14

A di khuye: “Owu wu na khala wulanga wangu kala gupindruga, nyi na vbaha avba, kholu owu wulanga nyi wu tsakede.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 78:34

Gikhati a nga bani a va tsayisa, khavbo va nga bani va gu mu alakanya.

Dzindzimo 83:16

Va thele dzitshoni nya dzikhongolo Pfhumu Nungungulu, gasi va fela gu wuya gwago.

Mavingu 8:17

Nyi ngu gola vale va nyi golago, avo va nyi vbwetago, va na nyi mana.

Isaya 18:4

Kholu Pfhumu Nungungulu a nyi embede kharati, khuye: “Nyi na khedza na nyiri khu nyumbani gwangu, na nyi rude ni gutangala, kha nga guvbisa nya lihani gikhati nya gugye, mwendro kha nga lipfhi nya hunguva vbanangotunu nya guvbise, khu nango nya guvbwere.”

Isaya 26:16

Pfhumu Nungungulu, sigaradzoni gwawe, va di gu vbweta; avbo u nga va tsayisa, va di lila avbo gwago.

Isaya 26:21

Kholu, wonani nya gukhenu Pfhumu Nungungulu, a na khuga khu wulangani gwaye guta tsayisa vavbanyi va mafuni, khu kotani nya sighoho sawe. Mafu ma na funungula novba wawe, ma si sihi gambe vale va songedwego umo.

Isaya 26:9

Hefemulo wangu wa gu vbweta uwe wutshigu watshavbo, gu ngari dzimindrudzile, hefemulo wangu wa gu vbweta uwe; kholu milayo yago yi ngu gimbidzisa vathu mafuni, vathu va tigoni, va na hevbule gululama.

Jeremiya 2:27

Avo va manago simbo, khavo: “Uwe khuwe melegi wangu; mu embela giwindri, khenu: Uwe khuwe u nga hi gira; kholu mu di nyi pfhurarela mu si nyi khedzi; aholu khu gikhati nya wuvi mu ngu nyi alakanya, khenu: Khuga u eme u hi vbanyise.”

Jeremiya 3:13

Gu vbwetega basi gu dzumela gighoho gyago, kholu khwa tumbega gilo ga Pfhumu Nungungulu wago, u di khozela vanungungulu va nya mayigo vbavbatshi nya misimbo nya gunyuge, gambe khwa yingisa gilo lito langu; a ngu ganela Pfhumu Nungungulu.

Jeremiya 3:14

Wuyani gwangu enu sanana nya gukanyise, a ngu ganela Pfhumu Nungungulu; kholu eni kheni Pfhumu yanu, nyi na mi dzegani, moyo ni moyo khu madhoropani ni vavili-vavili khu lihundzu ni lihundzu nyi mi hetedza kala Siyoni.

Gililo 3:40

Hongoleni hi khedzise mavbanyelo yathu, hi wuye ga Pfhumu Nungungulu.

Ezekiyeli 10:4

Khu guralo, wudhumo wa Pfhumu Nungungulu wu di duga khu vbatshani nya dzikerubhimi wu ya ema vbamwanyatunu nya Nyumba ya Nungungulu. Lipfhi li di tadza Nyumba ya Nungungulu, ni likupakupa li di manwa khu gungangamela nya wudhumo wa Pfhumu Nungungulu.

Ezekiyeli 11:23

Wudhumo wa Pfhumu Nungungulu wu di khuga khu dhoropani wu ya ema vbatshani nya gigomo gi manegelago khu Khugadambo nya lidhoropa.

Ezekiyeli 20:43

Avbovbo mu naya alakanya dzindzila dzanu ni mithumo yanu yatshavbo iyo mu dzi nyenyezisidego khiyo, mu napwa wuvi enu vamune kamwe khu iso mu giridego.

Ezekiyeli 36:31

Khavbo avbo, mu na alakanyani dzindzila dzanu nya guwegele ni mithumo yanu nya guvivbe; mu na khala sirangalabwa enu vamune kamwe khu kotani nya guvivbe ni gu dzi nyenyezisa gwanu.

Ezekiyeli 6:9

Mayigoni momo mu na vbagedwago mu ya umo, vale va na vbulugago gu songwa va na nyi alakanya mayigoni mule va na yiswago umo guya girwa dzikhumbi; kholu va nyi swihadzide khu kota nya myonyo yawe nya wuphuphulu va hambana ni eni, maho yawe ma dogorela sifananiso sa vanungungulu vawe nya malipha; khu guhegisani, va na dzi laya vabune kamwe khu kotani nya mithumo yawe yatshavbo nya guvivbe va giridego.

Ezekiyeli 8:6

Uye a di nyi embela, khuye: “Mwamana wa muthu, u ngu si wona esi va girago, gani? Mithumo nya gunyenyeze ya na Israyeli, silo si na gu nyi dzegago si nyi yisa hwindzo ni Wulanga wangu nya Guage, gani? Aholu uwe u na wona silo nya gunyenyeze ngudzu guvbindra esi.”

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Hoseya 5:6

Va na hongola gumogo ni mitshambi yawe, ni dzimombe dzawe nya migadzi, gasi guya vbweta Pfhumu Nungungulu, aholu kha va na mu mana. Kholu uye hambanide navo.

Mikeya 1:3

Kholu, wonani nya gukhenu Pfhumu Nungungulu a ngu duga khu wulangani gwaye. A na tshiga ata gimbila khu vbatshani nya sigomo sa mafuni.

Mitengo 21:7

Khavbo avbo, avo va nga tshalago va di hongola ga Mosi va ya mu embela, khavo: “Hi ghohide khu guyeyisa Pfhumu Nungungulu ni uwe. Hi lombelele ga Pfhumu Nungungulu gasi a ndreyisela hwindzo ni ethu dzinyoga dzedzi.” Mosi a di lombelela khu vathu.

Luka 13:25

A gu kala mune ndranga a khuga a sega lidimba, mu na khalani vbavbandze, mu khokhotha lidimba, na mu gukhenu: ‘Hi tulele, pfhumu!’ Aholu uye a na mi hakhani, khuye: ‘Kha nyi mi tini; mwa guta khu hayi?’

Valamuli 4:3

Va na Israyeli, va di lila ga Pfhumu Nungungulu, kholu Jabhimi a diri ni livbandre na mana mazana (900) dzikareta nya dzisimbi, a di tshanisa khu dzitshikhwi va na Israyeli ndrani nya magumavili myaga.