Hoseya 5:1 - Bhibhiliya Nya Guage

¹ Upwani esi enu vaphasi nya mhamba! Yingisani nenu va nyumbani ya Israyeli, nenu va nyumbani ya mufumeli! Kholu gulamudwa gogu gwa gu lumba enu, kholu mu khade milaphwi dhoropani ga Misipa, ni ligoga li ladzidwego gigomoni gya Tabhori.

Hoseya 5:1 Iomraidhean Croise

Jeremiya 11:7

Kholu gukhugela litshigu nyi mi dusidego khu tigoni ga Egipito, kala muhuno, nyi phede khu gu embela vababe vanu, nyi simamide gu va embela kharati, kheni: Yingisani lito langu!

Jeremiya 13:18

Embela mufumeli ni pfhumugadzi, khuwe: “Dzi vbwasamiseni mu khala vbavbatshi, wumburi ni sihugu nya wudhumo wanu, si thegide khu mihungoni gwanu.”

Jeremiya 46:18

Nyi ngu sambanya khu guvbanya gwangu, a ngu ganela mufumeli, lina laye a gu uye Pfhumu Nungungulu nya Tshivba Yatshavbo, uye a nata nga gigomo gya Tabhori vbatshani nya sigomo, nga gigomo gya Karimelo bambe nya linene.

Hoseya 10:15

Si na girega kharato avbo gwago, uwe Bheteli, khu kotani nya sighoho sago nya sikhongolo. Na gu nga gu duga wuronga, mufumeli wa Israyeli a na mbembisedwa muphelo.

Hoseya 13:8

Gufanana ni gikankanka gi nga bedwago sanana saye, nyi na va mana nyi va vbadzulela. Nyi na fanana ni nghala nyi va vbadzulela avbo vbale kamwe, va na pferuledwa khu sirengo nya likhabi.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Hoseya 6:9

Vaphasi nya mhamba va gu fanana ni sighevenga, si sihalelago vathu, si va songa ndzilani ga Sikemi; mithumo yawe khya gunyenyeza ni wughevenga.

Hoseya 9:8

Muprofeti gumogo ni Nungungulu wangu muemeledzi nya gughade Efrayimi, dzindzilani gwaye gwatshavbo dembedwe mazinga, ni gunyenywa Nyumbani ga Nungungulu waye.

Joyele 1:2

Upwani esi enu madhota, yingisani, enu vathu vatshavbo mu vbanyago tigoni. Ina gu di nga girega silo nya esi guvbanyani gwanu, gani, mwendro matshiguni ya vakokwe vanu, gani?

Amosi 3:1

Upwani magana yaya Pfhumu Nungungulu a ganedego gwanu, enu va na Israyeli, ni ga lihundzu latshavbo leli a li dusidego khu tigoni ga Egipito wari khuye:

Amosi 7:9

Malangani nya sigomo nya miphaso ya Isaki, ma na vbindrugedza ma khala marumbi, ni malangani nya miphaso ya Israyeli ma na khungumudwa; nyi na wugela nyumba ya Jerobhowamo khu matshari.”

Mikeya 3:1

Nyi di engedza nyi ganela, kheni: Yingisani enu mu gu vathangeli va Jakobe, ni enu vafumeli nya ndranga ya Israyeli; ina khandri enu mu yelago guti gululama, gani?

Mikeya 3:9

Nga yingisani esi olu, enu vathangeli nya nyumba ya Jakobe, nenu vakhongolo nya litigo la Israyeli, mu nyenyago lisine mu hambanisa iso si lulamidego,

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Malakiya 1:6

Pfhumu Nungungulu a ngu ganela ga vaphasi nya mhamba, khuye: Gyanana gi ngu gola babe waye ni githumi nigyo gi ngu ninga githawo ga mune waye; eni nya gu bani nyiri babe wanu, khu gevbini githawo mu nyi ningago?

Malakiya 2:1

Gasi olu, nayo yoyu wa gu lumba enu vaphasi nya mhamba,

Valamuli 4:12

Avbo va nga tivisago Sisera gukhavo Bharaki, mwamana wa Abhinowamu, gwede gigomoni gya Tabhori,

Valamuli 4:6

Dhebhora a di rumela guya rana Bharaki, mwamana wa Abhinowamu, a nga bani na gu khala Kadesi wa na Nafitali, a mu embela, khuye: “Ina Pfhumu Nungungulu wa Israyeli, kha leletela a ganela, khuye: Dzega vathu u hongole navo gigomoni gya Tabhori, gumogo ni likhumi magumi mazana (10.000) vama nya sanana sa Nafitali ni sa Zebhuloni, gani?

1 Samuweli 7:16

Khu mwaga ni mwaga a di dzundrulugela madhoropa ya Bheteli, Ghiligali ni Misipa; malangani gwatshavbo momu a di lamula va na Israyeli.

1 Samuweli 7:5

Samuweli a di engedza a ganela, khuye: “Tshanganisani va na Israyeli vatshavbo dhoropani ga Misipa, eni nyi na lombelela khu enu ga Pfhumu Nungungulu.”

1 Samuweli 7:6

Va di tombana dhoropani ga Misipa, va rega mati va ma vbaladza mbeli ga Pfhumu Nungungulu; va hala litshigu latshavbo lolo, va ganela, khavo: “Hi ghohede Pfhumu Nungungulu.” Samuweli a di lamula va na Israyeli dhoropani ga Misipa.