Hoseya 4:7 - Bhibhiliya Nya Guage

⁷ Avbo vaphasi nya mhamba va nga andra, va di engedzela gu nyi ghohela, gasi eni, nyi na vbindrugedza wuzundzo wawe wu khala dzitshoni.

Hoseya 4:7 Iomraidhean Croise

Ezira 9:7

Gukhugela matshiguni ya vababe vathu, kala litshigu la muhuno, hi rwade nandru nya wukhongolo, khu kotani nya sighoho sathu, ethu ni vafumeli vathu ni vaphasi vathu, hi ningedwe mandzani ga vafumeli nya va nya mayigo, hi sasedwa khu matshari, hi yiswa wugumbini, hi phangwa, ni gu thedwa dzitshoni dzi nga gu hi fenengedzago dzikhovbeni kha nga hi si wonago muhuno.

Hoseya 10:1

Israyeli a diri lithembwe nya gunone nya miuvha, li nga bani li ninga mihandro. Avbo gu nga andra mihandro yaye, a di andrisa gambe ni sihuru saye nya miphaso, avbo litigo laye li nga bani li gu engedzelana gunona, khu guralo, va di gira sithombe nya wumburi.

Hoseya 10:6

Gimombyana nigyo gi na dzegwa gi yiswa Asiriya, kha nga ndruwo ga mufumeli khongolo; gu na manega Pfilupfilu Efrayimi, aholu Israyeli a na khala dzitshoni khu kotani nya wusingalagadzi waye.

Hoseya 13:14

Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Hoseya 4:10

Va na hodza, aholu kha va na khura, va na dzi ningela muwubhayini, gambe kha va na velegelana va andra, kholu va digile gu khedza Pfhumu Nungungulu.

Hoseya 5:1

Upwani esi enu vaphasi nya mhamba! Yingisani nenu va nyumbani ya Israyeli, nenu va nyumbani ya mufumeli! Kholu gulamudwa gogu gwa gu lumba enu, kholu mu khade milaphwi dhoropani ga Misipa, ni ligoga li ladzidwego gigomoni gya Tabhori.

Hoseya 6:9

Vaphasi nya mhamba va gu fanana ni sighevenga, si sihalelago vathu, si va songa ndzilani ga Sikemi; mithumo yawe khya gunyenyeza ni wughevenga.

Hoseya 9:11

Wudhumo wa Efrayimi wu na vbuvba nga ginyoni, kha gu na manega va nya guvelega sanana, ambari uye a na gu khurago mimba.

Habhakuka 2:16

Wulangani nya guzundzege, u na thega dzitshoni! Ina nga sela nuwe u kodze gudhedhereka. Gikombe gi guromo mandzani ga nyamudye ga Pfhumu Nungungulu a ngu gu gurumedza gu gi sela, gasi lisima lago li manega nari dzitshoni.

Malakiya 2:9

Khu guralo, eni neni nyi mi giride vathu nya gunyenyeze ni givalo mbeli ga vathu vatshavbo, kholu mu ngamba gimbila khu dzindzila dzangu, aholu mu gira gihathela gutshamuselani nya nayo wangu.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Vafilipi 3:19

Mahegiso yawe khu gumbemba, kholu Nungungulu wawe khu girumbu. Va gu dzi zundza khu esi va nga yela gu thedwa khiso ndzitshoni, mapimo yawe ma gu alakanya basi sa mafuni momu.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.