Hoseya 4:6 - Bhibhiliya Nya Guage

⁶ Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Hoseya 4:6 Iomraidhean Croise

2 Dzikoronika 15:3

Israyeli khade gikhati nya gulaphe nari mwalo Nungungulu nya lisine, ni vaphasi nya mhamba nya gu mu hevbudze, gambe va diri mwalo Nayo.

Joba 36:12

Aholu va gumba yingisa, va na mbembiswa khu matshari, vafa wupumbuni.

Dzindzimo 119:139

Nyi ngupwa wuvi ngudzu, kholu valala vangu kha va theli kota khu mahungu yago.

Dzindzimo 119:153

Wona gusaniseka gwangu, u nyi vbanyisa, kholu kha nyi divali nayo wago.

Dzindzimo 119:61

Va nya guvivba va nyi randrede ni mazinga yawe, aholu, eni gima kha nyi na divala nayo wago.

Dzindzimo 18:27

Kholu uwe wa gu vbanyisa sisiwana u tshisa vbavbatshi va nya matshandza.

Mavingu 10:21

Magana ma dugago khu kanani ga muthu nya gululame, ma ngu hodzisa vathu nya vangi, aholu sipumbu sa gufa khu gumbana mapimo.

Mavingu 19:2

Mahingigedzo nyamba phela khu gupimisa kha ma phasi gilo, gututuma guvbindrwa khu gu gimbila khu gwadi.

Isaya 1:3

Mombe yi ngu muti mune waye, buru niyo, yi ngu giti gighowolo gya mune waye; aholu Israyeli, kha nyiti, vathu vangu kha va pimi gilo.”

Isaya 17:10

Kholu u divade Nungungulu nya guvbanyiswe gwago, u divaledwa khu Likhokhola nya wuthavelo wago. Khu guralo, u di lima marembwe nya misimbo nya wumburi, u yala dzimbewu nya gudhumise vanungungulu va nya mayigo.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 28:7

Aholu avo navo va ngu dhedhereka khu kotani nya vbinyu, kha va kodzi ni gu ema, kholu va sedego wadwa nya guvave. Ambari vaphasi nya mhamba ni vaprofeti va ngu dhedhereka khu kotani nya wadwa nya guvave ngudzu. Va levide khu vbinyu, va ngu dhedhereka khu kota nya wadwa; va gu profeta, va gu ganela mapongowongo, va tshomborosela mahungu gulamulani gwawe.

Isaya 29:12

Mwendro, la gu ningedwa ga muthu a si kodzigo gu hevbula, pwani: “Hi ngu gu lomba u hi hevbulela esi,” uye a na hakha, khuye: “Kha nyi kodzi gu hevbula.”

Isaya 3:12

Vathu vangu va gu tshaniswa khu sanana, va fumedwa khu vanyamayi. Enu! Vathu vangu, avo va mi thangelago va gu mi kanganyisa va mi ndreyisa ga ndzila mu yelago gu gimbila khiyo.

Isaya 45:20

Tombanani muta; hidzimelani gumogo mwatshavbo, enu mu vbulugidego ga va nya mayigo; vale va rwalago sifananiso nya misimbo nya guvatwe, va gira milombelo ga nungungulu a si dzi kodzigo gu va vbanyisa.

Isaya 5:13

Khu guralo, vathu vangu va na vbagedwa va yiswa wugumbitunu, khu gumbana mapimo. Vathu vawe nya guthavisege va nafa khu ndzala, ni gidzemo gyawe gi na dagarela khu lidora.

Jeremiya 2:8

Vaphasi nya mhamba kha va wudzisa gilo, khavo: Womo hayi Pfhumu Nungungulu? Vahevbudzi nya nayo kha va khathala khu eni, vathangeli va di nyi wugela, vaprofeti va di profeta khu lina la Bhahali, va landrisela vanungungulu nyamba phasa gilo.

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 5:21

“Olu yingisani esi enu vathunu nya mapemi ni gumbana mapimo, mu gu na ni maho, aholu mu si woni; ni dzindzeve gambe kha mu yingisi.”

Ezekiyeli 44:23

Avo va na hevbudza vathu vangu gu tugula igyo gi agidego ni igyo gi nyenyezidego, ni gu va nonedza guhambanisa vbakari nya igyo nya gunyenyeze ni igyo gi agidego.

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Hoseya 2:13

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Hoseya 4:12

Vathu vangu, va guya wudzisa wusingalagadzi ga githombe gyawe nya simbo, lipitso lawe li va ninga phindrulo. Kholu liphuvbo nya wubhayi, li ngu va ndreyisa ndzilani, kha va ngo khathala gambe khu Nungungulu wawe.

Hoseya 4:14

Eni kha nyi na tsayisa vanyamahegyane vanu khu kotani nya wuphuphulu, ambari vagadzamwane vanu khu gu gira wubhayi, kholu vama navo va guya ga maphuphulu, vaya hengela gu gira miphaso ni vanyamayi nya maphuphulu. Kholu vathu nyambana mapimo, va na mbembiswa.

Hoseya 5:4

Mithumo ya vathu vava kha yi va dzumedzisi gu wuya ga Nungungulu wawe. Kholu myonyoni gwawe, va taledwe khu liphuvbo nya wubhayi; kha va muti Pfhumu Nungungulu.

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Hoseya 7:11

Kholu Efrayimi a gu fanana ni lituva nya lipemi, li kanganyiswago khu gumbana mapimo; a gu lomba Vagipite vaya mu phasa, a gu dzina a wuya ga Vaasiriya.

Hoseya 7:9

Tshivba yaye ya gu midzwa khu va nya mayigo, aholu uye kha dzipwi gilo. Hungoni gwaye gu tade khu dzinvi, aholu uye kha si woni.

Hoseya 8:1

Thela pundru kanani gwago! Kholu nala a nguta khu guvbuvba kha nga lighama, guta dhumela Nyumba ya Pfhumu Nungungulu, kholu mu hambanide ni gidzumeledzwano gyangu, mu wugela nayo wangu.

Hoseya 8:12

Ambari nyi nga va lovelago mazanazana nya milayo yangu, avo isoso va di si wona nga gilo nyambana giphaso.

Hoseya 8:14

Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Hoseya 9:17

Nungungulu wangu a na va diga, kholu kha va mu yingisi. Va na khala valegalegi vbakari nya mayigo.

Matewu 1:6

Jese a velega mufumeli Dhavhidhe. Dhavhidhe a velega, ni ngadza Uriya, Solomoni;

Matewu 15:14

Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

Matewu 15:8

Vathu vava va gu nyi rungudza khu likana, aholu myonyo yawe yomo hwindzo ni eni.

1 Samuweli 2:12

Sanana sa Eli, si diri sanana nya guvivbedwe khu monyo; si di si khathali khu Pfhumu Nungungulu;