Hoseya 4:5 - Bhibhiliya Nya Guage

⁵ Khu guralo, u na thega vbakari nya mihani, vbawutshigutunu u thega gumogo ni muprofeti, nyi na mbembisa mayi wago.

Hoseya 4:5 Iomraidhean Croise

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 15:8

Dzinoni dzawe, dzi tade guvbindra fungu wa phwani; nyi rumede mumbembisi ga mayi nya madzaha yawe, gu ngari mihani; nyi mu resede khu githugedza gusaniseka ni hwanga, gu tadza lidhoropa latshavbo.

Jeremiya 23:9

Mayelano khu vaprofeti; nyi ngu garadzega ngudzu ni monyo wangu wu ngu vila ni givili gyangu gyatshavbo gya gu ndrendremela gufanane ni muthu a dhedherekago khu gu leva khu wadwa, khu kotani ya Pfhumu Nungungulu ni magana yaye nya guage.

Jeremiya 50:12

Mayi wanu a na thedwa ngudzu dzitshoni, uye a mu velegidego a na tala khu dzitshoni, wonani nya gukhenu litigo lanu li na bani liri vbavbatshi nya mayigo yatshavbo, kholu li na vbindrugedza li khala giwula nya mafu nya gihala.

Ezekiyeli 14:3

“Mwamana wa muthu, vathu vovo, myonyo yawe va yi vegide umo nya sifananiso, va vegide gikhunguvanyiso nya gunyenyeze mbeli gwawe. Ina eni nyi na va dzumela gu va nyi wudzisa, gani?”

Hoseya 2:2

Va na Israyeli ni va na Judha, va na tshangana gumogo, va dzi hathela muthangeli moyo basi, va na duga tigoni, kholu litshigu la Jezireyeli li na bani na liri likhongolo ngudzu.

Hoseya 2:5

Kholu a gumba si diga eni nyi na mu tshulela dzitshalu, nyi mu tshiya kha nga litshigu a velegidwego khilo, a fanana ni giwula, a vbindrugedza a khala mafu nya gihala, nyi mu songa khu lidora.

Hoseya 5:5

Matshandza ya na Israyeli, ma ngu va ketsari dzikhovbeni gwawe; Israyeli ni Efrayimi va na thega khu wuvivbi wawe, Judha nuye a na thega gumogo navo.

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Zakariya 13:2

Khu litshigu lolo, a ngu ganela Pfhumu Nungungulu nya Tshivba Yatshavbo, khuye nyi na fuvisa tigoni ga Israyeli malina ya vanungungulu nya malipha, gima va si alakanywi gambe, nyi na tutumisa gambe tigoni vaprofeti nya malipha ni liphuvbo nya gunyenyeze.

Vagalatiya 4:26

Gasi Jerusalema ga Ndzadzini gu tshulegide, khuye mayi wathu.