Hoseya 4:3 - Bhibhiliya Nya Guage

³ Khu guralo, litigo li ngu lila, vatshavbo va vbanyago umo va ngu vbela tshivba; gumogo ni sirengo sa khabini, sinyoni sa damboni, ni dzindzandzi dza phwani sa gufa.

Hoseya 4:3 Iomraidhean Croise

Isaya 33:9

Litigo lomo mugililoni ni guvbela tshivba; Libhanoni a gu wu na khu dzitshoni; Saromi, vbindrugedzide a fanana ni giwula, Sihagane sa Bhasani ni Karimelo si moride.

Jeremiya 12:4

Kala lini litigo na liri ni gililo, ni gu banga mwasi wa marembweni gwatshavbo? Khu kotani nya guvivbe nya avo va vbanyago umo, gu ngu mbemba sirengo ni sinyoni; na va gukhavo: “Uye kha na wona mahegiso yathu.”

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Jeremiya 4:25

Nyi di khedza, nyi si woni ni givangwa gimwegyo nya muthu, sinyoni satshavbo sa damboni si di vbuvbide.

Jeremiya 9:10

Nyi na lila khu kotani nya sigomo ni gu womba huwa ni gu embelela dzindzimo nya gililo khu kotani nya wuhaviselo wa giwulani; kholu malanga yaya ma dagarede khu luvbya, olu mwalo ni moyo a vbindrago gambe khumo; mule kha gu nga gu pwala gambe ligwaha nya mitshambi; ambari sinyoni sa damboni gumogo ni sirengo si phalalegide.

Jeremiya 9:9

Pfhumu Nungungulu a ngu ganela, khuye: “Ina kha nyi na va tsayisa khu kotani nya sihoso sesi, gani? Ina kha nyi na dzi phodzela ga litigo nya gufanane ni eli, gani?

Ezekiyeli 38:20

Dzindzandzi dza phwani, sinyoni sa damboni, ni sirengo sa khabini, gumogo ni sirengo satshavbo nya gukhwirire khu lididi mafuni, ni vathu vatshavbo va guromo tigoni, va na ndrendremela mbeli gwangu; sigomo si na theswa vbavbatshi ni siwindri si na khungumudwa, ni mabhiyo yatshavbo ma na thega.

Joyele 1:18

Sifuyo si ngu keta, mitshambi nya dzimombe yomo vbakari nya pfilupfilu, kholu wu mwalo wuhaviselo; ni mitshambi nya dzinvuta niyo yomo gutshanisekani.

Amosi 1:2

Uye a di ganela, khuye: “Pfhumu Nungungulu a na bhonga khu Siyoni, a pwadza lito laye khu Jerusalema; gu manega gililo wuhaviseloni ga vahavisi, gubanga tshokatunu nya gigomo gya Karimelo.”

Amosi 5:16

Khu guralo, Pfhumu Nungungulu nya Tshivba Yatshavbo, uye a gu Pfhumu a ngu ganela kharati, khuye: Dzindzilani gwatshavbo gu na manega gililo, ni mitalalani va na ganela, khavo: Yowe! Yowe! Va na rana mulimi gasi guta lila, ni vatshavbo avo va kodzago gulila.

Amosi 8:8

Khu kotani nya isoso, ina litigo kha li na tsekatseka, ni vatshavbo va vbanyago umo, kha va na lila, gani? Litigo leli latshavbo li na khugega nga tsongo nya wukhongolo Nilo, li na khugega bwelo khavbo li bosa nga tsongo wa Egipito.

Nahume 1:4

Uye a ngu kawuka linene, livbwa, a bangisa ni mitsongo yatshavbo; a vbedza tshivba Bhasani ni gigomoni gya Karimelo, a wunisa senge sa Libhanoni.

Sofoniya 1:3

Nyi na mbembisa vathu ni sirengo; nyi vbedza sinyoni sa damboni ni dzindzandzi dza phwani; avo va khunguvanyisago vakwawe ni va nya guvivbedwa khu monyo, nyi na fuvisa vathu mafuni, a ngu ganela Pfhumu Nungungulu.

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”