Hoseya 4:14 - Bhibhiliya Nya Guage

¹⁴ Eni kha nyi na tsayisa vanyamahegyane vanu khu kotani nya wuphuphulu, ambari vagadzamwane vanu khu gu gira wubhayi, kholu vama navo va guya ga maphuphulu, vaya hengela gu gira miphaso ni vanyamayi nya maphuphulu. Kholu vathu nyambana mapimo, va na mbembiswa.

Hoseya 4:14 Iomraidhean Croise

1 Dzipfhumu 15:12

Kholu a di tutumisa vatshavbo vama va nga bani va gu gira wubhayi nya nayo (wukhongeli) bwelo khavbo a khungumulela satshavbo sifananiso si nga bani si giridwe khu vababe waye.

2 Dzipfhumu 23:7

A di khungumula gambe dzinyumba dza vathu va nga bani va dzi ningedzela wubhayini, va nga bani va khade Nyumbani gwa Pfhumu Nungungulu, avbo vanyamayi va lugelago avbo mitshatsha nya gifananiso nya guvatwe.

Mavingu 28:5

Vathu nya guvivbedwe khu myonyo kha va siti iso nya gululame, aholu avo va vbwetago Pfhumu Nungungulu, va nguti silo satshavbo.

Isaya 1:5

Khu ginani mu na gu simamago mu tsayiswa, khu guyeyisa gwanu? Mihungo yanu yatshavbo yi ngu dwala, ni myonyo yanu yi vbede tshivba.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 56:11

Dzimbwa dzedzi makhondrobwa, kha dzi khuri; vahavisi nyamba pimisa gilo; muthu ni muthu a gu bwelela khu ndzila yaye, a dzi vbwetela iso si na gu mu ningago bhindzu.

Dhaniyeli 12:10

Va nya gutala va na handzwa va aga ni gu lingwa, aholu va nya guvivbedwa khu myonyo va na gira silo nya guvivbe, mwalo nya avo a na gu si pimago, aholu va nya guti, va na si pima.

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Hoseya 4:17

Efrayimi fumedwe khu vanungungulu nya sifananiso, mu digeni kharato!

Hoseya 5:4

Mithumo ya vathu vava kha yi va dzumedzisi gu wuya ga Nungungulu wawe. Kholu myonyoni gwawe, va taledwe khu liphuvbo nya wubhayi; kha va muti Pfhumu Nungungulu.

Amosi 2:7

Va gu gandra hungo wa muhamugi gukhwatshi va gu gandra kudzudzwane nya mafu, va wegedza dzindzila dza vathu nya gurule. Babe ni gyanana va gu hengela nyamayi moyo, va nyenyezisa kharati lina langu nya guage.

Amosi 7:17

Khu guralo, Pfhumu Nungungulu a ngu gu embela, khuye: Mwangadzi wago a na gira wubhayi dhoropani, sanana sago nya sikhwathana niso nya sagadzyana, si na songwa khu matshari, litigo lago li na kabaniswa khu ngodzi, uwe u naya fela tigoni nya mahedheni, Israyeli a na vbagedwa a yiswa wugumbitunu, hwindzo ni litigo laye.”

Mitengo 25:3

Va na Israyeli va diya dzi tshanganisa ni Bhahali-Peyori, khu guralo Pfhumu Nungungulu a di wugela va na Israyeli.

Johane 8:43

Khu ginani mu si ma tigo maganelelo yangu? Kholu mu si dzinigo gu hakha magana yangu!

Varoma 3:11

Mwalo muthu a gu ni mapimo nya yadi. Mwalo a vbwetago Nungungulu.

1 Vakorinto 6:16

Ina mwa gu hangwa khu gukhenu oyu a dzi tshanganisago ni gibhayi a gu khala mili moyo nagyo, gani? Milowo nya Guage yari, khiyo: “Va vavili va na khala nyama mweyo basi.”

Vaefeso 4:18

kholu mapimo yawe ma segegide. Va hambane ni guvbanya gwa Nungungulu khu kotani nya wuhangi ni gusegega nya myonyo yawe.

Dhewuteronome 23:17

Vbakari nya sanana nya sagadzyana mwendro nya sikhwathana sa na Israyeli, gu nga tshuki gu manega ni moyo nya gu dzi ningedzele thumoni nya wubhayi wa wulangani nya wukhongeli nya malipha.

Vahebheru 12:8

Enu mwa gumba kawukwa kha nga edzi gu girwago ga sanana satshavbo sa Nungungulu, gu yeyedza gupwani kha muri sanana saye nya lisine, mu sanana sa vbavbandze.