Hoseya 4:12 - Bhibhiliya Nya Guage

¹² Vathu vangu, va guya wudzisa wusingalagadzi ga githombe gyawe nya simbo, lipitso lawe li va ninga phindrulo. Kholu liphuvbo nya wubhayi, li ngu va ndreyisa ndzilani, kha va ngo khathala gambe khu Nungungulu wawe.

Hoseya 4:12 Iomraidhean Croise

2 Dzipfhumu 17:7

Si giregide kharato, kholu va na Israyeli va di ghohede Pfhumu Nungungulu wawe, Uye a va dusidego khu tigoni ga Egipito, vbavbatshi nya gyandza gya Faro, mufumeli wa Egipito; va khozela vambe vanungungulu.

2 Dzikoronika 21:13

aholu, u gimbila khu ndzila ya vafumeli va Israyeli, u kutsedzela vathu va na Judha ni vavbanyi va Jerusalema va bela wubhayini, gu fanana ni wubhayi wa nyumbani ga Akabi, ni gu gambe, u songide vandriyago u velegidwego navo, nari vathu nya vadi guvbindra uwe;

Dzindzimo 106:39

Khu isoso avo navo va dzi nyenyeziside wurumba wawe, khu mithumo yawe yatshavbo nya guvivbe.

Dzindzimo 73:27

Avo va dzi pambulago gwago, va nafa; uwe u ngu fuvisa vatshavbo avo va si khodwigo gwago.

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Jeremiya 2:27

Avo va manago simbo, khavo: “Uwe khuwe melegi wangu; mu embela giwindri, khenu: Uwe khuwe u nga hi gira; kholu mu di nyi pfhurarela mu si nyi khedzi; aholu khu gikhati nya wuvi mu ngu nyi alakanya, khenu: Khuga u eme u hi vbanyise.”

Jeremiya 23:13

Ga vaprofeti va Samariya nyi wonide gwadi wuphuguphugu wawe; avo va di gu profeta khu lina la Bhahali, va ndreyisa vathu vangu va na Israyeli.

Ezekiyeli 20:32

Enu mwa gu ganela, khenu: Ha guvbweta gu gira nethu kha nga vathu nya mayigo yatshavbo, va dzi girelago vanungungulu nya misimbo ni siwindri. Aholu isoso mu si pimisago, gima kha si na nga girega.

Ezekiyeli 21:21

Kholu mufumeli wa Bhabhiloni, a na ema vbamahandzakanyatunu, maphelotunu nya dzindzila dza dzimbili, gasi gu gira nyatumbatumbane; a na lodza siholoma saye, a wudzisa vanungungulu nya malipha, ni gu khedza mabindri nya sirengo nya miphaso.

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Hoseya 5:4

Mithumo ya vathu vava kha yi va dzumedzisi gu wuya ga Nungungulu wawe. Kholu myonyoni gwawe, va taledwe khu liphuvbo nya wubhayi; kha va muti Pfhumu Nungungulu.

Hoseya 6:10

Nya gu wona silo nya dzitshoni tigoni ga Israyeli; vathu va Efrayimi va di gira wubhayi uwo wu nga nyenyezisa litigo latshavbo la Israyeli.

Hoseya 9:1

U nga tsaki uwe Israyeli, u bhuma, u ndragandraga, u fanana ni mambe mayigo, kholu u hambanide ni Nungungulu wago, khu gu dzi ningedzela wubhayini; u rengiside lihaladzo lago khu gu gira wuphuphulu musithalani gwatshavbo nya tirigu.

Levhi 17:7

Gima kha va na nga ningela gambe sifuyo sawe, va girela miphaso vanungungulu vawe nya vamabhongwe va vbanyago navo. Va fanede gu sayisa nayo yoyu, avo ni situgulwana sawe, khu mimela ni mimelana kala gupindruga.

Levhi 20:5

Eni nyi na thendregedza khovbe yangu nyi wugela muthu yoyo nyi mu songa gumogo ni ngamo yaye, nyi mu fuvisa vbakari ga va na gyawe, nyi pata ni vale va hengelago naye gu gira wuphuphulu va phasela Moloki.

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Habhakuka 2:19

Libango ga wule a lombago ga mapulango, khuye: “ Khendzuga!” Mwendro ga giwindri gi si ganeligo, khuye: “Khuga!” Ina gifananiso gi ngu dzi kodza gu ninga sileletelo, gani? Wona nya gukhuwe gi londridwe khu ndralama ni parata, aholu gi mwalo hefemulo.

Mitengo 15:39

Matshakafula yaya, momo avbovbo gasi gikhati mu ma wonago, mu na alakanya milayo ya Pfhumu Nungungulu. Mu na yi landrisa; gambe kha mu na dzumela gu ndreyiswa khu gudogorela nya myonyo ni maho yanu, yi mi yisa muguvivbani.

Dhewuteronome 31:16

Khavbo avbo, Pfhumu Nungungulu a di embela Mosi, khuye: Wona gukhuwe u ngu hadza guya lala gumogo ni vavelegi vago; gasi vathu vava va na khala maphuphulu, va landrela vambe vanungungulu nya malipha va tigoni va yago umo, va na nyi diga, va hambanisa gidzumeledzwano nyi giridego navo.

Valamuli 18:5

Khavbo avbo, va di mu lomba, khavo: “A gu bani ari kharato, nga wudzisa ga Nungungulu gu lipfhumba hi gu nalo li na gimbila gwadi, gani?”