Hoseya 3:4 - Bhibhiliya Nya Guage

⁴ Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Hoseya 3:4 Iomraidhean Croise

Genesi 31:19

Kha nga Laboni a nga bani ari mwalo, na hongode aya gaya mawoya nya dzinvuta, Rakeli a diba vanungungulu nya dzinguluve dza babe waye.

Genesi 31:34

Rakeli a di dzega vanungungulu a va siha vbavbatshi nya sighwabhata nya ngameriya, a hegisa a khala khu vbatshani gakone. Laboni a di khedzisa malangani gwatshavbo nya tshatsha, a si mani gilo.

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

2 Samuweli 6:14

Dhavhidhe a di hana khu tshivba yaye yatshavbo mbeli ga Pfhumu Nungungulu na ambade efodhe nya seda.

2 Dzipfhumu 23:24

Josiya, a di lundra gambe vanyadzisolo, va nya gufemba, sithungulu, sifananiso ni manyala yatshavbo ma nga bani na ma gu wonega tigoni ga Judha ni Jerusalema, gasi gu tiyisa magana nya Nayo, ma nga bani ma lovidwe umo nya Libhuku li nga tugudwago khu muphasi nya khongolo nya mhamba Hilikiya, Nyumbani ga Pfhumu Nungungulu.

2 Dzikoronika 15:2

Uye a di hongola ga Asa, aya mu embela, khuye: “Nyi yingiseni, uwe Asa, ni enu mwatshavbo va na Judha, ni va na Bhejami! Pfhumu Nungungulu a na ni enu, na mu ngari naye, mwa gu mu vbwetani, Uye mu na mu mana; aholu mwa gu mu digani, Uye nuye a na mi diga.”

Ekisodha 28:4

Guambala va yelago gu sona khogu: Gikhweso gya vbakhanatunu, efodhe, ni gifenengelo nya gulaphe ni ngandzu nya gulugedwe khu wumburi, gihugu ni keka. Khugo ogu guambala va na girelago Aroni ni sanana saye, gasi va ema mbeli gwangu va gira wuphasi nya mhamba.

Ekisodha 28:6

Efodhe yi na girwa khu ndralama ni mwendra nya livala la damboni, ni mwendra nya giwunguwungu ni owu nya guvbyuge nya gulugwe khu wumeseri.

Gililo 2:9

Malimba ya Jerusalema ma thegide vbavbatshi; ma pandregide gu funyega sikwinyaro; vafumeli ni vathangeli va phalalegide ni mayigo. Olu wu mwalo gambe nayo, ambari ni vaprofeti Pfhumu Nungungulu kha ngu va tulela gambe siwoniso. Yod

Ezekiyeli 19:14

Khumo nya lihale limwedo nya matamo yaye, gu di duga nilo wu vbisa mihandro yaye, gwaye kha gwa tshala ni litamo limwedo nya gutiye; li gu ilo li yelago gu gira ndronga ya mufumeli. Igyogyo khigyo gililo, gi na khala nga gililo kala nolu.”

Ezekiyeli 20:32

Enu mwa gu ganela, khenu: Ha guvbweta gu gira nethu kha nga vathu nya mayigo yatshavbo, va dzi girelago vanungungulu nya misimbo ni siwindri. Aholu isoso mu si pimisago, gima kha si na nga girega.

Ezekiyeli 21:21

Kholu mufumeli wa Bhabhiloni, a na ema vbamahandzakanyatunu, maphelotunu nya dzindzila dza dzimbili, gasi gu gira nyatumbatumbane; a na lodza siholoma saye, a wudzisa vanungungulu nya malipha, ni gu khedza mabindri nya sirengo nya miphaso.

Ezekiyeli 21:31

Nyi na vbaladza vbatshani gwago likhulo langu, ni khorodza yangu yi na khondra kha nga nilo, nyi na gu ningela mandzani ga vathu nya dzihanyi, va olovedego gu sasela.

Dhaniyeli 11:31

Gu na duga masotshwa yaye nya gukari, ma nyenyezisa nyumba nya miphaso, gumogo ni likhokhola, va fuvisa ni phaso nya litshigu ni litshigu, va thela manyala nya guthise.

Dhaniyeli 12:11

Gukhugela avbo gu na gu fuviswago phaso nya litshigu ni litshigu, gu vegwa manyala nya gunyenyeze, gu na vegwa likhumi na mavili mazana ni livbandre na mana magumi matshigu (1.290).

Dhaniyeli 9:27

Khu semana mweyo basi, a na gira gidzumeledzwano gi tiyidego ni vathu nya vangi. Khu vbakari nya semana, a na vbedza miphaselo ni miningelo nya guhodze. Khu vbatshani nya gikoli nya Nyumba ya Nungungulu, gu na vegwa githombe nya guthise, kala wu vboha tsayiso wu vegisidwego gu tsayisa mumbembisi.

Hoseya 13:10

Olu womo hayi mufumeli wago, gasi a gu vhikela madhoropani gwago gwatshavbo? Ni valamuli vago u nga va lombago, khuwe: Nyi ninge mufumeli ni vathangeli?

Hoseya 13:11

Nyi gu ningide mufumeli khu likhulo, nyi bwelo khavbo nyi gu wandrela khu giviti.

Hoseya 2:11

Khu guralo, khu gikhati nya guvbwere, nyi na mu dzegela tirigu yangu, ni vhinya yangu khu gikhati nyi gi emisedego, Nyi na mu wandrela myendra nya gufurumele neyi nya seda, a nga bani na gufenengedza khiso wumbwiri waye.

Levhi 8:7

A ambagisa Aroni ngandzu nya wuphasi nya mhamba, a mu hunga keka, a mu fenengedza gifenengelo; a mu ambagisa Efodhe a yi tiyisa khu ngodzi yakone.

Zakariya 10:2

Kholu sihuru nya mipaso ya ndrangani kha si ganeli gilo nya gupwale; va nya dzisolo va gu lola malipha; va nya miloro va gulora ni gutshamusela silo nyambaya khumo; va tangadzisa khu silo nyambana gighelo. Khu kharato, vathu va gu pengiswa kha nga tshambi nya dzinvuta, va tshaniseka khu gumbana muhavisi.

Zakariya 13:2

Khu litshigu lolo, a ngu ganela Pfhumu Nungungulu nya Tshivba Yatshavbo, khuye nyi na fuvisa tigoni ga Israyeli malina ya vanungungulu nya malipha, gima va si alakanywi gambe, nyi na tutumisa gambe tigoni vaprofeti nya malipha ni liphuvbo nya gunyenyeze.

Luka 21:24

Nya vangi va na songwa khu matshari, vambe va na vbagedwa va gu yiswa mayigoni kha nga dzikhumbi; Jerusalema gu na gandredzedwa khu va nya mayigo kala gi vbela gikhati gyawe.

Johane 19:15

Aholu, avo va di gulumela, khavo: “A nafe, a nafe! Mu khokhothele!” Pilato a di khuye: “Nyi khokhothela Mufumeli wanu?” Vakhongolo nya vaphasi nya mhamba va di mu hakha, khavo: “Hi mwalo mumbe mufumeli vbavbandze ga Sezari!”

Vahebheru 10:26

Kholu, ha gu simama hi ghoha nya gigwenye, olu hi li tidego lisine, gu mwalo gambe yimbe mhamba nya gu dzi kodze gu dusa sighoho sathu.

Valamuli 17:5

Mwama yoyu nya gupwani khu Mika, a diri ni nyumba nya vanungungulu, a di dzi girela efodhe ni dziterafine, a phasela moyo nya sanana saye, gasi a khala muphasi nya mhamba.

Valamuli 18:14

Khavbo avbo, vama vale nya livbandre va nga hongolago vaya sola litigo la Layisi, va di embela va na gyawe, khavo: “Mu di gu dzitini nya gukhenu mudzinyumbani momu, yomo efodhe ni terafinisi, ni githombe nya guvatwe ni gimbe nya gupfhudwe, gani? Olu wonani iso mu yelago gu gira.”

Valamuli 8:27

Gidhiyoni a di thumisa ndralama gasi gu gira keka nya wuphasi nya mhamba, a nga wu vega dhoropani gwaye, tigoni ga Ofira; va na Israyeli vatshavbo va di gira vbale wuphuphulu hwane gwaye, khu gu khozela keka nya ndralama; iso si nga girago naphwi ga Gidhiyoni ni ndranga yaye.

1 Samuweli 14:3

Ayiya, mwamana wa Ayitubhi, ndruye wa Ikabhoni, mwamana wa Fineya, mwamana wa Eli, muphasi nya mhamba ya Pfhumu Nungungulu, dhoropani ga Silo, a diri ni keka nya wuphasi nya mhamba. Vathu va di si dziti gukhavo Jonatane a di hongode.

1 Samuweli 15:23

Gumba yingisa, nandru nya wukhongolo, nya gufanane ni wuloyi, ni gu ganedza gwa gu fanana ni gukhozela sifananiso. Kholu, u nyenyide gupwa magana ya Pfhumu Nungungulu, uye nuye a ngu gu nyenya ni gu gu dzegela wufumu.”

1 Samuweli 2:18

Khavbo avbo, Samuweli a di gu thuma mbeli ga Pfhumu Nungungulu, na ambade keka nya seda nya wuphasi nya mhamba na ngari lidzaha.

1 Samuweli 21:9

Muphasi nya mhamba a di mu hakha, khuye: “Litshari la Gholiya, Mufilisitiya wule u nga mu songago kovani ga Ela, khu li woni eli li fumbedwe umo nya mwendra khu hwane nya keka nya wuphasi; wa gu li vbweta li dzege, kholu avba li mwalo limbe vbavbandze nya ilolo.” Dhavhidhe a di ganela, khuye: “Li mwalo limbe nya guvbindre ilo; nyi ninge ilolo.”

1 Samuweli 22:18

Mufumeli a di embela Dhowegi, khuye: “Delu hidzimela u ta songa uwe vaphasi nya mhamba.” Khavbo avbo, Dhowegi nya Muedhomi, a di hidzimela a songa vaphasi nya mhamba, a di songa khu litshigu lile, livbandre na mararu magumi ni livbandre vama va nga bani va gu ambala mikeka nya miphaso nya seda.

1 Samuweli 23:6

Avbo Abhiyatari, mwamana wa Ayimeleki, a nga thavelago ga Dhavhidhe, tigoni ga Keyila, a di relela ni keka nya miphaso mandzani gwaye.

1 Samuweli 23:9

Avbo Dhavhidhe, a nga dzitigo gukhuye Sawule a ngu luga mano nya guvbwete gu mu dhumela, a di embela Abhiyatari, khuye: “Nyi resele keka nya miphaso.”

1 Samuweli 30:7

Dhavhidhe a di embela muphasi nya mhamba Abhiyatari, mwamana wa Ayimeleki, khuye: “Nyi resele avba keka nya miphaso.” Abhiyatari a di mu yisela.