Hoseya 2:7 - Bhibhiliya Nya Guage

⁷ Kholu mayi wawe bhayide, uye a nga va velegago, giride silo nya dzitshoni, kholu a di khuye: “Nyi na landrela sibhayi sangu, si nyi hodzisago ni gu nyi sedza mati, va nyi ninga myendra nya gufurumele, myendra nya seda, mafura nya guhodze ni mati.

Hoseya 2:7 Iomraidhean Croise

2 Dzikoronika 28:23

A di ningela miphaselo ga vanungungulu va Dhamasiko avo va nga mu sasela, a ganela, khuye: “Kha nga olu vanungungulu va mufumeli wa Siriya, va nga mu vhikelago; nyi na va girela miphaso gasi va kodza gu nyi phasedzela neni.” Aholu avo khavo givangelo nya gumbembiswe ga va na Israyeli vatshavbo.

Dzindzimo 116:7

Hefemulo wangu, waya gurulani gwago, kholu Pfhumu Nungungulu a gu kategiside.

Isaya 30:16

Aholu mu di phindrula, khenu: “Ahihi! Hi na thava na hi khilede dzikavalu nya mazambo!” Ina mu na thava! Mu engedza, khenu: Hi na khilela dzikavalu nya mazambo. Khu guralo, idzo nya mazambo ngudzu, khidzo dzi na gu mu lundrago.

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 2:28

Gasi vomo hayi vanungungulu u dzi giredego? Va gu bani vari ni tshivba nga va diga va eme, hi wona mwendro va ngu kodza gu gu vbanyisa matshigu u pwago wuvi; kholu vanungungulu vago uwe Judha vangi, kha nga madhoropa yago.

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 3:1

Gu ngu ganedwa gupwani: “Mwama a gu hula mwangadzi waye, nyamayi yoyu aya dzegwa khu mumbe mwama, ina gu ngu kodzega gu bwelo khavbo ata hakhwa khuye nya guphele, gani? Ina kha na nga nyenyezisa litigo latshavbo, gani? Uwe u dzi ningedego ga sibhayi nya singi, ina uwe u ngu dzi kodza gu bwelelela gambe eno gwangu, gani?” A ngu wudzisa Pfhumu Nungungulu.

Jeremiya 31:18

Nyi dipwa gwadi miketo ya na Efrayimi, khavo: Uwe u nyi tsayiside u nyi kwamula gu fanana ni gimombyana gi si gu oloveligo kanga; olu nyi vbindrugedze nyi kodze gu wuya iyo gwago, kholu uwe, khuwe Pfhumu Nungungulu wangu.

Jeremiya 31:32

Aholu gi na hambana ni gile nyi giridego ni vababe vawe, litshigu nyi va pharidego khu libogo gasi gu va dusa tigoni ga Egipito; aholu avo va digide gidzumeledzwano gyangu, khu guralo, eni nyi di hambana navo; a ngu ganela Pfhumu Nungungulu.

Jeremiya 44:17

Aholu, ethu hi na gira satshavbo iso hi hungidego gu gira, si gu esi: Gu vbisela libani Pfhumugadzi ya Ndzadzini, hi ningela gwaye miphaselo nya wadwa kha nga idzo hi nga bani hi gu gira ni vababe vathu, vafumeli ni manganagana yathu, madhoropani ya Judha ni dzindzilani dza Jerusalema; khu matshigu yoyo, ethu hi di gu mana guhodza nya gungi, hi di gimbila na hi tsakide nyamba garadzwa khu gilo.

Ezekiyeli 16:18

U dzegide gambe guambala gwago nya mavalavala, u fenengedza khugo sithombe soso, u dzega mafura ni libani nyi nga gu ningago, u si girela miningelo.

Ezekiyeli 16:8

Khu hwane nya ugo, nyi di vbindra khu vbafuvbi gwago, nyi di gu khedza nyi gu wona gukheni u diri ni tanga nya guenele gu liti lihaladzo; khavbo avbo, nyi di thawuludza gifenengelo, nyi fenengedza wumbwiri wago. Nyi di gira gisambanyo ni gu hunga gidzumeledzwano nago gasi gu gu dzega; a ngu ganela Mune Pfhumu Nungungulu.

Ezekiyeli 20:32

Enu mwa gu ganela, khenu: Ha guvbweta gu gira nethu kha nga vathu nya mayigo yatshavbo, va dzi girelago vanungungulu nya misimbo ni siwindri. Aholu isoso mu si pimisago, gima kha si na nga girega.

Ezekiyeli 23:12

“Uye nuye a di haladzana ngudzu ni Vaasiriya, vafumeli ni dzindruna, vaakelane vaye, na va ambade gipani nya guenele, vatshavbo nari madzaha ni vakhileli nya dzikavalu.”

Ezekiyeli 23:22

Khu guralo, Mune Pfhumu Nungungulu a ngu ganela kharati, khuye: “Uwe Owolibha, sibhayi sago sile si nga gu swira, nyi na si gira si gu wugela si gu dwanisa khu maphuvbo yatshavbo;

Ezekiyeli 23:4

“Malina yawe a diri aya: Uye nya koma khu Owolani, uye nya nandra khu Owolibhani; avo va diri vagadzi vangu, va nyi velegede sanana nya sikhwathana ni sagadzyana. Owolani, khu Samariya, Owolibhani, khu Jerusalema.”

Dhaniyeli 4:17

Simbo u nga wu wonago, wu dandra wu mana tshivba, wu lapha kala damboni, wu nga wonwago tigoni gwatshavbo,

Dhaniyeli 4:25

Silo sesi satshavbo si dugelede ga mufumeli Nabhukodhonosori.

Dhaniyeli 4:32

Vatshavbo va vbanyago mafuni, khandri gilo mbeli gwaye. Uye a gu thuma iso a si golago, khu mabutho nya dzingilozi dza ndzadzini ni vathu va vbanyago mafuni. Mwalo a ndreyisago gyandza gyaye mwendro gu mu embela, khuye: “Ginani u girago?”

Dhaniyeli 5:21

A di duswa vbakari nya vathu, a ningwa monyo nya gufanane ni girengo, aya vbanya gumogo ni dziburu nya likhabi, a hodza mwasi nga dzimombe, a naganiswa givili gyaye khu hunguva ya damboni, kala a dziti nya gukhuye Nungungulu a Khusegidego ngudzu a na ni tshivba nya gufumele mifumo nya vathu ni gu emisa vbatshani gwawe uye a mu golago.

Hoseya 1:2

Guhegulani nya magana ya Pfhumu Nungungulu a nga phela gu ganela ga Hoseya, a di ganela, khuye: “Indra, u ya dzega nyamayi nya gibhayi a na gu velegela sanana nya wubhayi, kholu litigo li giride wubhayi, va ndreya ndzilani ga Pfhumu Nungungulu.”

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 2:16

Khu guralo, mu woneni nyi na mu kotola, nyi mu dzega nyi mu yisa giwulani, nyi ya ganela naye khu lihaladzo .

Hoseya 5:13

Avbo Efrayimi a nga wonago wudwali waye, ni avbo Judha a nga wona silondra saye, Efrayimi a di gwela aya tigoni ga Asiriya, a rumela guya lomba giphaso ga mufumeli Jarebi. Aholu uye kha nga kodza gu mu vbanyisa, ambari guvbodzisa silondra sanu.

Hoseya 5:15

Nyi na bwelela nyi wuya wulanga wangu, kala avo va dzumela nandru wawe, va zama gu wona khovbe yangu; na vari guvbisegani, va na nyi vbweta na gu ngari dzimindru.