Hoseya 2:15 - Bhibhiliya Nya Guage

¹⁵ Nyi na mu tsayisa khu kotani nya olu uye a nga girago matshigu nya khuwo nya guvbisele libani Vabhahali a dzi mburisela khu dziphera ni wulungu, a landrisela sibhayi saye aholu a divaledwa khu eni, a ngu ganela Pfhumu Nungungulu.

Hoseya 2:15 Iomraidhean Croise

1 Dzipfhumu 16:31

Kha nga kodwa basi khu gu gira sighoho si giridwego khu Jerobhowamo, mwamana wa Nebhati, gu diga isoso, a di dzegana ni Jezabheli, nyamahegyane wa Etibhahali, mufumeli wa Sidhoni, a diya khozela Bhahali, a khidzima mbeli gwaye.

Dzindzimo 106:12

Khavbo va nga khodwa ga situmbiso sa Nungungulu, va embelela dzindzimo nya gu mu dhumise.

Dzindzimo 129:1

Va nyi tshaniside ngudzu gukhugela wanana wangu, a na ganela olu Israyeli;

Isaya 65:10

Panini ga Saroni gu na khala wulanga nya wuhaviselo nya dzinvuta, ni kova wa Akora, wu na khala lizumbo nya dzimombe, la vathu vangu va nyi ningago githawo.

Isaya 65:21

Avo va na vbaha dzinyumba, va vbanya umo; va na yala marembwe, gambe va na hodza mihandro yakone.

Jeremiya 2:1

Magana ya Pfhumu Nungungulu ma dita gwangu mata khayo:

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 29:11

Eni kheni nyi matigo gwadi makungo nyi gu navo khu enu, a ngu ganela Pfhumu Nungungulu; makungo yangu khya gu mi kategisa nasiri gu mi reselani dzimhango, makungo nya gu mi ningeni gitumbo ga matshigu ma nga gutago.

Jeremiya 3:4

Olu, wa gu lila avbo gwangu, khuwe: Baba wangu, uwe u diri pari ya wudzahani wangu, gani?

Jeremiya 32:15

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Tigoni momu gu nga na gu rengwa dzinyumba, marembwe nya sivbila nayo nya vhinya.

Gililo 3:21

Gyomo gimbe nyi gi alakanyago khu monyoni gwangu, gasi gu wusedza gitumbo gyangu. Heti

Ezekiyeli 16:22

Ga mithumo yago yatshavbo, ni wuphuphulu wago, khwa alakanya matshiguni nya wanana wago, gikhati u nga bani uri wumbwiri nu phorode khu novba wago.

Ezekiyeli 16:60

Ambari khu guralo, eni nyi na alakanya gidzumeledzwano nyi giridego nago wumbirini gwago, gambe nyi na hunga nago gidzumeledzwano nya kala gupindruga.

Ezekiyeli 16:8

Khu hwane nya ugo, nyi di vbindra khu vbafuvbi gwago, nyi di gu khedza nyi gu wona gukheni u diri ni tanga nya guenele gu liti lihaladzo; khavbo avbo, nyi di thawuludza gifenengelo, nyi fenengedza wumbwiri wago. Nyi di gira gisambanyo ni gu hunga gidzumeledzwano nago gasi gu gu dzega; a ngu ganela Mune Pfhumu Nungungulu.

Ezekiyeli 28:25

Mune Pfhumu Nungungulu, a ngu ganela kharati, khuye: Gikhati eni nyi na tombanisago va na Israyeli khu vbakari nya mayigo va phalalegedego umo, nyi na nonedza va na Israyeli wuwadi wangu mbeli ga mambe mayigo, khavbo avbo va na bwelela tigoni gwawe, litigo nyi li ningedego ga githumi gyangu Jakobe.

Ezekiyeli 28:26

Avo va na vbanya mule na va tshulegide, va na vbaha dzinyumba dzawe ni gu yala miuvha; va na vbanya khu gurula gikhati nyi na tsayisago vaakelane vawe vatshavbo va va giredego guvivba. Khavbo avbo, avo va na nyiti gukhavo kheni Pfhumu Nungungulu wawe.

Hoseya 11:1

Avbo Israyeli a nga bani na ngari gyanana, eni nyi di mu gola; khu tigoni ga Egipito, nyi di rana gyanana gyangu.

Hoseya 12:13

Aholu Pfhumu Nungungulu a di rumela muprofeti, guya dusa Israyeli khu tigoni ga Egipito. Vathu va di gimbidziswa khu muprofeti.

Hoseya 12:9

Aholu eni kheni Pfhumu Nungungulu wago, gukhugela tigoni ga Egipito, eni nyi nga na gu gu gira u vbanya mitshatshani, kha nga matshigu nya mitshangano nya mibuzo.

Hoseya 13:4

Ambari ulo, eni kheni Pfhumu Nungungulu wago, gukhugela tigoni ga Egipito. Khu guralo, khu na ngati mumbe nungungulu, vbavbandze gwangu, kholu mwalo mumbe mutshudzisi, vbavbandze gwangu.

Hoseya 2:12

Nyi na mu thela dzitshoni mbeli ga sibhayi saye; mwalo a na gu mu vbulugisa mandzani gwangu.

Amosi 9:14

Nyi na wuyisa vathu vangu va na Israyeli khu wugumbitunu, va ta vbahedza marumbi nya madhoropa yawe, va khala umo. Va na yala miuvha, va sela vhinya yaye, va yala misimbo, va hodza mihandro yakone.

Zakariya 9:12

Bwelelani likhokholani gwanu enu sibotshwa, mu tadego khu gutumba; muhuno nyi ngu tivisa gukheni nyi na mi bweledzela satshavbo khu nyondro mbili.

Mitengo 21:17

Khavbo avbo, Israyeli a di emba ndzimo yeyi, khuye: “Khugegani, enu mati nya nambo! Kulungelani!

Johane 10:9

Eni nyi mwanya; uye a belago khavbo gwangu a na vbanyiswa a na bela ni guduga; gambe a na mana mahawo.

Mithumo 14:27

Na va vbohide, va di tombanisa libandla va va embeledzela satshavbo iso Nungungulu a nga girago navo, ni edzi Nungungulu a nga tulelago khidzo ndzila nya gukhodwe va nya mayigo.

Josuwa 7:26

Va wungedzela vbatshani ga Akani gigomo nya gikhongolo nya siwindri gi nga guromo kala na muhuno. Khavbo avbo, Pfhumu Nungungulu a di bosa likhulo laye. Khu guralo, wulanga wule wa gu ranwa kala na muhuno gupwani Kova wa Akori.

Valamuli 8:34

Va na Israyeli kha va alakanya Pfhumu Nungungulu wawe, a va vbulugisidego mandzani ga valala vawe vatshavbo va nga bani va va randrede.