Hoseya 2:10 - Bhibhiliya Nya Guage

¹⁰ Uye kha dziti gukhuye kheni nyi mu ningidego tirigu, vhinya ni mafura, nyi mu engedzede ndralama ni parata, a nga si thumisago guphasela khiso Bhahali.

Hoseya 2:10 Iomraidhean Croise

2 Dzikoronika 24:7

Kholu nyamayi yoyu Ataliya, nya guvivbedwe khu monyo, gumogo ni sanana saye, va di phangide Nyumbani ga Nungungulu, va dzega sombo nya miphaselo sa Nyumbani ga Pfhumu Nungungulu, va si thumisa ga Vabhahali.

Dzindzimo 50:22

Khu guralo, pimisani esi, enu mu divalago Nungungulu, gasi nyi si mi vbadzuleli, mu hamuga ni muthu nya gu mu vbulugise.

Mavingu 11:21

Muthu nya guvivbedwe khu monyo, gima kha na vbuluga gu mana tsayiso, aholu livelego la va nya gululama, li na vbuluga.

Isaya 3:17

Pfhumu Nungungulu a na thela sidhole mihungoni ya vanyamahegyane va Siyoni, a va tshulela dzitshalu va khala wumbwiri.

Jeremiya 13:22

Avbo u na ganelago khu monyoni gwago, khuwe: “Khu ginani nyi taledwago khu sigaradzo satshavbo sesi?” Dziti gwadi gukhuwe, talo nya sighoho sago, khiso si giridego u fununguledwa dzitshalu dzago, ni sitshinandro sago si napwa wuvi nya wungi.

Jeremiya 13:26

Eni neni kharato nyi na funungula dzitshalu dzago kala khovbeni gwago; gasi gu wonega dzitshoni dzago.

Ezekiyeli 16:16

U dzegide guambala gwago u khozela khugo malanga nya vanungungulu nya malipha, avbo u nga yisa mbeli thumo wago nya wuphuphulu. Silo nya nga isoso si nga bani si si vbwetegigo gu girega, gambe si nga tshuki si girega.

Ezekiyeli 16:19

Guhodza nyi gu ningidego, wuguvbi nya gudadatwe, mafura nya guhutwe, gumogo ni wulombe, u giride khiso phaso nya mahema nya gunungele gwadi gasi gu salalegisa sithombe soso; a ngu ganela Mune Pfhumu Nungungulu.

Ezekiyeli 23:29

Avo va na gu tshanisa khu livengo, va gu wandrela ni satshavbo sile u si manidego khu gu thuma. Va na gu tshulela dzitshalu va gu diga nuri wumbwiri; gu na tugulega dzitshoni nya wubhayi wago, isoso si na gu dugela khu kotani nya wudogodogo ni wuphuphulu wago,

Hoseya 10:1

Israyeli a diri lithembwe nya gunone nya miuvha, li nga bani li ninga mihandro. Avbo gu nga andra mihandro yaye, a di andrisa gambe ni sihuru saye nya miphaso, avbo litigo laye li nga bani li gu engedzelana gunona, khu guralo, va di gira sithombe nya wumburi.

Hoseya 13:1

Avbo Efrayimi a nga bani na gu ganela, vathu va di ndrendremela, a di khusedzidwe tigoni ga Israyeli. Aholu a dzi rwegide nandru khu gu khozela Bhahali, uye fude.

Hoseya 2:3

Ranani vandriyanu nya vama, khenu: “Vathu vangu” ni vandriyanu nya vanyamayi, khenu: “Sigodwa sangu.”

Hoseya 6:9

Vaphasi nya mhamba va gu fanana ni sighevenga, si sihalelago vathu, si va songa ndzilani ga Sikemi; mithumo yawe khya gunyenyeza ni wughevenga.

Mikeya 5:8

Mitshaledwa ya Jakobe yi na bani yiri vbakari nya mafumbu nya mangi, ni vbakari nya vathu nya mangi, kha nga nghala vbakari nya sirengo nya likhabi, kha nga ginghalana vbakari nya mitshambi nya dzinvuta, avbo gi vbindrago, gi na dzi gandredzela ni gu dzi vbadzulela nyamba manega muthu nya gu dzi vbulugise.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.