Hoseya 14:7 - Bhibhiliya Nya Guage

⁷ Avo va khalago mutsani gwaye, va na wuya, va wusedzwa nga tirigu, va rumbuga nga mihandro nya lithembwe nya vhinya; ndruma ya Israyeli yi na fanana ni vhinya ya Libhanoni.

Hoseya 14:7 Iomraidhean Croise

Dzindzimo 138:7

Nya gu bani nyiri vbakari nya dzimhango, uwe u ngu nyi vbanyisa, wa gu thawuludza libogo lago la nyamudye u nyi vhikela ga valala vangu; u nyi vbanyisa khu tshivba yago.

Dzindzimo 85:6

Ina khu na nga hi vbanyisa gambe, gasi vathu vago va nengele khu uwe, gani?

Dzindzimo 91:1

Muthu wule a thavelago ga Pfhumu Nungungulu a guromo vbatshani ngudzu, a hefemulago mutsani ga mune nya Tshivba Yatshavbo,

Gizimba 2:3

Mwangadzi —Gufanana ni likandzu vbakari nya misimbo ya khabini, khidzo kharato a fananago khidzo gigodwa gyangu vbakari nya madzaha. Nyi ngu wu gola ngudzu mutsa waye, nyi na khala vbavbatshi gwaye, nyipwa gulombela nya handro waye.

Gizimba 4:11

Khu kanani gwago, uwe khundzwa yangu gu dota wulombe; khu vbavbatshi nya lidimi lago, momo mahwe ni wulombe, ni mahema nya dzingandzu dzago, ma gu fanana ni mahema nya libani la Libhanoni.

Gizimba 6:11

Mwangadzi —Nyi relede thembweni nya dzindzawa, guya wona gunyuga nya dzimbewu dza kovani ni gu wona gukheni lithembwe li ngu dandra gani ni maromana gu mwendro ma ngu thela wenge.

Isaya 61:11

Kholu kha nga mafu ma bugisago misimbo yatshavbo, ni lithembwe li bugisago dzimbewu dzi yadwego umo, kharato nuye Mune, Pfhumu Nungungulu, a na bugisa gululama ni wuzundzo vbakari nya mayigo yatshavbo.

Ezekiyeli 17:23

Nyi na li yala vbatshani nya gigomo nya gulaphe gya Israyeli. Li na thunga matamo, li ninga mihandro ni gu khala sedhari nya dandrangulu. Umo sinyoni nya singi nya mafumbo yatshavbo ya mafuni si na gu khalago mutsani gwaye, ni guvbaha sihaga sawe matamoni gwaye.

Hoseya 14:5

Avbo ga Israyeli nyi na khala kha nga thondrwane; uye a na nyuga nga genge a nava mikhamba nga simbo wa Libhanoni.

Hoseya 2:21

Nyi na gu dzega u khala mwangadzi wangu kala gupindruga; nyi na dzegana nago khu lisine ni gululama, khu lihaladzo ni gutsetselelana.

Hoseya 2:22

Nyi na gu dzega u khala mwangadzi wangu khu gutumbega, gambe u na muti Pfhumu Nungungulu

Hoseya 6:2

Khu hwane nya matshigu mavili basi, a na wuyisa nyaluphye guvbanya gwathu, khilo nya wuraru, a na hi wusa, hi vbanya mbeli gwaye.

Zakariya 8:12

Kholu mbewu yi na andra, lithembwe nya miuvha li na ninga mihandro yaye, mafu ma na ninga dzimbewu, ni ndzadzi yi na tshisa thondrwane yaye; nyi na gira gu mitshaledwa nya vathu vava va hakhe satshavbo sesi kha nga thomba.

Johane 11:25

Jesu a di engedza gambe, khuye: “Eni kheni guwuga, kheni guvbanya. Uye a khodwago gwangu, ambari na fude, a na vbanya

Johane 12:24

Khu lisine, nyi ngu mi embelani, kheni: Mbewu nya tirigu ya gu thega mafuni yi sifi, yi na khala yonga basi; aholu ya gufa, yi na ninga mihandro nya yingi.