Hoseya 14:5 - Bhibhiliya Nya Guage

⁵ Avbo ga Israyeli nyi na khala kha nga thondrwane; uye a na nyuga nga genge a nava mikhamba nga simbo wa Libhanoni.

Hoseya 14:5 Iomraidhean Croise

2 Samuweli 23:4

a na fanana ni wenengedzo gikhati li dugago lidambo, vbadzimindrutunu nya gumbana mapfhi, kha nga gungangamela hwane nya guwe ndzadzi, gu bugisago mwasi mafuni.

2 Dzipfhumu 19:30

Mitshaledwa ya nyumbani ga Judha, avo va na vbulugago, yi na engedza yi tsitsa mikhamba mafuni, yi thela mihandro matamoni.

Joba 29:19

Mikhamba yangu yi na nava kala matini, matamo yangu ma thegedwa khu thondrwane wutshigu watshavbo.

Dzindzimo 133:3

Gufanana ni mumya wa gigomoni gya Herimoni, wu thegago sigomoni sa Siyoni. Khavbo vbale Pfhumu Nungungulu a hi rumelago makategwa, ni guvbanya nya gupindruge.

Dzindzimo 72:16

Tigoni gu na fumwe dzimbewu, dzi fenengedza kala vbatshani nya sigomo, si tala khu dzimbewu kha nga esi sa Libhanoni, avo va vbanyago madhoropani va na rumbuge kha nga mwasi wu fenengedzago thembweni.

Dzindzimo 72:6

Mufumeli a na khale nga ndzadzi yi wago wulimeni, a fanana ni ndzadzi yi thelago thomwa mafuni.

Dzindzimo 80:9

U dongisede wulime gasi gu li yala umo, mikhamba yaye yi tsitside vbavbatshi nya mafu, li navide li enedza litigo latshavbo.

Dzindzimo 92:12

Va nya gululama va na buga kha nga ngindru, va dandra nga misimbo nya sedhari ya Libhanoni.

Dzindzimo 92:13

Avo va yadwego Nyumbani ga Pfhumu Nungungulu, va na thela matamo dzindzarini nya Nyumba ya Nungungulu wathu.

Mavingu 19:12

Likhulo la mufumeli la gu fanana ni gubhonga nya nghala, gutsakedwa khuye gu fanana ni thondrwane mwasini.

Gizimba 2:16

Gigodwa gyangu gya gulumba eni, eni neni nya gulumba uye tshambi waye a gu havisela vbakari nya senge.

Gizimba 4:5

Mavele yago, ma gu fanana ni ya siyisyana sivili nya wumburi si velegidwego khu mavbaha si havago vbakari nya senge.

Isaya 12:1

Ga litshigu lolo, u na embelela, khuwe: “Nyi ngu gu bonga uwe Pfhumu Nungungulu, kholu, ambari nyi gu gorosidego, olu U duside likhulo lago avbo gwangu. Uwe u ngu nyi tangadzisa.”

Isaya 18:4

Kholu Pfhumu Nungungulu a nyi embede kharati, khuye: “Nyi na khedza na nyiri khu nyumbani gwangu, na nyi rude ni gutangala, kha nga guvbisa nya lihani gikhati nya gugye, mwendro kha nga lipfhi nya hunguva vbanangotunu nya guvbise, khu nango nya guvbwere.”

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Isaya 27:6

Ma nguta matshigu, avbo Jakobe a na bugago mikhamba, Israyeli a nyuga a thela wenge, a tadza tigoni gwatshavbo khu mihandro.

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 45:8

Khu vbatshani ndzadzini gu na thege mati, ni mapfhi ma na wise gululama; ma na tulege mafu, gu buga guvbanyisa, gumogo nago, gu duge gululama; kheni Pfhumu Nungungulu nyi vangidego isoso.

Isaya 57:18

Eni nyi wonide dzindzila dzawe, aholu nyi na va vbanyisa; gambe nyi na va gimbidzisa khu ndzila bwelo khavbo nyi va tangadzisa nyaluphye, ni vale va lilago.

Isaya 57:19

Nyi na va embela vatshavbo, kheni: “Gurula ga vale va guromo hwindzo ni vale va guromo vbafuvbi.” Eni nyi na va vbanyisa, a ngu ganela Pfhumu Nungungulu.

Jeremiya 3:22

Vbindrugedzani mu wuya eno gwangu enu sanananu nyamba tumbega, eni nyi na mi vbanyisa madwali nya gukanyise gwanu.” Avo va di hakha, khavo: Hi womo avba; kholu uwe khuwe Pfhumu Nungungulu wathu.

Jeremiya 32:41

Eni nyi na nengela khavo, nyi na va kategisa ni gu va ninga wulanga wu tiyidego tigoni momu, khu monyo wangu watshavbo ni hefemulo wangu watshavbo.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Mikeya 5:7

Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Matewu 6:28

“Khu ginani mu dzi garadzago khu guambala? Nga wonani senge nya likhabi, idzo si dandrago khidzo! Kha si thumi gambe kha si lugi dzitshalu.

Luka 12:27

Nga wonani senge, idzo si dandrago khidzo! Kha si thumi gambe kha si lugi dzitshalu. Aholu nyi ngu mi embelani nya gukheni: Ambari Solomoni, gufumani gwaye gwatshavbo, kha ambala kha nga gimwegyo gyakone.

Vaefeso 3:17

Nyi ngu lomba gambe ga Nungungulu gukheni Kristo a na vbanye myonyoni gwanu khu gukhodwa, mu tiya gwadi, mu tsitsa mikhamba nya gutiye lihaladzoni.

Dhewuteronome 32:2

Gihevbudzo gyangu gi na dote kha nga ndzadzi, lito langu li naganisa kha nga thondrwane, kha nga humguva vbatshani nya mwasi, kha nga madona nya mati mwasini.