Hoseya 14:2 - Bhibhiliya Nya Guage

² Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Hoseya 14:2 Iomraidhean Croise

2 Samuweli 12:13

Khavbo avbo, Dhavhidhe a di embela Natane, khuye: “Nyi ghohede Pfhumu Nungungulu.” Natane a di embela Dhavhidhe, khuye: “Pfhumu Nungungulu futide gighoho gyago, khu na ngafa.”

2 Samuweli 24:10

Hwane nya gu bani na sayede vathu, Dhavhidhe a di vetwa khu livhalo a vbisega monyoni gwaye; Dhavhidhe a ganela ga Pfhumu Nungungulu, khuye: “Nyi ghohide ngudzu khesi nyi giridego, gasi olu uwe Pfhumu Nungungulu, nyi ngu gu lomba gukheni u duse guvivba ga githumi gyago, kholu nyi thumide silo nya wupumbu ngudzu.”

Joba 7:21

Khu ginani u si nyi pweligo sihoso sangu ni gu futa sighoho sangu, na? Kholu nyi na dzegela gulala ngumani, u nyi vbweta u si nyi mani gambe.”

Dzindzimo 119:108

Hakha Pfhumu Nungungulu nombelo wangu nya gubonge uwe, nyi hevbudze milayo yago.

Dzindzimo 50:14

Ningela ga Pfhumu phaso nya gubonge, u landrisa sisambanyo u giridego ga Uye a Khusegidego ngudzu;

Dzindzimo 51:16

Kholu uwe khu tsakiswi khu miphaso nya dzimhamba; ambari nya gu gu ninga miphaso nya guvbiswe; uwe khu tsakiswi khiyo.

Dzindzimo 51:17

Dzimhamba dzi tsakisago Nungungulu khu hefemulo wu dzi layago; Uwe Nungungulu khu nyenyi monyo wu tshanisekago.

Isaya 44:22

Nyi fuviside guvivba gwago, gu fanana ni hunguva, ni sighoho sago nyi si mwalalegiside kha nga lipfhi; wuya gwangu, kholu kheni mudzegisi wago.

Isaya 6:7

Yi di nyi pfodza likana khu ligala, yi nyi embela, khiyo: “Wona nya gukhuwe nyi khuhide sihofu sago; sighoho sago si handzidwe, sihoso sago si ditshedzidwe.”

Jeremiya 3:12

Indra khu phuvbo ga Wuronga u ya huwelela magana yaya, khuwe: Pfhumu Nungungulu a ngu rana Israyeli, khuye: Wuya eno gwangu, ambari u ndreyidego. Kholu nyi na gu pwela wuhindzi, kha nyi na gu girela likhulo; a ngu ganela Pfhumu Nungungulu.

Hoseya 12:7

Efrayimi mahungane, mandzani gwaye a na gikalo nya wudambane a gu gola ngudzu dzihanyi.

Hoseya 5:5

Matshandza ya na Israyeli, ma ngu va ketsari dzikhovbeni gwawe; Israyeli ni Efrayimi va na thega khu wuvivbi wawe, Judha nuye a na thega gumogo navo.

Hoseya 6:6

Kholu eni nya gu tsakiswa khu lihaladzo, guvbindra dzimhamba dzanu, ni guti Nungungulu, guvbindra miphaso yanu nya guvbiswe.

Joyele 2:17

Va na lile vaphasi nya mhamba, va thumelago Pfhumu Nungungulu, va na lile vbakari nya mwanya nya Nyumba ya Nungungulu ni giluvelo, va lombelela khavo: Uwe Pfhumu Nungungulu tsetsa vathu vago, u nga ningeli thomba yago yi khala gihegiso, va nya mayigo va gira guhaladza khiyo; kholu mambe mafumbu ma nga ganela khayo: Womo hayini Nungungulu wawe?

Jona 2:9

Aholu, eni khu ndzimo yangu nya gubonge, nyi na gu girela miphaso; gisambanyo gyangu nyi na gi landrisa; guvbanyisa gwa guta khu ga Pfhumu Nungungulu.”

Zakariya 3:4

Ngilozi yi di embela avo va nga bani va emide mbeli gwaye, khiyo: “Mu tshuleni dzingandzu dzaye nya gunyenyeze.” Khu hwane a embela Josuwa, khuye: “Wona, nyi gu duside sighoho sago, nyi gu ambagisa dzingandzu nya wuzundzo.”

Matewu 7:11

Nga wonani: Ambari enu nya gukhenu mu vivbedwe khu myonyo mu dzi kodzago gu ninga silo nya sadi sanana sanu, ahati Babe wanu a guromo Ndzadzini kha na nga ninga silo nya sadi vale va mu lombago, gani?

Luka 11:13

Nga wonani: Ambari enu nya gukhenu mu vivbedwe khu myonyo mu kodzago gu ninga silo nya sadi sanana sanu, ahati Babe wanu a guromo Ndzadzini a na gira kharini? A na ninga Liphuvbo nya Guage ga vale va mu lombago!”

Luka 18:13

Gasi muhengisi nya khupho, a di ema khu hwindzo, nyamba tiyela ni gu khusedza thamo, a di dzipwa nandru, a veta khana na gu khuye: ‘Nungungulu, nyi tsetselele, kholu nyi gighohi.’

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Varoma 11:27

Khigyo gidzumeledzwano nyi na hungago navo, hwane nya gu na nyi va duside khu sighohoni gwawe.”

2 Thimoti 1:9

Khuye a hi vbanyisidego ni gu hi rana, nasiri khu mithumo yathu, aholu khu gudzina ni wuhigo waye, a nga hi dongisela galeyo gu hi ninga khu Kristo Jesu.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Vahebheru 10:4

Kholu novba nya dzikuzi ni dziphongo gima kha wu dzi kodzi gu handza sighoho nya muthu.

Vahebheru 13:15

Khu guralo, hongoleni hi rungudze Nungungulu khu Jesu. Rungudzo yoyo i mhamba hi ningelago, yi ningedwago khu magana ma rungudzago lina laye.

1 Pedro 2:5

Hidzimelani nenu mu dzi ningedzela ga Nungungulu, gasi a mi thumise kha nga siwindri nya guvbanye, guvbahani nya nyumba nya Liphuvbo ya Nungungulu. Nyumbani momo, enu mu womo kha nga tsawa nya vaphasi nya mhamba va agisidwego, va hathidwego gasi gu ningela miphaso yi tsakisago Nungungulu khu ga Jesu Kristo.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

1 Johane 1:7

Aholu, ha gu vbanya guwonegelani, kha nga olu Uye a guromo muguwonegelani, gu yeyedza gupwani hi ngu hengela gumogo ethu hatshavbo, gambe Novba wa Kristo, Mwamana waye, wu ngu handza sighoho sathu satshavbo.

1 Johane 3:5

Enu mu ngu dzitini gukhenu Kristo a di dzi wonegisa gasi guta dusa sighoho sathu, nari gu uye mwalo gighoho.