Hoseya 13:7 - Bhibhiliya Nya Guage

⁷ Khu guralo nyi na va tela kha nga nghala; nyi va ranga khu ndzilani, gu fanana ni likhamba.

Hoseya 13:7 Iomraidhean Croise

Joba 10:16

Gikhati nyi wugago, uwe wa gu nyi sota gukhwatshi u nghala, u dzi wonegisa avbo gwangu, khu ndzila nya guthise ni gusamadzisa.

Isaya 42:13

Pfhumu Nungungulu a na duga kha nga ndrena, kha nga muthu a dugago guya nyimbitunu, a goroga a wusa likhulo laye, a huwata, a gira ligwaha nya likhongolo nya nyimbi, a yeyedza tshivba yaye mbeli ga valala vaye.

Jeremiya 25:38

A fanana ni nghala yi dugidego khu wulangani gwaye; kholu litigo lawe li vbindrugedzidwe li khala giwula, khu kotani nya gukhondre nya likhulo la Pfhumu Nungungulu.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Gililo 3:10

Avbo gwangu a di dzi gira kha nga gikankanka gi nyi riyago, ni nghala yi sihadego.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Amosi 1:2

Uye a di ganela, khuye: “Pfhumu Nungungulu a na bhonga khu Siyoni, a pwadza lito laye khu Jerusalema; gu manega gililo wuhaviseloni ga vahavisi, gubanga tshokatunu nya gigomo gya Karimelo.”

Amosi 3:4

Ina nghala yi ngu gungurangura khabini, ya sa mola pfimba, gani? Ginghalana gi ngu khusa lito phalani gwaye, gya sa mola gilo, gani?

Amosi 3:8

Ya gu bhonga ngala, khu mani a gumba ndrendremela? Pfhumu Nungungulu a gu ganela, khu mani a na gumba profeta?

Gutuledwa 13:2

Girengo nyi nga gi wonago gi di gu fanana ni likhamba. Sandza nya migondro yaye khwatshi khesi nya yingwe, likana li di gu fanana neli nya nghala. Mwamilambo a di gi ninga tshivba yaye, ni gikhalo gyaye, ni wufumu nya wukhongolo.