Hoseya 13:6 - Bhibhiliya Nya Guage

⁶ Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Hoseya 13:6 Iomraidhean Croise

Nehemiya 9:35

Kholu vbagufumatunu gwawe, kha va gu thumela, ambari na va wonide talo nya dzithomba u va ningidego khu wuhigo wago, tigoni nya gukhongolo nya gunone u va ningidego. Aholu avo va di simama ni mithumo yawe nya guwegele.

Dzindzimo 10:4

Muthu nya guvivbedwe khu monyo, khu kotani nya matshandza yaye; kha khathali khu gu vbweta Nungungulu, uye a gu pimisa, a ganela, khuye: “Mwalo Nungungulu!”

Mavingu 30:9

Gasi gu si giregi gu, nya gu khura ngudzu nyi tshuka nyi gu danga, kheni: “Khu mani Uye Pfhumu Nungungulu wakone?” Kholu nya gu khala gisiwana, nyi phela guba; nyi na nyenyezisa kharati lina la Nungungulu.

Isaya 17:10

Kholu u divade Nungungulu nya guvbanyiswe gwago, u divaledwa khu Likhokhola nya wuthavelo wago. Khu guralo, u di lima marembwe nya misimbo nya wumburi, u yala dzimbewu nya gudhumise vanungungulu va nya mayigo.

Jeremiya 5:7

Nyi na dzi kodza kharini gu gu divalela na nyi gu wona esi? Kholu sanana sago si nyi digide, va sambanya khu avo va gu siri vanungungulu; hwane nya gubani nyi mi ningide siningwa nya gutale, kha mwa tumbega, mu di tadzani migondro dzinyumbani nya maphuphulu mu ya tshangana iyoyo;

Ezekiyeli 23:35

Khu guralo, Mune Pfhumu Nungungulu a ngu ganela kharati, khuye: “Kha nga olu u nyi divadego, ni gu nyi pfhurarela, u na tsayiswa khu gunyenyeza ni wubhayi u giridego.”

Ezekiyeli 28:5

khu kotani nya guandre nya guti gwago, omu nya wugwewo wago, u engedzede dzithomba dzago; gambe khu kotani nya idzo, u ngu dzi gugumugisa.

Hoseya 10:1

Israyeli a diri lithembwe nya gunone nya miuvha, li nga bani li ninga mihandro. Avbo gu nga andra mihandro yaye, a di andrisa gambe ni sihuru saye nya miphaso, avbo litigo laye li nga bani li gu engedzelana gunona, khu guralo, va di gira sithombe nya wumburi.

Hoseya 12:8

Efrayimi a di ganela, khuye: “Nyi khade gitetema khu gu ghanya thomba nya yingi! Ga mithumo yangu yatshavbo nyi giridego, kha va na mana avbo gwangu guvivba mwendro gighoho.”

Hoseya 2:13

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.

Hoseya 2:7

Kholu mayi wawe bhayide, uye a nga va velegago, giride silo nya dzitshoni, kholu a di khuye: “Nyi na landrela sibhayi sangu, si nyi hodzisago ni gu nyi sedza mati, va nyi ninga myendra nya gufurumele, myendra nya seda, mafura nya guhodze ni mati.

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Hoseya 4:7

Avbo vaphasi nya mhamba va nga andra, va di engedzela gu nyi ghohela, gasi eni, nyi na vbindrugedza wuzundzo wawe wu khala dzitshoni.

Hoseya 5:14

Kholu ga Efrayimi, nyi na khala nga nghala, ga na Judha nyi khala nga ginghalana. Eni, nyabune, nyi na va vbadzulela nyi khuga nyi hongola navo; gambe mwalo a na va vbulugisago.

Hoseya 7:14

Kha va lila avbo gwangu khu monyo wawe watshavbo, aholu va di keta malawuni gwawe, va lomba tirigu ni vbinyu, aholu avo na va hambanide neni.

Hoseya 8:14

Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Hoseya 8:4

Va dzi hathede vafumeli khu gugola gwawe, aholu, nasiri khu guruma gwangu, va dzi vegela vathangeli nyamba vati. Khu ndralama ni parata yawe, va di wumba vanungungulu nya sithombe, gasi va dzi mbembisa khiso.

Dhewuteronome 32:18

U yeyiside Giwindri gi nga gu velega, gambe u divade Nungungulu a nga gu wumbago.