Hoseya 13:3 - Bhibhiliya Nya Guage

³ Khu guralo, va na khala nga mapfhi nya wuronga ni hunguva nya mambagugya yi vbiredzelago guvbindra, ni mungu wu vbuvbiswago khu gingulu, ni wutshi wu tuvigago khu nyumbani.

Hoseya 13:3 Iomraidhean Croise

Joba 21:18

Dzinyondro dzingani va vbuvbiswago khu phuvbo gukhwatshi mavivi ni gukhwatshi wulelu wu vbuvbiswago khu gipupwane.

Joba 30:15

Nyi thegedwe khu dzimhango nya guthise, wuzundzo wangu wu vbuvbisidwe khu phuvbo, makhalelo yangu nya yadi ma mwalalegide kha nga lipfhi.

Dzindzimo 1:4

Kha gu giregi kharato ga vathu nya guvivbedwe khu monyo; avo va gu fanana ni mwasi wu phalalegiswago khu phuvbo.

Dzindzimo 68:2

Uwe wa gu va phalalegisa kha nga wutshi; wu mwalalegago ndrengelengeni. Va nya guvivba va gu mbemba mbeli gwago va nyiviliga kha nga mafura vbanilotunu.

Isaya 17:13

Vathu nya mayigo va na gulumela kha nga gudzuma nya mavimbi, aholu Uye a na va kawuka, va tutuma va hongola hwindzo, gu fanana ni mungu wa gigomoni wu phalalegiswago khu phuvbo.

Dhaniyeli 2:35

Khavbo avbo, simbi, libumba, sugu, parata ni ndralama si di khungumuledwa, si gira nga mungu nya tirigu nya guvbudwe vbamarongatunu, si di vbuvbiswa khu phuvbo si mwalalega. Aholu giwindri gi nga pandra gifananiso gi di vbindrugedza gi khala gigomo nya gikhongolo gi fenengedza litigo latshavbo.

Hoseya 6:4

Ginani nyi yelago gu gira khu uwe Efrayimi? Ginani nyi yelago gu gira khu uwe Judha? Kholu lihaladzo lanu la gu fanana ni mapfhi nya Wuronga, ni thondrwane nya dzimindru si vbiredzago gu mwalalega.

Sofoniya 2:2

Mu si gu phalalegiswi kha nga mungu wu mwalalegago khu litshigu limwedo, mu si gu thegedwi khu likhulo nya guthise la Pfhumu Nungungulu; ina, mu si gu vbohedwi khu litshigu nya likhulo la Pfhumu Nungungulu.

Zakariya 8:12

Kholu mbewu yi na andra, lithembwe nya miuvha li na ninga mihandro yaye, mafu ma na ninga dzimbewu, ni ndzadzi yi na tshisa thondrwane yaye; nyi na gira gu mitshaledwa nya vathu vava va hakhe satshavbo sesi kha nga thomba.