Hoseya 13:2 - Bhibhiliya Nya Guage

² Olu, va gu engedzela gu andrisa sighoho; khu parata yawe, va gu gira sifananiso nya gupfhudwe, sifananiso nya guwumbwe khu mapimo nya wugengeli, a gu thumo nya mandza ya vameseri, va bwelo khavbo va ganela, khavo: Va gireleni miphaso. Vathu va ninga dzibesu sifananiso nya simombyana.

Hoseya 13:2 Iomraidhean Croise

1 Dzipfhumu 19:18

Ambari khu kharato, nyi di tshiya livbandre na mavili magumi mazana (7000) vama nya guvbanye tigoni ga Israyeli, avo va ngamba khozela nungungulu Bhahali, ni sihofu sawe si ngamba mu bhejari.”

2 Dzikoronika 28:13

va va embela, khavo: “Mu nga bedzini ndrangani momu dzikhumbi dzodzo, mwa guvbweta gukhenu hi rwale nandru ga Pfhumu Nungungulu, hi engedzela sighoho sathu nya gutale, gani? Likhulo la Pfhumu Nungungulu li ngu vila bwelo khavbo li pfhurugela vbakari ga na Israyeli.”

2 Dzikoronika 33:23

Uye gima kha nga dzi nogisa mbeli ga Pfhumu Nungungulu, kha nga idzo a nga girago babe waye Manasi, a nga dzi nogisago; aholu Amoni, a di andrisa sighoho saye.

Dzindzimo 2:12

Khidzimani mawundruni ga mwamana gasi a si gorogi, mu si mbembi na mu ngari ndzilani, kholu hwane nya gikhatinyana a na tala khu likhulo. Va kategide vatshavbo vale va thavelago gwaye.

Isaya 1:5

Khu ginani mu na gu simamago mu tsayiswa, khu guyeyisa gwanu? Mihungo yanu yatshavbo yi ngu dwala, ni myonyo yanu yi vbede tshivba.

Isaya 30:1

Pfhumu Nungungulu a ngu ganela kharati, khuye: Libango ga sanana nya guyeyise, si girago makungo ma gu sindri yangu ni gu gira gidzumeledzwano ni vambe vathu nyamba rumwa kheni, va fela gu engedzela gighoho vbatshani nya gighoho!

Isaya 44:11

Wonani gukhenu, vatshavbo vale va si khozelago va na khala dzitshoni, kholu silo soso si giridwe khu vathu; va na tombane vatshavbo va ema gumogo; vatshavbo va na thava, va khala dzitshoni.

Isaya 45:20

Tombanani muta; hidzimelani gumogo mwatshavbo, enu mu vbulugidego ga va nya mayigo; vale va rwalago sifananiso nya misimbo nya guvatwe, va gira milombelo ga nungungulu a si dzi kodzigo gu va vbanyisa.

Isaya 46:6

Vathu va gu dusa ndralama borisani ni gu pima ndrengo nya parata musikaloni; va gu thola mupfhuli nya ndralama gukhavo a va girele nungungulu gasi va mu khidzimela va kuha mafu khu khovbe, va mu khozela.

Isaya 46:8

Alakanyani gwadi esi, mu si vega mapimoni gwanu; mu nga divaledwi khiso, enu mu vivbedwego khu myonyo.

Jeremiya 10:4

Va wu mburisela khu parata ni ndralama, va wu tiyisa khu gu wu khokhotha khu dzikhogo, gasi wu si kutsungegi.

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Jeremiya 8:5

Gasi khu ginani vathu vava va Jerusalema va simamago gu banga mihungo va dzi ndreyisa? Va simama ndzilani nya guwegele va si dzumeli gu wuya gambe!

Hoseya 10:1

Israyeli a diri lithembwe nya gunone nya miuvha, li nga bani li ninga mihandro. Avbo gu nga andra mihandro yaye, a di andrisa gambe ni sihuru saye nya miphaso, avbo litigo laye li nga bani li gu engedzelana gunona, khu guralo, va di gira sithombe nya wumburi.

Hoseya 10:5

Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Hoseya 11:2

Aholu, avbo eni nyi nga bani nyi gu va rana, avo va di simama gu bomba va nyi pfhurarela. Va girela miphaso vanungungulu nya Vabhahali ni gu vbisela libani sifananiso nya guvatwe.

Hoseya 11:6

Madhoropa yawe ma na sasedwa khu matshari, va fanyeledzela migonyo nya malimba yawe nya dzisimbi, va sasedwa khu kota nya makungo va ma giridego vabune.

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Hoseya 2:8

Khu guralo, nyi na tshika ndzila yaye khu miba; nyi na yi bhiya khu laba gasi a si dzi mani dzindzila dzaye nya guvbindre khumo.

Hoseya 4:17

Efrayimi fumedwe khu vanungungulu nya sifananiso, mu digeni kharato!

Hoseya 8:4

Va dzi hathede vafumeli khu gugola gwawe, aholu, nasiri khu guruma gwangu, va dzi vegela vathangeli nyamba vati. Khu ndralama ni parata yawe, va di wumba vanungungulu nya sithombe, gasi va dzi mbembisa khiso.

Hoseya 8:5

Githombe gyago nya gimombyana uwe Samariya gi ngu nyi hasimisa monyo; likhulo langu li khondride vbatshani gwawe! Kala lini na va nga gu padwa khu gu dzi agisa?

Hoseya 8:6

Gimombyana gegi gi di girwa khu va na Israyeli! Gi di pfhudwa khu moyo nya vameseri vanu, khandri Nungungulu. Githombe gyogyo nya gimombyana gya Samariya, gi na khungumuledwa gi tshala khu sipandre.

Mitengo 32:14

Olu enu nenu mwa gu vbweta gu dzega wulanga wa vababe vanu mu khala gitugulwana nya sighohi, mu engedzela likhulo la Pfhumu Nungungulu vbakari ga va na Israyeli.

Varoma 11:4

Aholu Nungungulu a di mu hakha khuye ginani? A di khuye: “Nyi vegiside livbandre na mavili magumi mazana (7.000) nya vathu va ngamba khidzima va khozela Bhahali, nungungulu nya malipha.”

Varoma 2:5

Aholu uwe u na ni monyo nya guvivbe, khu dzini gu dzi laya. Wa gu engedzela gitsayiso a nga gu ningago khu litshigu nya likhulo avbo Nungungulu a nga resago gulamula gwaye nya gululame.

2 Thimoti 3:13

Aholu, vathu va nya guvivbedwa khu monyo ni vakanyisi va gu simamisa gu gira guvivba, va kanganyisa vakwawe, bwelo khavbo va kanganyiswa.

1 Samuweli 10:1

Samuweli a di dzega gigasi nya mafura, a ma guhula hungoni ga Sawule, a mu bhejari a mu embela, khuye: “Pfhumu Nungungulu a gu todzide khu mafura gasi gu khala muthangeli vbakari nya thomba yaye, vathu va Israyeli!