Hoseya 13:14 - Bhibhiliya Nya Guage

¹⁴ Eni nyi na va dzegisa tshivbani nya liphala nya guete, nyi va tshudzisa lufuni. Gasi olu uwe lufu, yomo hayi mitungu yago? Uwe liphala nya vafi, gomo hayi gumbembisa gwago? Maho yangu gimwalo ni gimwegyo ma gi wonago nya gu dzi laye khigyo.

Hoseya 13:14 Iomraidhean Croise

Joba 33:24

yi na mu pwela wusiwana yi embela Nungungulu, khiyo: Mu tshudzise a si thegeli phalani nya lufu nyi mane igyo nya gulivbe khigyo nandru waye.

Joba 41:22

Vbavbatshi nya girumbu gyaye, momo magwaru nya guvbire; ya gu khwirira maragani, kha nga gilo nya guvbule.

Dzindzimo 16:10

Kholu khu na diga guvbanya gwangu phalani nya vafi; khu na diga gihathwa gyago gifa.

Dzindzimo 30:3

Pfhumu Nungungulu, u wogode womi wangu phalani nya vafi; u nyi wuside gasi nyi si releli thowoni.

Dzindzimo 49:15

Aholu, Nungungulu a na dzegisa hefemulo wangu a nyi tshula mandzani nya lufu, a nyi wugarela.

Dzindzimo 49:16

U nga dzi garadzi, wa gu wona muthu na gu khala gitetema, wa gu wona guandra dzithomba nya ndranga yaye;

Dzindzimo 71:20

Uwe u nyi vbindriside khu vbakari nya sigaradzo ni mabango nya gutale, u na nyi vbanyisa nyaluphye, u nyi dusa vbakari nya lufu.

Dzindzimo 86:13

kholu wuhindzi wago wungi avbo gwangu, u vbanyiside womi wangu phalani nya lufu.

Isaya 25:8

A na fuvisa gufa kala gupindruga; Mune Pfhumu Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu Pfhumu Nungungulu ganede kharato.

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Jeremiya 15:6

Pfhumu Nungungulu a ngu ganela, khuye: Mu nyi digide mu nyi pfhurarela. Khu guralo, nyi na thawuludza gyandza gyangu vbatshani gwago, nyi gu mbembisa; nyi garade khu gu gu divalela.

Jeremiya 20:16

Muthu yoyo a na fanane ni madhoropa yale Pfhumu Nungungulu, a ma pfhungumudego nyamba ma tsetsa; a napwe dzihuwa vbadzimindrutunu, vbamihanitunu a napwe ligwaha nya dzinyimbi.

Jeremiya 31:35

Pfhumu Nungungulu a ngu ganela kharati, khuye: Uye a rumago lidambo li wenengedza mihani, ngima ni dzinyeledzi si wenengedza wutshigu, a kutsungago mavimbi nya linene; lina laye khuye Pfhumu Nungungulu nya Tshivba Yatshavbo.

Ezekiyeli 37:9

Khavbo avbo, a di nyi embela, khuye: “Profeta ga liphuvbo; profeta, uwe mwamana wa muthu, u li embela, khuwe: Mune Pfhumu Nungungulu, a ngu ganela kharati, khuye: Uwe liphuvbo, delu khu maphuvbo ya mana nya mafu, u furugedza ga sirumbi sesi, gasi si vbanya.”

Hoseya 6:2

Khu hwane nya matshigu mavili basi, a na wuyisa nyaluphye guvbanya gwathu, khilo nya wuraru, a na hi wusa, hi vbanya mbeli gwaye.

Hoseya 7:10

Matshandza ya Israyeli, ma ngu mu girela wufakazi, ambari khu satshavbo soso, uye kha wuyi ga Pfhumu, Nungungulu waye, ambari gu mu vbweta.

Malakiya 3:6

Kholu eni Pfhumu Nungungulu, kha nyi vbindrugedzi mawonelo; khiso si nga gira gu enu sanana sa Jakobe mu si mbembiswi.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Varoma 11:15

Olu khu gu pfhuraredwa gwawe, litigo li manidego wuhigo nya gutshanganiswe ni Nungungulu, guwani esi si na dugelelago gikhati va na hakhwago nyaluphye? Ni ava va nga bani va fude va na vbanya.

Varoma 11:29

Kholu Nungungulu kha vbindrugedzi mapimo yaye ga ava a va hathidego ni gu va kategisa.

2 Vakorinto 5:4

Na hi ngu gu vbanya tshatshani momu hi ngupwa wuvi ni gusaniseka, kholu kha hi dzini gu tshudwa, aholu ha guvbweta gu ambagiswa gasi gufa gu midzwe khu guvbanya nya guphya.

Vafilipi 3:21

Uye a na vbindrugedza givili gyathu nya gusolege a gi gira gi fanana ni givili gyaye nya gungangamele, khu tshivba a fumago khiyo siloni satshavbo.

1 Vatesalonika 4:14

Kholu, ethu hi ngu khodwa gukhethu Jesu fude a wuga; khu kharalo, vale va fudego, Nungungulu a na va wusa khu Jesu va wuya gumogo naye.

Jakobe 1:17

Satshavbo nya sadi hi hakhidego ni giningwa nya gululame sa guta khu ndzadzini. Satshavbo sa guta khu ga Babe, Muvangi nya satshavbo si wenengedzago ndzadzini. Uye kha vbindrugedzi, gambe gi mwalo gwaye gi yeyedzago gu vbindrugedza.

Gutuledwa 20:13

Linene li di dusa vbavbandze vafi va nga dzamago ga ilo, lufu ni lithowo si di bweledza vafi vawe. Muthu ni muthu a di lamudwa khu mithumo yaye.

Gutuledwa 21:4

Uye a na va bavbula marongo mahoni gwawe, kholu gima kha gu na manega gambe gufa, gulila gu na vbela, ni gudilela ni wuvi, kholu dzitshanisa dza gale dzi vbindride.”

Gutuledwa 6:8

Nyi di wona kavalu nya safarawu, na yi khiledwe khu moyo nya gupwani khu “Gufa” a na gu bangaladzwa khu Hayidhesi, litigo nya vafi. A di ningwa gipandre nya wu na nya litigo, gasi a gi mwaladze khu litshari, ni ndzala, ni mitungu nya madwali ni sirengo nya likhabi.

1 Samuweli 15:29

Wudhumo wa Israyeli wu mwalo malipha ambari gu vbindrugedza, kholu khandri muthu nya gukhuwe a na dzi laya.”