Hoseya 13:11 - Bhibhiliya Nya Guage

¹¹ Nyi gu ningide mufumeli khu likhulo, nyi bwelo khavbo nyi gu wandrela khu giviti.

Hoseya 13:11 Iomraidhean Croise

Mavingu 28:2

Ya gu manega pfilupfilu tigoni, gutala guvbindrugedzwa vafumeli, aholu gwa gu manega vathangeli nya gugengele ni mapimo, litigo la gu khala gurulani.

Hoseya 10:3

Khu guralo, va na ganela, khavo: “Hi mwalo gambe mufumeli, kholu kha hi ningi githawo Pfhumu Nungungulu. Ambari na hiri ni mufumeli, a di hadza gu hi phasa khu ginani?”

Hoseya 10:7

Mufumeli wa Samariya a na songwa, a fanana ni liguvi la vbatshani nya mati.

Hoseya 3:4

Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

Hoseya 8:4

Va dzi hathede vafumeli khu gugola gwawe, aholu, nasiri khu guruma gwangu, va dzi vegela vathangeli nyamba vati. Khu ndralama ni parata yawe, va di wumba vanungungulu nya sithombe, gasi va dzi mbembisa khiso.

1 Samuweli 10:17

Samuweli a di tombanisa vathu va na Israyeli ga Pfhumu Nungungulu, dhoropani ga Misipa,

1 Samuweli 10:19

Khu guralo, enu muhuno mu kanyiside Nungungulu wanu, a mi vbulugisidego guvivbani gwanu ni mithumoni yanu yatshavbo, mu mu embela, khenu: Hi emisele mufumeli. Khu guralo, tshanganani mbeli ga Pfhumu Nungungulu khu mahundzu yanu, khu sikwata sanu nya likhumi mazana (1.000).”

1 Samuweli 12:1

Khavbo avbo, Samuweli a di embela va na Israyeli vatshavbo, khuye: Wonani nya gukhenu nyi yingiside gilombo gyanu nya satshavbo iso mu nga nyi lombani, nyi mi emisede mufumeli.

1 Samuweli 12:13

gasi olu, mufumeli mu nga mu emisago ni gu mu lomba, khuye oyu; wonani nya gukhenu, Pfhumu Nungungulu a mi ningide mufumeli.

1 Samuweli 15:26

Aholu Samuweli a di embela Sawule, khuye: “Nyi na bwelela nago; kha nga olu u kanyisidego magana ya Pfhumu Nungungulu, olu uye nuye a gu digide, gasi u si khali gambe mufumeli wa Israyeli.”

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”