Hoseya 12:7 - Bhibhiliya Nya Guage

⁷ Efrayimi mahungane, mandzani gwaye a na gikalo nya wudambane a gu gola ngudzu dzihanyi.

Hoseya 12:7 Iomraidhean Croise

Genesi 49:18

Nya gu khedzisela guvbanyisa gwago, Uwe Pfhumu Nungungulu!

Mavingu 11:1

Gikalo nya wudambane manyala ga Pfhumu Nungungulu, aholu Uye a gu nengela khu pimo nya lisine.

Mavingu 16:11

Pimo ni gikalo nya gululame, sa guta khu ga Pfhumu Nungungulu, mipimo yatshavbo nya yadi, khuye a yi giridego.

Isaya 3:5

Va na tshanisana khu gyawe; muthu ni muthu a na wugela muthu kwawe, gyanana gi na wugela lidhota, ni muthu nya nyalidede a na wugela muthu nya guthavisege.

Isaya 56:1

Pfhumu Nungungulu a ngu ganela kharati, khuye: “Ningani githawo nayo wangu ni gu gira gululama, kholu guvbanyisa gwangu gomo vbafuvbi ni gu vboha, ni gulamula gwangu gomo vbafuvbi ni gu gutadzisega.

Ezekiyeli 16:3

u mu embela, khuwe: Mune Pfhumu Nungungulu a ngu ganela kharati, khuye: U tumbulugide ni gu velegwa tigoni ga vakhanani; babe wago a diri Muamori, ni mayi wago a diri Muhiti.

Ezekiyeli 22:29

Vathu va tigoni va gu gira dzihanyi ni wuvafa; va gutshanisa sisiwana ni vahamugi, ni gutshanisa valuveli, va si va ningi dzifanelo dzawe.

Ezekiyeli 28:5

khu kotani nya guandre nya guti gwago, omu nya wugwewo wago, u engedzede dzithomba dzago; gambe khu kotani nya idzo, u ngu dzi gugumugisa.

Hoseya 14:2

Indrani na mu dongisede magana nya gu dzi laye, mu bwelela ga Pfhumu Nungungulu; mu ya mu lomba, khenu: “Hi divalele sighoho sathu satshavbo; u hi hakha khu wuhindzi; phaso nya wadi hi gu luvago khuwo, khu malito ma dugago khu kanani gwathu, guvbindra miphaso nya simombyana.

Joyele 2:12

Khu guralo, olu kamwe, a ngu ganela Pfhumu Nungungulu, khuye: Vbindrugedzani mu wuye gwangu khu monyo wanu watshavbo; isoso na mu gu hala khu gu lila ni gu womba dzihuwa.

Amosi 2:7

Va gu gandra hungo wa muhamugi gukhwatshi va gu gandra kudzudzwane nya mafu, va wegedza dzindzila dza vathu nya gurule. Babe ni gyanana va gu hengela nyamayi moyo, va nyenyezisa kharati lina langu nya guage.

Amosi 3:9

Pwadzani esi umo nya dzinyumba nya wufumu dza Asidhodhi ni dzinyumba nya wufumu dza tigoni ga Egipito, mu va embela, khenu: Tombanani musigomoni sa Samariya, mu wona pfilupfilu nya yikhongolo yi guromo umomo, ni wughevenga yi guromo mabhiyoni gwaye.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Amosi 5:11

Khu guralo, kha nga olu mu gandredzelago gisiwana, mu gi gurumedza gu livba gikhaba nya tirigu. Khu guralo, mu na vbahani dzinyumba nya siwindri nya guvatwe, aholu kha mu na khala umo; mu limani marembwe nya miuvha mu ma golago, aholu kha mu na sela wadwa wakone.

Mikeya 2:1

Libango, ga vale va na gu bani va lade malawuni gwawe, va luga makungo nya wuvivbi, gikhati gugyago va tadzisa esi va hungidego, kholu somo tshivbani nya mandza yawe.

Mikeya 7:2

Va nya gululama va fuvide tigoni; gu mwalo gambe vbakari nya vathu uye a lulamidego; vatshavbo vomo va dzi lulamisela gasi gu vbaladza novba; moyo ni moyo womo gu demba ndriyaye khu ligoga.

Zakariya 14:21

Dzikhali dzatshavbo dza dhoropani ga Jerusalema ni tigoni ga Judha dzi na khala sombo si agisedwego Pfhumu Nungungulu nya Tshivba Yatshavbo; vatshavbo vale va na hongolago vaya ningela dzimhamba nya miphaso, va na dzi thumisa guphulela umo guhodza nya miphaso. Khu litshigu lolo, kha gu na manega gambe varengisi va gira wugwewo Nyumbani ga Pfhumu Nungungulu nya Tshivba Yatshavbo.

Zakariya 5:8

Iyo yi di, khiyo: “Ogu khu guvivba.” Yi di reda nyamayi a bela gambe umo nya pimo, yi sega gambe khu gifenengedzo nya thovhu.

Zakariya 7:9

Pfhumu Nungungulu nya Tshivba Yatshavbo a ngu ganela kharati, khuye: “Lamulani khu gululama ni lisine, nonedzani wuwadi ni wuhindzi, moyo ni moyo a na pwele wuhindzi ndriyaye.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Johane 2:16

A di embela varengisi nya matuva, khuye: “Dusani satshavbo sesi avba. Mu nga dzegini nyumba ya Babe wangu mu yi gira nyumba nya wugwewo wanu.”

Jakobe 5:4

Kha mu hakhisi vathu va thumago marembweni gwanu. Upwani gudilela gwawe, dzihuwa dza vale va nga thuma guvbwera, dzi vbohide kala dzindzeveni ga Pfhumu Nungungulu, nya Tshivba Yatshavbo.

1 Samuweli 12:3

Kheni oyu, nya gu bani nyi mi hosede ganelani mbeli ga Pfhumu Nungungulu ni mbeli ga uye a mu todzidego khu mafura; mombe ya mani nyi dzegidego? Buru ya mani nyi dzegidego? Khu mani nyi mu kanganyisidego? Khu mani nyi mu tshanisidego? Nyi hakhide khu mandzani ga mani dzitsapawu nya gurengeledwe gasi nyi sega likana? A gu bani na romo a na ganele, gasi nyi mu bweledzela.