Hoseya 12:6 - Bhibhiliya Nya Guage

⁶ Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Hoseya 12:6 Iomraidhean Croise

Genesi 49:18

Nya gu khedzisela guvbanyisa gwago, Uwe Pfhumu Nungungulu!

Dzindzimo 123:2

Kha nga sithumi nya vama si virelago gu tshudwa khu mune wawe niso nya vanyamayi, si virelago gu tshudwa khu pfhumugadzi yawe, kharato nethu ha gu khedzisela uwe Pfhumu Nungungulu wathu, na hi gu lirela gukhethu u hi pwela wusiwana.

Dzindzimo 27:14

Tumba Pfhumu Nungungulu u tiya, tiyisa monyo wago, u tumba Pfhumu Nungungulu.

Dzindzimo 37:7

Tumba Pfhumu Nungungulu u vega gwaye gitumbo gyago, u nga garadzegi khu vale va dugelelago guvbanyani gwawe, khu kotani nya muthu a thumisago wurena.

Ekisodha 3:15

Nungungulu a di ganela gambe ga Mosi, khuye: U na ganela kharati ga sanana sa Israyeli khuwe Pfhumu Nungungulu wa vababe vanu, Nungungulu wa Abrahama, Nungungulu wa Isaki ni Nungungulu wa Jakobe, a nyi rumede gwanu; Eli khu Lina langu kala gupindruga, nyi na alakanywa kharati khu mimela ni mimelana.

Mavingu 1:23

Vbindrugedzani mu yingisa gu kawuka gwangu, nyi na mi thela liphuvbo langu ndrani gwanu, nyi na mi gira muti magana yangu.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Isaya 1:16

Hambani, mu dzi agisa, ndreyisani mahoni gwangu sigiro sanu nya guvivbe, si yiseni hwindzo ni eni; digani gu gira mithumo nya guvivbe.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 31:6

Khu guralo, olu enu va na Israyeli vbindrugedzani mu wuya gwaye enu mu nga bani mu hambanide naye.

Isaya 40:31

aholu vale va tumbago Pfhumu Nungungulu, va na wusedzwa tshivba yawe, va vbuvba khu mambapi gu fanana ni maghama, va na tutuma nyamba garala, va gimbila nyamba vbela tshivba.

Isaya 58:6

Guhala gu nyi tsakisago, khogu: “Khu gu mu tshula makhetshe nya gigaha, mu tshula dzingodzi nya kanga nya wugumbi, mu tshule avo va tshaniswago ni gu fanyeledzela mikanga yatshavbo.

Isaya 8:17

Nyi na tumba Pfhumu Nungungulu, wule a sihelago khovbe yaye sanana sa Jakobe, nyi na vega gitumbo gyangu avbo gwaye.

Jeremiya 22:15

Ina u na fuma kholu u gu ni misedhari nya yingi yi na gu gu gira mufumeli, gani? Ina khu dziti nya gukhuwe babe wago hodzide ni gu sela, kholu a nga lamula khu gululama ni lisine, gani? Khu guralo, uye satshavbo si di mu dugela gwadi.

Ezekiyeli 18:30

Khu guralo, enu va na Israyeli, eni nyi na mi lamula, moyo ni moyo gukhedza khu dzindzila dzaye. A ngu ganela Mune, Pfhumu Nungungulu. Dzi layeni mu hambana ni guvivba gwanu gwatshavbo, gasi gighoho gi si khali givangelo nya gu mu tshunganise.

Hoseya 10:12

Dzi yaleleni gululama mwabune, mu vbwera mihandro nya wuwadi limani wulime nya mahange yanu, kholu egi khu gikhati nya guvbwete Pfhumu Nungungulu, kala a wuya, ata vbaladza gululama vbakari gwanu.

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Joyele 2:12

Khu guralo, olu kamwe, a ngu ganela Pfhumu Nungungulu, khuye: Vbindrugedzani mu wuye gwangu khu monyo wanu watshavbo; isoso na mu gu hala khu gu lila ni gu womba dzihuwa.

Joyele 2:13

Pferulani myonyo yanu, nasiri guambala gwanu, vbindrugedzani mu wuye ga Pfhumu Nungungulu wanu; kholu uye a na ni wuhindzi, ni gu pwela gisiro, a hwelago gu goroga, na tadego khu wuwadi, a ngu thindregisa makungo nya gu gu tsayise.

Amosi 4:13

Kholu khuye a wumbago sigomo, a girago dziphuvbo, a pwadzela muthu makungo ma guromo monyoni gwaye, a vbindrugedza mihani gu khala gidema, a gimbila khu malangani nya gukhugege ya mafuni; Pfhumu, lina laye, khuye Nungungulu nya Tshivba Yatshavbo!

Amosi 5:24

Aholu lisine li na goge kha nga mati, ni gululama gu fanana ni gitsongwana nyamba vbwa.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Mikeya 7:7

Gasi eni, nyi na tumba Pfhumu Nungungulu; nyi na namarela ga Nungungulu a gu muvbulugisi wangu; kholu Nungungulu wangu a na nyipwa.

Habhakuka 2:3

Kholu giwoniso gi na vbedza gikhati nya gukari, gya gu ganela khu matshigu nya guhegise, gima kha gi na lipha; ambari gya gu hwela, gi lindrele, kholu gi nata, kha gi na hwela.

Sofoniya 3:8

Khu kharato, Pfhumu Nungungulu wari, khuye: “Nyi lindreleni, kala litshigu nyi na wugago nyita mi phanga. Kholu gikungo gyangu khegi nya gute tombanisa mayigo, nyi tshanganisa mifumo; gasi nyi kodza guta guhula giviti gyangu, ni guvbisega nya likhulo langu latshavbo vbatshani gwawe. Kholu litigo leli latshavbo li na dagarela khu nilo nya guvbenye gwangu.”

Zakariya 1:3

Khu guralo, uwe va embele, khuwe: Pfhumu Nungungulu nya Tshivba Yatshavbo, a ngu ganela kharati, khuye: Wuyani gwangu, a ngu ganela Pfhumu Nungungulu nya Tshivba Yatshavbo, eni neni nyi na wuya gwanu, a ngu ganela Pfhumu Nungungulu nya Tshivba Yatshavbo.

Zakariya 7:9

Pfhumu Nungungulu nya Tshivba Yatshavbo a ngu ganela kharati, khuye: “Lamulani khu gululama ni lisine, nonedzani wuwadi ni wuhindzi, moyo ni moyo a na pwele wuhindzi ndriyaye.

Zakariya 8:16

Upwani silo mu yelago gu si landrisa, khesi: Ganelani lisine, muthu ni muthu ga muthu kwawe; girani gululama gu gu ni lisine gu resago gurula dzinyangwani gwanu;

Mithumo 2:38

Pedro a di va hakha, khuye: “Dzi layeni, moyo ni moyo a bhapatiswa Linani ga Jesu gasi a tsetseledwa sighoho. Khavbovbo mu na hakha giningwa nya Liphuvbo nya Guage.

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.