Hoseya 12:2 - Bhibhiliya Nya Guage

² Pfhumu Nungungulu, a ngu rwega nandru Judha, a na tsayisa Jakobe khu kotani nya mavbanyelo yaye; a na mu ninga tshatshazelo nya mithumo yaye.

Hoseya 12:2 Iomraidhean Croise

2 Dzipfhumu 17:4

Aholu mufumeli wa Asiriya, a di wona gukhuye Ozeya a na ni makungo nya gu mu wugele; kholu a di rumela myango ga Soni, mufumeli wa Egipito, ni gu gambe khu mwaga ni mwaga a di si rumeli khupo ga mufumeli wa Asiriya, kha nga idzo a nga bani a gira gale; khu guralo, mufumeli wa Asiriya, a di mu mola a mu khothela pasoni.

Joba 15:2

“Ina, muthu nya guti, a ngu hakha mahungu, khu mawonelo ma si phasigu gilo, gani? A gu tadza gisusu gyaye, khu liphuvbo li furugedzago, nya gute khu Khugadambo, gani?

Dzindzimo 78:36

Aholu magana yawe ma di si tumbegi, satshavbo va nga bani va ganela a diri sa malipha.

Muhevbudzi 5:15

Kha nga a dugidego khu ndrani ga mayi waye nyamba ambala gilo, kharato gambe a na bwelela nyambana gilo.

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 24:21

Khu litshigu lolo, Pfhumu Nungungulu a na lamula mabutho ya ndzadzini, gumogo ni vafumeli nya mafu, tigoni.

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Isaya 30:6

Gitiviso mayelano ni sirengo si guromo Marandzi, va gu rwega iso va fumidego ni dzithomba dzawe ga dziburu ni dzingameriya, va tsemakanya litigo nya sigaradzo ni wuvi, avbo gutago khavbo nghala, nya ngadzi neyi nya matune, gumogo ni nyoga nya mamba ni dzinyoga nya guvbuvbe, va yisa tigoni ga Egipito, ga vathu va gumba phaswa khavo.

Isaya 59:18

A na bweledzela tshatshazelo ga moyo ni moyo gukhedza khu mithumo yaye; a na yisa likhulo laye ga valala vaye; ni gu bweledzela ga avo a dwanago navo iso si vbwetago; ni mayigo ya sidwani, a na ma ninga tshatshazelo yawe.

Jeremiya 25:31

Ligwaha li na pwala kala mahegiso nya litigo, kholu Pfhumu Nungungulu gorogede mayigo, a na lamula vathu vatshavbo, va nya guvivbedwa khu monyo a na va sasela khu matshari, a ngu ganela Pfhumu Nungungulu.”

Hoseya 2:13

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.

Hoseya 4:1

Upwani lito la Pfhumu Nungungulu, enu va na Israyeli, kholu Pfhumu Nungungulu a na ni mahungu ni enu vavbanyi va tigoni momu, kholu gutumbega ni lisine, kha si nga gu wonega tigoni, ambari ni Nungungulu, kha nga gu tidwa gambe mafuni.

Hoseya 4:9

Khu guralo, nyi na tsayisa vathu vangu, nyi gira kharato gambe ni vaphasi nya mhamba, khu kotani nya dzindzila dzawe, nyi na va ninga tshatshazelo nya mithumo yawe.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Hoseya 7:11

Kholu Efrayimi a gu fanana ni lituva nya lipemi, li kanganyiswago khu gumbana mapimo; a gu lomba Vagipite vaya mu phasa, a gu dzina a wuya ga Vaasiriya.

Hoseya 7:2

Gambe kha va pimisi khu myonyoni gwawe, gukhavo eni nyi ngu alakanya mithumo yawe yatshavbo nya guvivbe; va fenengedzidwe khu sighoho sawe, gikhati gyatshavbo nya gu khedza avo.

Hoseya 8:10

Ambari va nga bani va dzi rengiside ga va nya mayigo, olu nyi va tshanganiside, Va phede gu lemedwa khu mirwalo ya mufumeli ni ya manganagana.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Hoseya 8:9

Kholu tshatugide aya Asiriya, a fanana ni giburwana nya likhabi, gi golago gu khala genga, aholu Efrayimi, a dzi rengiside ga sibhayi saye.

Hoseya 9:15

Wuvivbi wawe watshavbo, wu khugede Giligali, kholu, khiyo iyo nyi nga phela gu va venga, khu kotani nya mithumo yawe nya guvivbe, nyi va tutumiside tigoni gwangu. Nyi si va goli gambe, Vathangeli vawe vatshavbo sindraga milayo.

Hoseya 9:9

Va phorode khu manyala nya sighoho nya sikhongolo, nga matshiguni ya Gibheya. Pfhumu Nungungulu, a na alakanya mithumo yawe nya guvivbe, a na va tsayisa khu kotani nya sighoho sawe.

Amosi 2:4

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Judha, kha nyi na bweledza tsayiso. Kholu va kanyiside nayo wa Pfhumu Nungungulu ni gumba vegisa sileletelo saye, aholu a di dzumela gu kanganyiswa, khu vanungungulu nya malipha, vanungungulu va nga khozedwago khu vababe vawe.

Mikeya 6:2

Enu sigomo yingisani, mu ngu rwegwa nandru khu Pfhumu Nungungulu, ni enu siseketelo nya litigo mu tiyidego ngudzu; kholu Pfhumu Nungungulu a ngu dwanisa vathu vaye, gambe a na lamula va na Israyeli.

Matewu 16:27

Kholu Mwamana wa Muthu a nata ni dzingilozi dza Nungungulu, na tade khu gidhumo gya Babe waye, ata ninga moyo ni moyo, tshatshazelo waye gukhedza khu mithumo yaye.

Varoma 2:6

Nungungulu a na hakhisa muthu ni muthu maningano ni mithumo yaye.

Vagalatiya 6:7

Mu nga dzi pfhadzini sanu; kholu Nungungulu khandri wa gu hagana khuye. Muthu ni muthu a na vbwera esi a nga yalago.