Hoseya 12:10 - Bhibhiliya Nya Guage

¹⁰ Kheni kamwe nyi ganedego ni vaprofeti, nyi va ninga siwoniso nya singi, khu maganani gwawe, nyi di ganela khu sipimaniso.

Hoseya 12:10 Iomraidhean Croise

1 Dzipfhumu 13:1

Khu guruma ga Pfhumu Nungungulu, gu dita muthu wa Nungungulu khu Judha aya Bheteli, gikhati Jerobhowamo a nga bani nari vbagiluvelotunu gasi gu vbisa libani.

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

1 Dzipfhumu 19:10

Uye a di hakha, khuye: “Nya guvbisega khu gu khathalela ngudzu Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumude siluvelo sago, va songetede vaprofeti vago khu litshari; kheni nyenga basi nyi vbulugidego, aholu eni neni va ngu nyi piga, va vbweta gu nyi songa.”

2 Dzipfhumu 17:13

Pfhumu Nungungulu a di embede va na Israyeli ni va na Judha, khu vaprofeti vaye vatshavbo ni vatuguli nya misihalo vaye vatshavbo, khuye: “Vbindrugedzani dzindzilani gwanu nya guvivbe, mu landrisa sileletelo sangu ni milayo yangu, kha nga idzo wu rumago khidzo Nayo nyi ningidego vababe vanu, owu nyi mu rumedego khu ga sithumi sangu, a gu vaprofeti.”

Nehemiya 9:30

Aholu gu di vbindra myaga nya yingi nu gu va timisela; U va khongotela khu liphuvbo lago, khu magana ya vaprofeti vago, aholu kha va nga gu yingisa. Khavbo avbo, U di va ningela mandzani ga vathu nya mayigo ya vbavbandze.

Ekisodha 20:2

“Eni kheni Pfhumu Nungungulu wago, nyi gu dusidego khu tigoni ga Egipito, nyumbani nya wugumbi.”

Jeremiya 19:1

Pfhumu Nungungulu a ngu ganela kharati, khuye: Indra ga muwumbi u ya renga khali, dzega madhota nya gukari vbakari nya vathu ni madhota nya vaphasi nya mhamba;

Jeremiya 19:10

Khu gulandrela u na pandra khali na wu gu wonwa khu vathu va gu bangaladzago;

Jeremiya 25:4

Dzinyondro nya dzingi Pfhumu Nungungulu a mi rumedeni sithumi saye nya vaprofeti, aholu enu kha mwa va yingisani ambari gu neredza ndzeve gasi gu vapwa,

Jeremiya 7:25

Gukhugela litshigu va nga dugago khilo vababe vanu khu tigoni ga Egipito, kala muhuno, khu litshigu ni litshigu nyi mi rumede sithumi sangu nya vaprofeti.

Ezekiyeli 17:2

Mwamana wa muthu, gira gipimaniso u pimanisa u ganela khu ndranga ya Israyeli.

Ezekiyeli 20:49

Khavbo avbo, eni nyi di, kheni: “Oh! Mune Pfhumu Nungungulu! Vathu vava vari, khavo: Ina muthu yoyu khandri muganeli nya sipimaniso, gani?”

Hoseya 13:4

Ambari ulo, eni kheni Pfhumu Nungungulu wago, gukhugela tigoni ga Egipito. Khu guralo, khu na ngati mumbe nungungulu, vbavbandze gwangu, kholu mwalo mumbe mutshudzisi, vbavbandze gwangu.

Hoseya 3:1

Pfhumu Nungungulu a di nyi embela, khuye: Indra gambe uya haladzana ni nyamayi moyo a haladzwago khu pari yago, ambari olu a gu gibhayi. Mu haladze nga idzo Pfhumu a golago khidzo sanana sa Israyeli, ambari ulo avo va mu pfhuraredego va gola vambe vanungungulu ni gu tsakela sibwandzalati nya dziuvha.

Joyele 2:28

Khu hwane nya isoso, Eni nyi na guhula Liphuvbo langu vbatshani ga vathu vatshavbo. Sanana sanu nya sikhwathana niso nya sagadzyana si na profeta, sikhosane sanu si na lora dzindroro, madzaha yanu ma na wona siwoniso.

Levhi 23:42

Mu na khala mitshatshani matshigu yatshavbo yaya nya livbandre na mavili. Vathu vatshavbo va velegedwego tigoni ga Israyeli, va fanede gu khala mitshatshani;

Amosi 7:14

Amosi a di hakha a embela Amaziya, khuye: Eni nyi di siri muprofeti, ambari gyanana gya muprofeti; aholu nyi diri muhavisi nya dzimombe ni musayisi nya miguhu.

Mitengo 12:6

A va embela, khuye: “Olu yingisani magana yangu; vbakari gwanu a gu bani na romo muprofeti, Eni Pfhumu Nungungulu, nyi na dzi wonegisa gwaye khu giwoniso, nyi ganela naye khu ndroro.

Mithumo 2:17

‘Si na dugelela matshiguni nya guhegise, khu Pfhumu a ganelago, nyi na tshisa Liphuvbo langu vbatshani nya vathu vatshavbo, sanana sanu nya sikhwathana niso nya sagadzyana si profeta madzaha yanu ma na wona siwonegiso ni sikhosane sanu si na lora dzindroro.

2 Vakorinto 12:1

Kha gu vbwetegi gu ganela gambe khu mahungu nya gu dzi zundze. Khu guralo, nyi na ganela khu siwoniso ni gutuledwa khu Pfhumu.

2 Vakorinto 12:7

Gasi nyi si dzi gugumugisi khu gutuledwa gogu nya silo nya guete, nyi di thedwa muba givilini, a gu ngilozi ya Sathane yi nyi vetelela, gasi nyi si tali khu matshandza.