Hoseya 12:1 - Bhibhiliya Nya Guage

¹ Efrayimi a gu gimbidziswa khu liphuvbo, litshigu latshavbo, a gu landrisela liphuvbo li furugedzago khu Khugadambo, a engedzela malipha ni dzihanyi. A gira pwanano ni Asiriya, aholu a rumela dzisagwati nya mafura tigoni ga Egipito.

Hoseya 12:1 Iomraidhean Croise

Genesi 41:6

khu hwane, gu di duga gambe simbe livbandre na sivili sivbila nya guwondre na si wunide khu guhahudwa khu phuvbo nya guvbise ya Khugadambo.

2 Dzipfhumu 15:19

Khavbo avbo, Puli, mufumeli wa Asiriya, a dita guta wugela litigo la Israyeli; Menayemi, a di ningela ga Puli, likhumi mazana (1.000) dzitaleta nya parata, gasi a kodza gu mu phasedzela gu tiyisa wufumu mandzani gwaye.

2 Dzikoronika 21:11

Uye giride gambe malanga nya gukhugege musigomoni sa Judha, a kutsedzela va na Judha ni vavbanyi va Jerusalema gu ndreya ndzilani; a ghohisa kharati va na Judha.

Joba 15:2

“Ina, muthu nya guti, a ngu hakha mahungu, khu mawonelo ma si phasigu gilo, gani? A gu tadza gisusu gyaye, khu liphuvbo li furugedzago, nya gute khu Khugadambo, gani?

Dzindzimo 78:36

Aholu magana yawe ma di si tumbegi, satshavbo va nga bani va ganela a diri sa malipha.

Jeremiya 2:36

Khu ginani u vbiredzelago gu diga ndzila nya mavbanyelo yago? Dziti nya gukhuwe Vagipiti va na gu thela dzitshoni, kha nga idzo u giridwego khidzo khu Vaasiriya.

Jeremiya 22:22

Vathangeli vago vatshavbo va na pengiswa khu phuvbo, ni dzipari dzago dzi na yiswa wugumbitunu; u na khala dzitshoni ni gu poyilega, khu kotani nya sighoho sago.

Jeremiya 7:15

Nyi na mi dusani mbeli gwangu mu ya hwindzo ni eni, kha nga idzo nyi lundridego khidzo vandriyanu, livelego latshavbo la Efrayimi.

Gililo 5:6

Hi dzi ningede ga Vagipiti ni ga Vaasiriya, gasi va hi phasa khu gu hi ninga guhodza.

Ezekiyeli 17:10

Ambari wu yadwego gale, ina wu na dandra, gani? Kha wu na banga wa gu furugedzwa khu phuvbo ya Khugadambo, wu wu na, wu mwalalega ga wulanga wu nga bani wu yadwe avbo, gani?”

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Hoseya 11:9

Kha nyi na dusa guthisa nya likhulo langu, kha nyi na engedza gambe gu sasela Efrayimi, kholu eni nyi Nungungulu, kha nyiri muthu, nyi Agide vbakari gwago; kha nyi dzi digi nyi fumedwa khu likhulo.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Hoseya 4:19

Va ghubhudwe mambapini gwawe khu phuvbo nya gipupwane va yiswa hwindzo, va na khala dzitshoni khu kotani nya miphaso yawe.

Hoseya 5:13

Avbo Efrayimi a nga wonago wudwali waye, ni avbo Judha a nga wona silondra saye, Efrayimi a di gwela aya tigoni ga Asiriya, a rumela guya lomba giphaso ga mufumeli Jarebi. Aholu uye kha nga kodza gu mu vbanyisa, ambari guvbodzisa silondra sanu.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Hoseya 7:11

Kholu Efrayimi a gu fanana ni lituva nya lipemi, li kanganyiswago khu gumbana mapimo; a gu lomba Vagipite vaya mu phasa, a gu dzina a wuya ga Vaasiriya.

Hoseya 8:7

Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.