Hoseya 11:9 - Bhibhiliya Nya Guage

⁹ Kha nyi na dusa guthisa nya likhulo langu, kha nyi na engedza gambe gu sasela Efrayimi, kholu eni nyi Nungungulu, kha nyiri muthu, nyi Agide vbakari gwago; kha nyi dzi digi nyi fumedwa khu likhulo.

Hoseya 11:9 Iomraidhean Croise

2 Samuweli 20:10

Amasa kha nga khedza gwadi litshari li nga bani liri mandzani ga Jowabhi, uye a di mu paya khilo girumbu mahembe yaye ma vbalaga vbavbatshi. Kha nga engedza gu mu paya gambe nya wuvili, a di dzegela gufa. Khavbo avbo, Jowabhi ni ndriyaye Abhisayi, va di lundra Sebha, mwamana wa Bhikiri.

Dzindzimo 46:5

Nungungulu khade vbakari gwaye; gima kha li na nga tsekatseka, Nungungulu a ngu ta li phasa gukhugela marandragugya.

Dzindzimo 78:38

Aholu Nungungulu khu wuhindzi waye, a di va tsetselela sighoho sawe a si va mbembisi, gikhati nya gingi thindrekiside likhulo laye, a si va gorogeli khu giviti.

Dzindzimo 85:4

Hi wuyise nyaluphye, uwe Nungungulu muvbanyisi wathu, u nga simami gu hi girela likhulo.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 31:1

Libango ga avo vayago Egipito guya lomba giphaso, na va gu tumba dzikavalu; Va gu tumba dzikareta ni va vakhileli vakone, kholu avo vangi, na vari ni tshivba ngudzu, aholu va si theli kota khuye a Agidego wa Israyeli, ambari gu vbweta giphaso ga Pfhumu Nungungulu.

Isaya 41:14

U nga thavi, uwe livelego la Jakobe, enu mitshaledwa ya Israyeli; kholu eni kamwe nyi na gu phasa.” A ngu ganela Pfhumu Nungungulu, Mudzegisi wago, khuye a Agidego wa Israyeli.

Isaya 41:16

U na si vbevbera, si vbuvbiswa khu phuvbo; si phalalegiswa khu gipupwane; aholu uwe u na nengela khu Pfhumu Nungungulu, u zundzega ga oyu a Agidego wa Israyeli.

Isaya 48:9

Aholu khu kotani nya lina langu, nyi na timisela, khu kotani nya wudhumo wangu, nyi na dzi phara, gasi u si mbembiswi.

Isaya 5:24

Kha nga malavbelavbe nya nilo ma vbisago dzitshava ni mwasi nya gubange, kharato nugo, mikhamba yaye yi na hina ni senge saye si na vbuvba kha nga kudzudzwane, kholu va yeyiside Nayo wa Pfhumu Nungungulu, nya Tshivba Yatshavbo, ni gu bomba magana ya uye a Agidego wa Israyeli.

Jeremiya 26:3

A gu dzina saye va na ma yingisa va vbindrugedza mavbanyelo, muthu ni muthu a ndreya ndzilani gwaye nya guwegele, gasi eni neni nyi kodza gu diga makungo nya tsayiso nyi va dongisedego gu va resela, khu kotani nya sigiro sawe nya guvivbe.

Jeremiya 30:11

Kholu, Eni Pfhumu Nungungulu nyi ngu ganela gukheni, nyi nago gikhati gyatshavbo gasi gu gu vbulugisa; nyi na sasela mayigo yatshavbo nyi nga bani nyi mi phalalegisede umo; aholu enu, kha nyi na diga gu mi tsayisa, gambe kha nyi na mi tsayisa khu tshivba, kholu kha nyi vbweti gukheni mu mbemba.

Hoseya 12:1

Efrayimi a gu gimbidziswa khu liphuvbo, litshigu latshavbo, a gu landrisela liphuvbo li furugedzago khu Khugadambo, a engedzela malipha ni dzihanyi. A gira pwanano ni Asiriya, aholu a rumela dzisagwati nya mafura tigoni ga Egipito.

Hoseya 14:4

Nyi na dusa gumba tumbega gwawe, nyi va gola khu monyo wangu watshavbo, kholu likhulo langu li na duga avbo gwawe.

Malakiya 3:6

Kholu eni Pfhumu Nungungulu, kha nyi vbindrugedzi mawonelo; khiso si nga gira gu enu sanana sa Jakobe mu si mbembiswi.

Mitengo 23:19

Nungungulu kha liphi kha nga muthu; gambe kha vbindrugedzi mawonelo, kha nga gyanana nya muthu. Gasi khandri Uye a ganedego bwelo khavbo a si gira, gani? A tumbisa, a tadzisa gitumbiso gyaye, gani?

Dhewuteronome 13:17

Gambe ni gimwegyo nya esi si nyenyezidego gi nga khali mandzani gwago, gasi gu, Pfhumu Nungungulu a hambanisa likhulo laye, a gu girela wuhindzi, a gu pwela gisiro, a gu andrise kha nga a sambanyidego ga vababe vago.

1 Samuweli 26:8

Khavbo avbo, Abhisayi a di embela Dhavhidhe, khuye: “Nungungulu muhuno ningede mandzani gwago nala wago, nyi dige nyi mu paya gumogo khu litshari nyi li vbondzisa mafuni; kha gu na vbwetega gu mu engedza gambe.”