Hoseya 11:3 - Bhibhiliya Nya Guage

³ Eni kheni nyi nga hevbudzago va na Efrayimi gu gimbila; nyi va phara khu libogo, aholu kha va dziti nya gukhawo kheni nyi nga bani nyi va vbanyisa.

Hoseya 11:3 Iomraidhean Croise

Dzindzimo 107:20

A di rumela magana Yaye aya va vbanyisa, a va vbulugisa gufa.

Ekisodha 15:26

“Wa gu yingela lito la Pfhumu Nungungulu khu monyo wago watshavbo, u thuma ogu gu lulamidego mahoni gwaye; wa gu yingela milayo ni sileletelo saye satshavbo, gima kha nyi na rumela gwago mitungu nya nga eyi nyi tshanisidego khiyo Vagipiti, kholu Eni kheni Pfhumu Nungungulu nyi gu vbanyisago.”

Ekisodha 19:4

Enu mu si wone esi nyi giridego ga Vagipiti, ni edzi nyi mi rwadego khidzo khu dzimbapi nya lighama nyi gu mi wuyisa avbo gwangu.

Ekisodha 23:25

Khozelani Pfhumu Nungungulu wanu, Eni nyi na kategisa guhodza gwanu ni mati yanu; nyi na vbedza madwali vbakari gwanu.

Isaya 1:2

Yingisani, enu dzindzadzi, tula ndzeve, uwe litigo, kholu Pfhumu Nungungulu a ngu ganela, khuye: “Nyi velegide sanana nyi si dandrisa, aholu sa gu nyi wugela.

Isaya 30:26

Ngima wu na ngangamela kha nga lidambo, ni gungangamela nya lidambo gu na engedzedwa livbandre na dzimbili dzinyondro, kha nga gungangamela nya livbandre na mavili matshigu, litshigu Pfhumu Nungungulu a na hungelelago dzimbanga dza vathu vaye ni gu vbodzisa silondra nya dziphandza a va pandridego.

Isaya 46:3

Nyi yingiseni, enu sanana sa Jakobe ni mitshaledwa yatshavbo nya lihundzu la Israyeli; enu nyi mi wugaredego khu mawogo gukhugela ndrani ga mayi wanu, kala mu velegwa.

Isaya 63:9

Gutshanisekani gwawe gwatshavbo, uye a di tshaniseka gumogo navo, Ngilozi yi guromo mbeli gwaye, yi di va vbulugisa; a di va dzegisa khu lihaladzo ni gu va pwela gisiro, a va dzega, a va hetedza gukhugela matshiguni yawe yatshavbo ma vbindridego.

Jeremiya 30:17

Kholu nyi na wusedza womi wago ni gu hawulugisa dzimbanga dzago, a ngu ganela Pfhumu Nungungulu; khu guralo, va na gu riya lina nya gupwani, muhudwa na va gu ganela, khavo: Siyoni kha khathaledwi gambe khu muthu.”

Jeremiya 8:22

Gasi Gileyadhi mwalo gambe mafura nya gugondredzele khayo, gani? Ina gu mwalo gambe nyanga iyoyo, gani? Khu ginani gu ngamba vbodziswa gilondra gya vathu vangu?

Hoseya 14:4

Nyi na dusa gumba tumbega gwawe, nyi va gola khu monyo wangu watshavbo, kholu likhulo langu li na duga avbo gwawe.

Hoseya 2:8

Khu guralo, nyi na tshika ndzila yaye khu miba; nyi na yi bhiya khu laba gasi a si dzi mani dzindzila dzaye nya guvbindre khumo.

Hoseya 7:1

Nya gu vbweta gu vbanyisa Israyeli, wuvivbi wa Efrayimi, wa gu dzi wonegisa, wughevenga wa Samariya wa gu tugulega. Kholu va gu thuma wudambane, dzimbafa dzi bela dzinyumbani, tsawa nya vaphangi wuba khu mudzindzilani.

Hoseya 7:15

Eni nyi va hevbudzide ni gu va ninga tshivba, aholu va di nyi bweledzela khu guvivba.

Mithumo 13:18

Gipimo nya magumana myaga a di va sayisa khu lihaladzo mugiwulani.

Dhewuteronome 1:31

niso a giridego gambe giwulani, avbo mu wonidego nya gukhenu Pfhumu Nungungulu wanu, Uye a mu pharide khu libogo kha nga muthu a pharago gyanana gyaye khu libogo, ndzilani gwatshavbo mu gimbidego, kala mu ta vboha wulanga wowu.

Dhewuteronome 33:27

Nungungulu nya pindrugedwa, a na khale wuthavelo wago, khu vbavbatshi gwago, a na thawuludze mandza yaye nya gupindruge; Uye tutumiside valala mbeli gwago a gu embela, khuye: Va sasele.

Dhewuteronome 8:2

U na alakanya ndzila yatshavbo eyi Pfhumu Nungungulu wago, a gu gimbidzisidego khiyo giwulani gipimo nya magumana myaga, gasi gu gu vbwasamisa ni gu gu linga, ni guti igyo gi guromo monyoni gwago, gukhuye u na vegedza mwendro khu na vegedza milayo yaye.