Hoseya 11:10 - Bhibhiliya Nya Guage

¹⁰ Va na landrela Pfhumu Nungungulu; Uye a nga bhonga nga nghala. Avbo a na gu bhongago, sanana saye si nata khu Pfoladambo na si gu ndrendremela.

Hoseya 11:10 Iomraidhean Croise

Joba 37:1

Khu kotani nya isoso, monyo wangu wa gu ndrendremela wu ndraga khu wulangani gwaye.

Dzindzimo 119:120

Mili wangu wu ngu ndrendremela mbeli gwago khu gu gu thava, khu kotani nya guthave milayo yago. Ain

Dzindzimo 2:11

Khozelani Pfhumu Nungungulu khu githawo mu tsaka ni gu ndrendremela mbeli gyaye.

Isaya 11:11

Ga litshigu lolo, Pfhumu a na simama gu khusedza mandza yaye, gasi gu dzegisa vathu vaye, vale va tshadego tigoni ga Asiriya, Egipito, Patrosi, Etiyopiya, Elamo, Sinari, Hamati gumogo ni sidwa sa phwani.

Isaya 2:5

Enu livelego la Jakobe deluni, hi gimbile guwonegelani ga Pfhumu Nungungulu.

Isaya 31:4

Kholu Pfhumu Nungungulu a nyi embede kharati, khuye: Kha nga nghala ni ginghalana gyaye, si ngurangurago khu pfimba wawe, si si thavi ligwaha nya vahavisi khu gutala nya avo, yi si tutumi, yi thava khu kotani nya wungi nya avo, kharato nuye Pfhumu Nungungulu nya Tshivba Yatshavbo a na tshiga, gasi guta dwanela gigomo gya Siyoni ni gigomwana gyaye.

Isaya 42:13

Pfhumu Nungungulu a na duga kha nga ndrena, kha nga muthu a dugago guya nyimbitunu, a goroga a wusa likhulo laye, a huwata, a gira ligwaha nya likhongolo nya nyimbi, a yeyedza tshivba yaye mbeli ga valala vaye.

Isaya 49:10

Gima kha va na ngapwa ndzala ambari lidora, ambari gu furugedzwa khu phuvbo ni gu vbiswa khu lihani, kholu oyu a va pwelago wusiwana, a na thanga mbeli gwawe, a va yisa sifefeni nya mati.

Isaya 64:2

Gufanana ni nilo gikhati wu thedwago dzikhuni nya gubange wu khondra, wu vilisa mati, gasi valala vago va kodza guti lina lago, kharati mayigo ma di hadza gu ndrendremela mbeli gwago!

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Isaya 66:5

Yingisani magana ya Pfhumu Nungungulu enu mu mu thavago, enu mu ndrendremelago mbeli nya magana yaye. Vandriyanu va na mi nyenya va mi tutumisa, muya hwindzo khu kotani nya lihaladzo lanu khu lina langu, va ganela, khavo: “Pfhumu Nungungulu a na yeyedze wudhumo waye, gasi hi kodze gu wona gutsaka gwanu, vathu vovo va na thedwa dzitshoni.”

Jeremiya 2:2

Indra u ya ganela dzindzeveni ga Jerusalema, magana yaya, khuwe: Pfhumu Nungungulu a ngu ganela kharati, khuye: Nyi ngu alakanya gutumbega gwago na wu ngari lidzaha, nu ngari khundzwa, u di gu nyi haladza, ni edzi u nga bani u gu nyi landrela khidzo giwulani, ga litigo nya gihala nyamba yadwa gilo.

Jeremiya 25:30

Pfhumu Nungungulu a di engedza a nyi embela, khuye: “Uwe u na va tivisa satshavbo silo sesi u va embela, khuwe: Pfhumu Nungungulu a na bhonga khu vbatshani ndzadzini gu pwala lito laye khu nyumbani gwaye nya guage; a bhongela vathu vaye khu tshivba, va womba huwa nya litsako nya nga la avo va gamago dziuvha ni ga vatshavbo vavbanyi va mafuni.

Jeremiya 31:9

Va na wuya na va gu lila, nyi na va hetedza na nyi gu va bavbula marongo, nyi na va yisa mitsongoni nya mati khu ndzila nya gululame, mwalo a na tshunganelago; kholu Eni nyi womo kha nga babe wa Israyeli, ni Efrayimi khuye matiwula yangu.

Jeremiya 33:9

“Dhoropani momu ga Jerusalema gu na khala ni lina nya gutsake, wuzundzo ni wudhumo, mbeli nya mayigo yatshavbo ya mafuni ma na gu pwago makategwa yatshavbo nyi na gu girelago, va na liwuga ni gusamala khu gu wona makategwa ni thomba nyi na gu ningago.”

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Jeremiya 50:4

Khu matshigu yoyo ni gikhati gyogyo, a ngu ganela Pfhumu Nungungulu, va na Israyeli ni va na Judha va na tombana va wuya gumogo, na va gu lila va vbweta Pfhumu Nungungulu wawe.

Jeremiya 7:6

mu si tshanisi muluveli, khulungu ni dzinoni, ambari gu vbaladza novba wu gu mwalo nandru ga wulanga wowu, ni gu khozela vambe vanungungulu ava va mi wuselago libango.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Ezekiyeli 26:16

Khu guralo, vafumeli vatshavbo va bambe nya yiphwa, va na tshiga khu vbasikhalotunu gwawe nya wufumu, va na funungula sifenengelo sawe, va tshula dzingandzu dzawe nya mavalavala; va na taledwa khu hwanga, va khala vbavbatshi na va ndrendremela gikhati gyatshavbo; khu kotani yago, va na thuruga.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Joyele 3:16

Pfhumu Nungungulu a na bhonga khu Siyoni, lito laye li na dzuma khu Jerusalema; gu ndrendremela ndzadzi ni mafu, aholu Pfhumu Nungungulu a na khala wuthavelo nya vathu vaye ni likhokhola la va na Israyeli.

Amosi 1:2

Uye a di ganela, khuye: “Pfhumu Nungungulu a na bhonga khu Siyoni, a pwadza lito laye khu Jerusalema; gu manega gililo wuhaviseloni ga vahavisi, gubanga tshokatunu nya gigomo gya Karimelo.”

Amosi 3:4

Ina nghala yi ngu gungurangura khabini, ya sa mola pfimba, gani? Ginghalana gi ngu khusa lito phalani gwaye, gya sa mola gilo, gani?

Amosi 3:8

Ya gu bhonga ngala, khu mani a gumba ndrendremela? Pfhumu Nungungulu a gu ganela, khu mani a na gumba profeta?

Mikeya 4:5

Kholu mafumbu yatshavbo ma na gimbila, muthu ni muthu ni nungungulu waye, aholu ethu hi na landra lina la Pfhumu Nungungulu wathu, khavbo gu si vbeligo.

Habhakuka 3:16

Avbo nyi nga mupwago, monyo wangu wu di ndrendremela, khu lito laye, sigundru sangu si di ndrendremela, maramboni gwangu gu bela guhina, eni na nyi gu ndrendremela; a na nyi hefemudze litshigu nya wuvi na nyi tangade, avbo a na gutago ata wugela vathu a va tsayisa.

Zakariya 10:10

Nyi na va gira va wuya khu tigoni ga Egipito, nyi na va tombanisa va duga tigoni ga Asiriya, nyi na va dzega nyi va yisa tigoni ga Gileyadhi ni Libhanoni, ga avo gu na bani guri mwalo wulanga nya guenele.

Zakariya 10:12

Eni nyi na va tiyisa tshivbani ga Pfhumu Nungungulu, va na gimbila linani gwangu; a ngu ganela Pfhumu Nungungulu.

Zakariya 8:7

Pfhumu Nungungulu nya Tshivba Yatshavbo a ngu ganela kharati, khuye: “Wonani gukhenu nyi na vbulugisa vathu vangu nyi va dusa ga mayigo ya Khugadambo ni ga mayigo ya Muhwadambo;

Johane 8:12

Jesu a di va embela gambe, khuye: “Eni kheni wenengedzo nya litigo. Uye a nyi landrelago kha na gimbila gidemani, aholu a na bani ari ni guwonegela nya guvbanye.”

Mithumo 24:25

Kha nga ulo a nga ganela ngudzu khu gululama, ni, gu dzi vegisa ni gulamudwa gu natago, Felisi a di tala khu hwanga, a hakha, khuye: “Olu indra. Nya gu guvbweta gambe nyi na gu rana.”

Varoma 8:1

Aholu, olu wu mwalo gambe nandru ga vale va tshanganisidwego ni Jesu Kristo.

2 Pedro 2:10

Ngudzungudzu avo va landrelago gunavela nya silo nya guvivbe, va nyenya mufumo wa ndzadzini. Vahevbudzi vovo nya malipha va gu dzi girisa ni gu dzi gugumugisa, aholu, kha va khali hwanga gu vala sivangwa nya gwage sa Ndzadzini.

Gutuledwa 10:3

yi di khusedza lito khu tshivba gu fanana ni nghala ya gu bani yi ngurangura. Gikhati yi khusedzidego lito, gu di pwala malito nya livbandre na mavili mabara.