Hoseya 10:6 - Bhibhiliya Nya Guage

⁶ Gimombyana nigyo gi na dzegwa gi yiswa Asiriya, kha nga ndruwo ga mufumeli khongolo; gu na manega Pfilupfilu Efrayimi, aholu Israyeli a na khala dzitshoni khu kotani nya wusingalagadzi waye.

Hoseya 10:6 Iomraidhean Croise

2 Dzipfhumu 17:3

A di ta dhumedwa khu Salimaneseri, mufumeli wa Asiriya a mu khozisa; Ozeya a di khala githumi gyaye, a mu luva miningelo.

Joba 18:7

Migondro yawe, yi na bwelela yi hongiswa, va theswa khu gikungo gyawe.

Isaya 1:29

Mu na khala dzitshoni khu kotani nya miguhu yi nga bani yi mi tsakisa, mu thedwa dzitshoni khu marembwe mu ma hathidego.

Isaya 30:3

Aholu guvhikedwa gwanu khu Faro, gu na vbindrugedza gu khala dzitshoni, ni wuthavelo mu wu vbwetago tigoni ga Egipito, gu na khala gipoyilo avbo gwanu.

Isaya 45:16

Vatshavbo va vatago sifananiso, va na khala dzitshoni va hambanega mapimo.

Jeremiya 48:13

Mowabhi a na thedwa dzitshoni khu nungungulu waye Kemosi, kha nga Israyeli a nga thedwago dzitshoni khu Bheteli, a gu nungungulu waye a nga bani a gu mu tumba.

Jeremiya 7:24

Kholu kha va yingisa, ambari gu neredza dzindzeve, aholu va di gimbila khu dzindzila nya gutidwe khu myonyo yawe nya guvivbe; va bwelelela hwane wulanga nya guye mbeli.

Ezekiyeli 16:28

U bhayide gambe ni Vaasiriya, kholu u di si kodwi, kholu ambari nu dzi ningede wubhayini si di si gu eneleli.

Ezekiyeli 36:31

Khavbo avbo, mu na alakanyani dzindzila dzanu nya guwegele ni mithumo yanu nya guvivbe; mu na khala sirangalabwa enu vamune kamwe khu kotani nya guvivbe ni gu dzi nyenyezisa gwanu.

Dhaniyeli 11:8

A na phanga gambe ni vanungungulu vaye, ni mwandra nya sifananiso saye, ni sombo saye nya lisima nya parata ni ndralama, a va vbagela a va yisa Egipito. Khu hwane nya myaga nya gukari, uye kha na nga dhumela mufumeli wa Wuronga.

Hoseya 4:19

Va ghubhudwe mambapini gwawe khu phuvbo nya gipupwane va yiswa hwindzo, va na khala dzitshoni khu kotani nya miphaso yawe.

Hoseya 4:7

Avbo vaphasi nya mhamba va nga andra, va di engedzela gu nyi ghohela, gasi eni, nyi na vbindrugedza wuzundzo wawe wu khala dzitshoni.

Hoseya 5:13

Avbo Efrayimi a nga wonago wudwali waye, ni avbo Judha a nga wona silondra saye, Efrayimi a di gwela aya tigoni ga Asiriya, a rumela guya lomba giphaso ga mufumeli Jarebi. Aholu uye kha nga kodza gu mu vbanyisa, ambari guvbodzisa silondra sanu.

Hoseya 8:6

Gimombyana gegi gi di girwa khu va na Israyeli! Gi di pfhudwa khu moyo nya vameseri vanu, khandri Nungungulu. Githombe gyogyo nya gimombyana gya Samariya, gi na khungumuledwa gi tshala khu sipandre.

Mikeya 6:16

Kholu mwa gu yingisa sileletelo sa Oniri ni mithumo yatshavbo ya va na Akabi, mu landrisa gambe ni sihena sawe. Kotani nya isoso, nyi na mi mbembisa ni vathu vanu nyi va gira gihegiso, nyi na mi gira mu hegwa khu mayigo yatshavbo.”