Hoseya 10:5 - Bhibhiliya Nya Guage

⁵ Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Hoseya 10:5 Iomraidhean Croise

2 Dzipfhumu 10:29

Ambari khu guralo, Jewu kha nga hambana ni sighoho sa Jerobhowamo, mwamana wa Nebhati, uye a nga ghohisa va na Israyeli, khu gu wumba simombyana nya ndralama, si nga bani siri Bheteli ni Dhani.

2 Dzipfhumu 17:16

Va diga milayo yatshavbo ya Pfhumu Nungungulu wawe, va wumba sifananiso nya simombyana, va gira sifananiso nya simbo, va khidzimela sivangwa satshavbo sa ndzadzini, va khozela Bhahali.

2 Dzipfhumu 23:5

A di fuvisa gambe vaphasi nya mhamba va nga bani va emisidwe khu vafumeli va Judha, gu khala vavbisi nya mabani malangani nya gukhugege, ni dzindrangani dza na Judha ni vbavbandze ga Jerusalema, gumogo ni avo va nga bani va vbisela libani Bhahali, lidambo ni ngima, ni simbe sivangwa ni sivangwa satshavbo sa ndzadzini.

2 Dzikoronika 11:15

A dzi emisela abune vaphasi vaye nya mhamba, va malangani nya sigomo, nya gukhozele vanungungulu nya madhimoni, ni simombyana a nga si girago.

2 Dzikoronika 13:8

Olu mu ngu pimisa gukhenu mu na dugelela ga mufumo wa Pfhumu Nungungulu, gani? Hi ngu dziti gukhethu enu mu gidzemo nya gingi, gambe mu na ni vanungungulu nya simombyana nya ndralama, esi Jerobhowamo a mi giredego.

Isaya 46:2

Vanungungulu vovo va ngu noga gumogo va thega navo kha va dzi kodzi gu vbanyisa sifananiso sawe; avo vamune kamwe, va ngu yiswa wugumbini.

Hoseya 13:2

Olu, va gu engedzela gu andrisa sighoho; khu parata yawe, va gu gira sifananiso nya gupfhudwe, sifananiso nya guwumbwe khu mapimo nya wugengeli, a gu thumo nya mandza ya vameseri, va bwelo khavbo va ganela, khavo: Va gireleni miphaso. Vathu va ninga dzibesu sifananiso nya simombyana.

Hoseya 4:15

Uwe Israyeli, wa guvbweta gu gira wuphuphulu, u nga rwegi nandru va na Judha! Mu ngati Giligali, ambari gu gwelani muya Bheti-Avheni, na mu gu sambanya, khenu: Hi ngu sambanya khu Pfhumu Nungungulu a vbanyago.

Hoseya 5:8

Wombani pundru dhoropani ga Gibheya, mu womba pundru dhoropani ga Rama, laledzani khu tshivba Bheti-Avheni! Dzi woneleni enu va na Bhejami.

Hoseya 9:1

U nga tsaki uwe Israyeli, u bhuma, u ndragandraga, u fanana ni mambe mayigo, kholu u hambanide ni Nungungulu wago, khu gu dzi ningedzela wubhayini; u rengiside lihaladzo lago khu gu gira wuphuphulu musithalani gwatshavbo nya tirigu.

Hoseya 9:11

Wudhumo wa Efrayimi wu na vbuvba nga ginyoni, kha gu na manega va nya guvelega sanana, ambari uye a na gu khurago mimba.

Amosi 3:14

Khu litshigu nyi natago nyita tsayisa Israyeli khu kotani nya sighoho saye, nyi na khungumula siluvelo sa Bheteli ni dzikeho nya siluvelo dzi na pidwa dzi thega vbavbatshi.

Sofoniya 1:4

Nyi na thawuludza libogo langu nyi bayisa Judha ni vathu vatshavbo va vbanyago Jerusalema. Nyi na fuvisa ga wulanga wowu, esi si nga tshadego sa Bhahali, nungungulu nya malipha, ni malina ya vaphasi vaye nya mhamba ni vaphasedzeli vakone,

Mithumo 19:27

Esi si na gira mhango nya yikhongolo, kholu khandri basi thumo wathu wu na tshiswago vbavbatshi, ni nyumba ya nungungulu nya khongolo, Aritemisa kha yi na wonwa gambe nga gilo, nungungulu a khozedwago Aziya gwatshavbo ni hwindzo kha guya, kha na thedwa gambe kota.”

Josuwa 7:2

Khu guralo, Josuwa, a di rumela vama nya gukari nari khu Jeriko tigoni ga Ayi, gu khadego vbafuvbi ni Bheti-Avheni, gu khadego khu Khugadambo ga Bheteli, a di va embela, khuye: “Indrani mu ya holelela gwadi litigo.” Khu guralo, vama vale va di gwela va ya holelela litigo la Ayi.

Valamuli 18:24

Khavbo avbo, uye a di khuye: “Mu nyi dzegede vanungungulu vangu nyi nga dzi girela, gumogo ni muphasi wangu nya mhamba, mu hongola naye, olu ginani gi nga nyi tshalela?” Olu khu ginani mu nyi wudzisago, khenu: “Ginani u gu nagyo?”