Hoseya 10:12 - Bhibhiliya Nya Guage

¹² Dzi yaleleni gululama mwabune, mu vbwera mihandro nya wuwadi limani wulime nya mahange yanu, kholu egi khu gikhati nya guvbwete Pfhumu Nungungulu, kala a wuya, ata vbaladza gululama vbakari gwanu.

Hoseya 10:12 Iomraidhean Croise

Dzindzimo 105:4

Vbwetani Pfhumu Nungungulu ni tshivba yaye; mu vbweta khovbe yaye gikhati gyatshavbo.

Dzindzimo 72:6

Mufumeli a na khale nga ndzadzi yi wago wulimeni, a fanana ni ndzadzi yi thelago thomwa mafuni.

Mavingu 11:18

Muthu nyambasi wadi, a gu hakha tshatshazelo nya wudambane, Aholu uye a yalago gululama, a na mana tshatshazelo nya wadi.

Mavingu 18:21

Gufa ni guvbanya gomo tshivbani nya lidimi la muthu, uye a li thumisago a na havela mihandro yaye.

Muhevbudzi 11:6

Yala mbewu yago gu ngari dzimindru, aholu vbasilambotunu u nga khali khu mawogo, kholu khu yiti iyo yi na bugago yi ninga mihandro; kheyi mwendro khu yile, mwendro dzatshavbo dzi na ni lisima.

Isaya 30:23

Khavbo avbo, Pfhumu a na wisa ndzadzi yi bugisa dzimbewu dzanu edzi mu na yalago mafuni, gumogo ni gu mi ningani guhodza a gu handro nya mafu. Avbo mu na hodzago mu khura mu ena; khu gikhati gyogyo, mitshambi yanu yi na mana mahawo mikovani nya guaname.

Isaya 31:1

Libango ga avo vayago Egipito guya lomba giphaso, na va gu tumba dzikavalu; Va gu tumba dzikareta ni va vakhileli vakone, kholu avo vangi, na vari ni tshivba ngudzu, aholu va si theli kota khuye a Agidego wa Israyeli, ambari gu vbweta giphaso ga Pfhumu Nungungulu.

Isaya 32:20

Mu kategide enu mu yalago mbewu bambe nya tsongo mu digago dzimombe ni dziburu si gimbila na si tshulegide.

Isaya 44:3

Kholu nyi na guhula mati tigoni gu gu na ni lidora, ni mitsongo mafuni nya gihala; nyi na guhula Liphuvbo langu vbatshani nya melego wanu, ni makategwa yangu, vbatshani ga situgulwana sanu;

Isaya 45:8

Khu vbatshani ndzadzini gu na thege mati, ni mapfhi ma na wise gululama; ma na tulege mafu, gu buga guvbanyisa, gumogo nago, gu duge gululama; kheni Pfhumu Nungungulu nyi vangidego isoso.

Isaya 48:18

Oh! Nari pwani u di yingiside milayo yangu! Gurula gwago gu di hadza gu goga kha nga tsongo, ni gululama gwago, gu di hadza gu fanana ni mavimbi nya linene;

Isaya 5:6

Nyi na li vbindrugedza li khala giwula, miuvha gima kha yi na avbuledwa gambe, mwendro gu limedwa, aholu umomo, gu na dandra miba ni sirangalabwa, nyi na ruma mapfhi ma si wisi ndzadzi umo.

Isaya 54:14

U na tiyiswa khu gululama, sitshaniso si na manega hwindzo ni uwe, khu na thava gilo, ambari gu thusedzedwa kha gu na hidzimela vbafuvbi gwago.

Isaya 55:6

Vbwetani Pfhumu Nungungulu, na gu nga gu dzumela gu mu mana; mu raneni olu a guromo vbafuvbi.

Jeremiya 50:4

Khu matshigu yoyo ni gikhati gyogyo, a ngu ganela Pfhumu Nungungulu, va na Israyeli ni va na Judha va na tombana va wuya gumogo, na va gu lila va vbweta Pfhumu Nungungulu wawe.

Ezekiyeli 34:26

Eni nyi na dzi kategisa nyi kategisa gambe malanga ma randredego gigomwana gyangu; nyi na wisa ndzadzi khu gikhati gyakone, a na bani nari ndzadzi nya makategwa.

Hoseya 12:6

Khu guralo, vbindrugedza u wuya ga Nungungulu wago, gira wuwadi ni gululama u tumba Nungungulu wago gikhati gyatshavbo

Hoseya 14:1

Uwe Israyeli, wuya ga Pfhumu Nungungulu wago. Kholu u thesidwe khu sighoho sago.

Hoseya 6:3

Hongoleni hi muti Pfhumu Nungungulu, hi na dzi garadze khu gu vbweta gu muti. Uye a nata gu fanana ni Wuronga, a nata avbo gwathu kha nga ndzadzi nya gilimo, ndzadzi nya maronga yi naganisago mafu, kha na tandrega guta hi phasa.

Hoseya 8:7

Kholu va di yala maphuvbo, va na vbwera singulu. Givbila nyamba rumbuga, kha gi dusi wuguvbi. Ambari gya gu rumbuga, wu na hodzwa khu va nya mayigo.

Amosi 5:15

Nyenyani guvivba, mu gola wuwadi; mu tiyisa lisine gulamulani gwanu. A gu dzina saye Pfhumu Nungungulu nya Tshivba Yatshavbo, a na pwela gisiro mitshaledwa ya Josefe.

Amosi 5:4

Kholu Pfhumu Nungungulu a ngu ganela kharati ga nyumba ya Israyeli, khuye: Nyi vbweteni gasi mu mane guvbanya!

Amosi 5:6

Vbwetani Pfhumu Nungungulu, mu na vbanya; gasi a si thegeli ga nyumba ya Josefe kha nga nilo, a yi mbembisa, gu si manegi dhoropani ga Bheteli muthu nya gu wu tshime.

Amosi 5:8

Vbwetani uye a nga gira tshangano nya dzinyeledzi ni thandra nya masase; uye a vbindrugedzago gidema gi khala guwonegela nya dzimindrudzile, mihani gu vbindrugedza gu khala wutshigu, uye a ranago mati ya linene a ma guhula vbatshani nya mafu; lina laye khuye Pfhumu Nungungulu.

Luka 13:24

Uye a di va hakha, khuye: “Zamani gu bela khu mwanya yoyu nya wudugwana, kholu, nyi ngu mi embelani gukheni nya vangi va na zama gu bela khavbo, aholu kha va na dzi kodza.

Mithumo 2:18

Khu lisine nyi na tshisa Liphuvbo langu vbatshani ga sithumi sangu nya vama ni esi nya vanyamayi, va na profeta.

2 Vakorinto 9:10

Nungungulu, a ningago muyali mbewu ni guhodza, a na andrisa mbewu nya mithumo yanu nya yadi, eyi mu yi girago, ni gu dandrisa mihandro nya gululame gwanu.

Jakobe 3:18

Vale va vbahago gurula, va gu yala gurulani, va gu vbwera mihandro nya guvbanye nya gululame.