Hoseya 1:7 - Bhibhiliya Nya Guage

⁷ Aholu va na Judha nyi na va pwela wuhindzi, nyi va vbulugisa khu Pfhumu Nungungulu wawe, kha nyi na va vbulugisa khu wulaho mwendro matshari, ambari khu gu dwana nyimbi, mwendro khu dzikavalu, ambari khu vakhileli vawe nya dzikavalo.”

Hoseya 1:7 Iomraidhean Croise

2 Dzipfhumu 19:29

Gikombiso gyago, gi na bani giri egi: Mwaga yoyu mu na hodza mipfhundre, khu mwaga wutago mu na hodza iso nya gu dzi bugele sabune, khu mwaga nya wuraru, mu na yala mu vbwera, mu na lima marembwe nya dziuvha mu hodza mihandro yaye.

2 Dzipfhumu 19:34

Kholu nyi na vhikela lidhoropa leli, nyi li vbulugisa, khu guhaladza gwangu ni kotani nya lihaladzo nyi gu nalo ni githumi gyangu Dhavhidhe.”

2 Dzipfhumu 19:35

Khu wutshigu wowo wa wumowo, Ngilozi ya Pfhumu Nungungulu, yi dita vbalizumbotunu la Vaasiriya, yita sasela lizana ni livbandre na mararu ni livbandre magumi mazana (185.000) vama; khu mindru gakone gu dita manega sirumbi basi.

2 Dzipfhumu 6:18

Kha nga Vaasiriya va nga bani va relela vaya ga Elizewu, uye a di lombelela ga Pfhumu Nungungulu, khuye: “Hi na lamadze maho ya vathu vava va khala sikhumu.” Pfhumu Nungungulu a di va gira sikhumu kha nga guganela ga Elizewu.

Dzindzimo 33:16

Mwalo mufumeli a dzi vbanyisago khu talo nya dzinyimbi dzaye; ambari ndrena gu dzi vbanyisa khu tshivba yaye nya yikhongolo.

Dzindzimo 44:7

Kholu khuwe u nga hi vbanyisago ga valala vathu, u va fenengedza khu dzitshoni avo va hi vengago;

Ekisodha 14:13

Khavbo avbo, Mosi a di embela vathu, khuye: “Mu nga thavi; tiyani mu na wonani esi Pfhumu Nungungulu a na girago gasi gu mi vbanyisa muhuno; kholu Vagipiti mu va wonago muhuno olu, gima kha mu na nga va wona gambe kala gupindruga.

Ekisodha 14:30

Khu guralo, litshigu lolo, Pfhumu Nungungulu a di vbanyisa sanana sa na Israyeli mandzani ga Vagipiti. Israyeli a di wona Vagipiti na va fude funguni wa phwani.

Isaya 12:2

Wona nya gukhuwe, Nungungulu muvbanyisi wangu; nyi na mu tumba nyi si thavi gilo, kholu, Pfhumu Nungungulu khuye tshivba yangu ni ndzimo yangu; uye khade muvbanyisi wangu.

Isaya 30:18

Ambari khu guralo, Pfhumu Nungungulu a ngu lirela litshigu nya gu mi pwele wuhindzi; Uye a na simama a mi pwela wusiwana, kholu Pfhumu Nungungulu nya gululame; va kategide vatshavbo vale va mu tumbago.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 7:14

Khu guralo, Pfhumu kamwe a na gu ninga giwonegiso gimwegyo a gu egi: “Nyamahegyane nya likendzi a na khura mimba a velega gyanana nya gikhwathana, a na gi riyago lina nya gupwani Emanuweli.”

Jeremiya 25:5

avbo va nga bani va mi embela, khavo: Olu, vbindrugedzani mavbanyelo, muthu ni muthu a diga ndzila yaye nyamba yadi ni mithumo yaye nya guvivbe, gasi mu kodze gu khala ga litigo Pfhumu Nungungulu a ningidego enu ni vababe vanu, gukhugela matshiguni ya gale kala gupindruga.

Jeremiya 25:6

Mu nga landriseli vambe vanungungulu mu va thumela ni gu va khozela, ambari gu nyi wuselani likhulo khu sifananiso mu girago khu mandza yanu, gasi nyi si mi gireli dzimhango.

Jeremiya 33:26

nyi na pfhurarela gambe livelego la Jakobe ni githumi gyangu Dhavhidhe, nyi si vegi livelego la Dhavhidhe li fuma nyumbani ga Abrahama, Isaki ni Jakobe; aholu, nyi na va pwela wuhindzi nyi va wuyisa khu wugumbitunu vata khala tigoni gwawe.

Hoseya 1:8

Hwane nya gu bani na lumude Lo-Ruwama, Ghomeri a di velega gimbe gyanana nya gikhwathana.

Hoseya 11:12

Efrayimi a nyi randrede khu malipha, va na Israyeli va nyi randrela khu wudambane; aholu Judha a gu wugela Nungungulu, a wugela Gihathwa gi tumbegidego a gu tumbega basi ga vanungungulu nya malipha.

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

1 Samuweli 17:47

Mwatshavbo mu guromo avba mu na dziti nya gukhenu khandri khu litshari mwendro giholoma Pfhumu Nungungulu a ningago khigyo gupala; kholu litunga khya Pfhumu Nungungulu, Uye a na ningela enu mwatshavbo mandzani gwathu.”