Hoseya 1:6 - Bhibhiliya Nya Guage

⁶ Ghomeri a di engedza a khura mimba a velega gyanana nya nyamahegyane. Khavbo avbo, Pfhumu Nungungulu a di mu embela, khuye: “Mu riye lina la Lo-Ruwama, kholu eni gima kha nya na ngapwa gambe gisiro khu nyumba ya Israyeli, nyi na mu dzegela satshavbo.

Hoseya 1:6 Iomraidhean Croise

2 Dzipfhumu 17:20

Khu guralo, Pfhumu Nungungulu a di hambana ni livelego latshavbo la Israyeli, a va tshanisa, a va ningela mandzani ga vaphangi, kala a va dusa mbeli gwaye.

2 Dzipfhumu 17:6

Khu mwaga nya livbandre na wu na nya gufume ga Ozeya, mufumeli wa Asiriya a di dhumela Samariya, a vbagela va na Israyeli a va yisa Asiriya; aya va vega va khala Hala ni Habhori, vbafuvbi ni tsongo wa Gozani ni madhoropani ya Medhi.

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Hoseya 1:8

Hwane nya gu bani na lumude Lo-Ruwama, Ghomeri a di velega gimbe gyanana nya gikhwathana.

Hoseya 2:23

Khu litshigu lolo, Pfhumu Nungungulu a ngu ganela, khuye: Eni nyi na ninga phindrulo Ndzadzini, ni Ndzadzini, gu na ninga phindrulo mafuni.

Hoseya 2:4

Kawukani mayi wanu, mu kawukeni, kholu uye khandri mwangadzi wangu, eni neni kha nyiri nyi mwama waye. Mu layeni a duse wuphuphulu khovbeni gwaye, ni gu hambana ni wubhayi maveleni gwaye.

Amosi 7:8

Pfhumu Nungungulu a di nyi wudzisa, khuye: “Amosi, ginani u gi wonago?” Eni nyi di mu hakha, kheni: “Ngodzi nya pimo.” Khavbo avbo, Pfhumu a di nyi embela, khuye: “Wona nya gukhuwe nyi na pima vathu vangu va na Israyeli khu ngodzi nya pimo; gima kha nyi na nga va tsetselela gambe.

Amosi 9:8

Wonani nya gukhenu maho ya Pfhumu Nungungulu, ma ngu wugela mufumo yoyu nya gighohi. Nyi na wu mbembisa wu fuva mafuni; aholu kha nyi na mbembisa muphelo livelego la Jakobe,” a ngu ganela Pfhumu Nungungulu.

1 Pedro 2:10

Gale enu mu di siri vathu va Nungungulu, Olu mu vathu vaye; gale mu di si wuti wuhindzi wa Nungungulu, olu mu wu hakhide.