Gutuledwa 9:3 - Bhibhiliya Nya Guage

³ Khu wutshini gu di duga mbasa nya yingi yi phalalega ni litigo. Mbasa yakone si diri ni wuhungu kha nga nya dzihume.

Gutuledwa 9:3 Iomraidhean Croise

1 Dzipfhumu 12:11

Kha nga olu babe wangu a mi rwegidego rwalo nya gulemele, eni nyi na engedzela rwalo wanu, wu lemela ngudzu guvbindrisa; babe wangu a di mi tsayisa khu lipitso, eni nyi na mi tsayisa khu dzihume.

2 Dzikoronika 10:11

Babe wangu a gu bani a mi rwegide nyandra nya gulemele, eni nyi nga na gu mi engedzela nyandra nya gulemele nya guvbindre yile; babe wangu a di mi tsayisa khu gu mi kwamula, eni nyi na mi tsayisa khu dzihume.

2 Dzikoronika 10:14

a di va hakha kha nga idzo madzaha makwawe ma nga mu embelago, a di khuye: “Babe wangu a mi lemedzide khu dzinyandra nya gulemele, aholu eni nyi na wu engedzela; babe wangu a mi tsayiside khu gu mi kwamula khu dzimboma, aholu eni nyi na mi tsayisa khu dzihume.”

Isaya 33:4

Khu guralo, silo sanu mu phangidego, si na wungedzedwa kha nga idzo yi wungedzedwago khidzo mbasa; kha nga dzimbera dzi ndragandragago, kharato nugo, vathu va na ndragandraga navo.

Ezekiyeli 2:6

Uwe, mwamana wa muthu, u nga thavi, ambari gu khala hwanga khu magana yawe. Ambari va gu khala nga likhabi ni miba avbo gwago, uwe vbanya vbakari nya dzihume. U nga tedwi khu hwanga khiso va na ganelago, ambari gu thuruga khu gu va wona, kholu avo vathu nya guyeyise.

Joyele 1:4

Esi si tshidwego khu pungu, si hodzidwe khu khaba; iso si nga tshidwago khu khaba si hodzidwe khu mbasa niso si nga tshidwago khu mbasa, si hodzidwe khu sibukhwa.

Joyele 2:25

Nyi na mi bweledzela nyaluphye myaga yile dzimbewu dzanu dzi nga mbembiswago khu mbasa, khaba, sibukhwa, mipungu ni libutho langu nya likhongolo nyi nga mi rumelago.

Nahume 3:15

Avbovbo u naya dagarela khu nilo, u mbembiswa khu matshari; wu na gu mbembisa nga mbasa, dzi andrise nga dzimbera, velegela nga khaba.

Nahume 3:17

Dzindruna dzago dza gu fanana ni mbasa, vathangeli vago va gu fanana ni mwamba nya dzimbera, dzi mbakago mu dzindzarini matshiguni nya girame; avbo li khugago lidambo dzi vbuvba, dzi si tidwi umo dzi yidego.

Luka 10:19

Dzitini nya gukhenu nyi mi ningide tshivba nya gugandre dzinyoga ni dzihume, gumogo ni tshivba nya gupale wuhungu watshavbo wa nala. Gi mwalo gi na gu mi girago gilo.

Dhewuteronome 8:15

Khuye a nga gu phara khu libogo a gu gimbidzisa mugiwulani gile nya gikhongolo nya guthise, nya dzinyoga nya gutale khu wuhungu, nya dzihume ni gihala, nyambana mati; a gu dusede mati khu mugiwindrini;

Gutuledwa 9:5

Ambari ulo yi di laywa gumba songa vathu, aholu gu va sanisa ngudzu ndrani nya livbandre migima. Mahodzelo nya mbasa yoyo ma di vbisisa nya nga hume.

Gutuledwa 9:7

Mbasa yoyo yi di fanana ni dzikavalu dzi dongisedwego guya nyimbini. Khovbe kha nga muthu, hungoni yi di ambade kha nga gihugu nya wufumu nya gugirwe khu ndralama.

Valamuli 7:12

Vamedhiyani, Vaamaleki gumogo ni vatshavbo va Khugadambo, va di mbambamede kovani nga mbasa nya gutale; ni dzingameriya dzawe dzi diri dzingi nga fungu wa phwani, nyamba kodza gu sayedwa khu muthu.