Gutuledwa 8:3 - Bhibhiliya Nya Guage

³ Yimbe ngilozi yi dita ema vbafuvbi ni giluvelo, na yi pharide gifugwana nya guwumbwe khu ndralama, na gi tade khu libani. Va yi ningide libani nya lingi gasi gu li vbisa gumogo ni milombelo nya sihathwa satshavbo vbagiluvelotunu nya ndralama gi guromo mbeli nya gikhalo nya wufumu.

Gutuledwa 8:3 Iomraidhean Croise

1 Dzipfhumu 7:50

kha nga gambe sikombe, migala, dzimbiya, mikho, sifugwana nya guvbisele libani, ni sikalango nya guthele magala, si diri sa ndralama nya guhutwe, ni mijageri nya ndralama nya guhunge malimba nya wulanga wu Agidego Ngudzu wa Nyumbani ga Nungungulu.

Dzindzimo 141:2

Nombelo wangu wu na gwele kha nga libani li vbiswago mbeli gwago, mandza yangu ma na khugege iyo gwago kha nga phaso nya silambo.

Ekisodha 40:26

A di vega giluvelo nya ndralama Tshatshani nya Tshangano mbeli nya mwendra nya makhuvi.

Isaya 6:6

Khavbo avbo, serafini mweyo yi di vbuvba yi nyi tela; na yi pharide ligala nya nilo mandzani, yi nga vbalago khu gipharo vbagiluvelotunu.

Ezekiyeli 41:22

Gu diromo giluvelo nya mapulango gi nga bani giri ni mikono miraru gulapha guya vbatshani, wubambe, gi diri ni mikono mivili; dzikhona, gidzigaredzo gyaye, gumogo ni dzindzari dzaye, si diri nya mapulango; mwama a di nyi embela, khuye: “Eyi khu meza yi guromo mbeli ga Pfhumu Nungungulu.”

Amosi 9:1

Nyi di wona Pfhumu na emide vbafuvbi ni giluvelo, a nyi embela, khuye: “Veta mihungo nya madingo, gasi gu ndrendremedzisa mihasimo. U yi pandrelela yi khala sipandre si thegela vbatshani nya mihungo ya vathu vatshavbo va guromo umo; nyi na va songa khu litshari, kala nyi vboha ga uye nya mahegiso wawe. Mwalo ni moyo wawe a na tutumago, ambari gu vbuluga.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Mitengo 4:11

Vbatshani nya giluvelo nya ndralama va na ladza mwendra nya livala la damboni; va fenengedza gambe vholo nya malowo nya guvbevbuge, va vbaregedza mipingo yakone.

Mitengo 7:62

ni gimbiyana nya ndralama, nya pimo nya likhumi dzisekeli, nya gutale khu libani;

Luka 1:10

Vathu vatshavbo va di tshala vbavbandze va lombelela khu gikhati nya guvbiswe libani.

Varoma 8:34

Khu mani a na va ningago nandru? Khu Jesu Kristo, a gu uye a ngafago a wuga, a khadego khu nyamudye ga Nungungulu a lombelela khu ethu, gani?

Vahebheru 7:25

Khu guralo, uye a ngu dzi kodza gu vbanyisa, olu ni gikhati gyatshavbo, vale va hidzimelago ga Nungungulu khu uye, kholu a ngu vbanya kala gupindruga gasi gu lombelela khu avo ga Nungungulu.

Vahebheru 9:4

Khumo gu nga bani guromo giluvelo nya ndralama, va nga bani va gu vbisela avbo libani. Gu di khala umo ngasa nya gidzumeledzwano nya gugirwe khu ndralama. Ndrani nya ngasa gu diromo gikhalyana nya ndralama ni manaha ni ndronga ya Aroni, eyi yi nga thungago senge, ni siwindri sivili gu nga bani gu lovidwe avbo milayo nya gidzumeledzwano.

Gutuledwa 10:1

Khavbo avbo, nyi di wona yimbe ngilozi nya tshivba na yi gu tshiga khu ndzadzini, na yi ambade lipfhi; hungoni gwaye wu diromo wulaho wa ndzadzini, khovbe yaye yi di fanana ni lidambo, mawundru yaye kha nga siguni nya nilo.

Gutuledwa 14:18

Khavbo avbo, yi di duga yimbe ngilozi khu giluveloni, ni tshivba nya gufumele nilo, yi di khusedza lito khu tshivba yi embela ngilozi yile yi nga bani yi pharide givbwero nya guvbire, khiyo: “Phara givbwero gyago nya guvbire u pilela sitsatsa nya dziwuvha dza tigoni kholu dzi tshanganede guvidzwa.”

Gutuledwa 5:8

Na gu hakha libhuku, sirengo sile sa sina ni madhota yale nya magumavili na mana ma di khidzima mbeli ga Nvutana, mari ni sitendre ni sikombe nya gugirwe khu ndralama na si tade khu libani, a gu milombelo nya sihathwa.

Gutuledwa 6:9

Gikhati yi nga namula gifungo nya livbandre, nyi di wona vbavbatshi nya giluvelo mihefemulo ya vale va nga songwago khu kotani nya gutivise mahungu ya Nungungulu ni gu ma fakaza khu mavbanyelo yawe.

Gutuledwa 7:2

Nyi di wona gambe yimbe ngilozi ya Nungungulu yi nga bani yi guta khu Khugadambo, na yi pharide gifungo gya Nungungulu nya guvbanye. Yi di ganela khu tshivba ni tshivba, yi embela dzingilozi dza dzina, edzi Nungungulu a nga dzi ningago tshivba nya gusasele mafu ni yiphwa, khiyo:

Gutuledwa 8:4

Wutshi nya libani wu di gwela khu mandzani nya ngilozi gumogo ni milombelo nya sihathwa wu hongola ga Nungungulu.

Gutuledwa 8:5

Khavbo avbo, ngilozi yi di dzega gifugwana nya libani, yi tadza khu magala nya nilo wa vbagiluvelotunu, yi rinya tigoni. Gukhugela avbovbo, gu di dzuma mabara, gu lasa, bwelo khavbo gu manega girevareva.

Gutuledwa 9:13

Khu hwane nya isoso, ngilozi nya livbandre na mweyo yi di womba pundru, khavbo avbo, nyi di pwa lito na li gu duga khu dzikehoni dza dzina nya giluvelo nya ndralama, gi guromo mbeli ga Nungungulu.