Biblia Todo Logo
Bìoball air-loidhne

- Sanasan -




Gutuledwa 7:3 - Bhibhiliya Nya Guage

3 “Mu nga saselini litigo, ambari yiphwa, ni misimbo, na hi si gu lovi gifungo musiwomboni nya sithumi sa Nungungulu wathu.”

Faic an caibideil Dèan lethbhreac




Gutuledwa 7:3
31 Iomraidhean Croise  

Novba wa mudzinyumbani mu na bani muri umo, wu na khala giwonegiso nya gu mi vhikele: Nya gu wona novba, nyi na vbindra mbeli, enu mu vbuluga ga mhango nya gusonge, gikhati Eni nyi na mbembisago litigo la Egipito.


Kholu Pfhumu Nungungulu a na vbindra gasi gu ya songa Vagipiti, avbo a na wonago novba avbo nya mihasimo nya mwanya, a na vbindra mbeli, kha na nga dzumedzisa Musongi gubela dzinyumbani gwanu a mi songa.


Kha va veta guvbindra pimo, a di va yisa wugumbini, a di va dzega khu phuvbo yaye nya tshivba nya gufanane ni gingulu nya gute khu Khagadambo.


Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.


Aholu, gwa gu bani gu na tshade gipandre nya likhumi nya vathu va tigoni, gu na simama gu pfhungumudwa; gu fanana ni simbo nya munga ni nvula, ambari wa gu wu koka gu tshala gihuru, uwo wa gu thunga, kharato nugo ga mathungedwa yoyo, gu na dandra nyaluphye vathu va Nungungulu.”


Pfhumu Nungungulu a ngu ganela kharati, khuye: “Gwa gu bani gu ngari ni dosi gitsatsani nya dziuvha, vathu vari, khavo: Mu nga gi pili kholu gu nga guromo silo nya sadi, kharati nyi na gira khu kotani nya lihaladzo nyi gu nalo ni sithumi sangu; kha nyi na va mbembisa vatshavbo.


A di mu embela, khuye: “Gimbila-gimbila dhoropani ga Jerusalema, u vega gifungo giwomboni ga vale va lilago ni gudilela khu kotani nya guvivbe gwatshavbo gu girwago umomo.”


Songetelani sikhosane, madzaha ni dzimbiri, vanyamayi ni sanana. Aholu mu nga khuhi ni moyo nya vale va gu na ni gifungo. Phelani khu Wulangani gwangu nya Guage.” Khavbo avbo, avo va di phela khu vathangeli va nga bani vari mbeli nya Nyumba ya Nungungulu.


Sa gu girega kharato, Nungungulu wathu hi mu khozelago, khuye a yelago gu hi vbulugisa mandzani gwago uwe mufumeli, ni gu hi dusa khu niloni gidhingiseloni nya gudzure.


“U na rungudzwe ni gu dhumiswa Uwe Pfhumu Nungungulu wa vababe vathu! Lina Lago li na khusedzwe ndrani nya mazanazana nya myaga!


Khavbo avbo, mufumeli a di ruma gukhuye va resa Dhaniyeli, va mu rinya phalani nya dzinghala. Mufumeli, a di embela Dhaniyeli, khuye: “Nungungulu wago u mu thumelago gikhati gyatshavbo, a na gu vbulugise.”


Vbwetani Pfhumu Nungungulu, enu mwatshavbo, va nya gurula va mafuni, enu mu landrisago milayo yaye. Zamani guvbweta gululama, dzi nogiseni mbeli gwaye, a gu dzina saye mu na mana wuthavelo litshigu nya likhulo la Pfhumu Nungungulu.


Khavbo mu na wonago nyaluphye guhambana gu guromo ga vathu nya gululame ni vale nya guvivbedwe khu monyo, ga vathu va khozelago Nungungulu ni avo va gumba mu khozela.


Nari pwani kha nga rodzisa matshigu yoyo, mwalo a nga vbweta gu vbanyiswa. Aholu, khu kotani nya sihathwa saye, a na ma rodzisa.


A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.


Uye a vbwetago gu nyi thumela, a na nyi landre; ni avbo nyi na gu manegago, gi na bani giromo nigyo githumi gyangu. Uye a na nyi thumelago, a na rungudzwa khu Babe wangu.


Uye a hakhago wufakazi waye a ngu tiyisa nya gukhuye Nungungulu kwa lisine.


Gasi olu, na mu tshulegide wugumbini nya gighoho, mwa gu thumela Nungungulu. Giphaso mu gi manago khu gu agiswa, mu wonwa na mu lulamide mbeli gwa Nungungulu, mu hegisa khu gu hakha guvbanya nya gupindruge.


Gi di ruma vatshavbo vathu, sanana ni vakhongolo, sitetema ni sisiwana, va nya gutshulega ni dzikhumbi, vatshavbo gu vbweta va vegwe gifungo mandzani ya nyamudye, mwendro vbagiwombotunu.


Khu guralo, vale va gu ni gifungo, mwendro lina nya girengo, mwendro sayo nya lina la igyo khavo basi va dzumedziswago gu renga mwendro gu rengisa silo.


Khavbo avbo, nyi di wona Nvutana na yi emide gigomoni gya Siyoni. Gumogo ni Nvutana, va diromo lizana ni magumana na mana magumi mazana (144.000) nya vathu va nga bani va lovidwe vbagiwombotunu lina Laye ni la Babe Waye.


Khavbo avbo, gu di landrela ngilozi nya wuraru, yi ganela khu tshivba ngudzu, khiyo: “Wule a na gu khozelago girengo ni gifananiso gyaye, mwendro gu hakha gifungo gyaye vbagiwombotunu, mwendro mandzani,


Kholu gulamula gwaye khwa lisine ni gululama, khaguva tsayiside gibhayi gikhongolo gi nga mbembisa litigo khu wubhayi waye, gambe phodzede vbatshani ga igyo novba wa sithumi saye.”


Nyi di wona gambe mihefemulo ya vale va nga songwago kholu va nga tumbegago khu gu fakaza Jesu ni Mahungu ya Nungungulu. Avo kha va nga khozela girengo ambari gifananiso gyaye, gambe kha va dzumela gu vegwa gifungo gyaye vbagiwombotunu ambari mandzani. Avovo va wugide va vbanya, va gu fuma gumogo ni Kristo gipimo nya likhumi mazana (1.000) myaga.


Va na wona khovbe Yaye ni lina laye li na lowa siwomboni gwawe.


Khavbo avbo, nyi dipwa lito vbakari nya sirengo sa sina, khilo: “Gipimo nya tirigu gu livba thumo nya litshigu, sipimo siraru nya mavbila gu livba thumo nya litshigu aholu u nga pati mati ni vbinyu gambe u nga haganiseli mafura.”


Khavbo avbo, nyi di wona dzingilozi dzina dza Nungungulu na dzi emide mudzikhonani dza dzina nya mafu, na dzi pharide maphuvbo ya mana nya litigo, gasi phuvbo yi si furugedzi tigoni, ni matini ya phwani ambari misimboni.


Nyi di wona gambe yimbe ngilozi ya Nungungulu yi nga bani yi guta khu Khugadambo, na yi pharide gifungo gya Nungungulu nya guvbanye. Yi di ganela khu tshivba ni tshivba, yi embela dzingilozi dza dzina, edzi Nungungulu a nga dzi ningago tshivba nya gusasele mafu ni yiphwa, khiyo:


Yi di leletedwa gumba sasela mwasi nya guvbanye wa khabini, mwendro sisimbwana satshavbo ni misimbo nya yikhongolo. Aholu, yi rumedwe basi gu sasela vathu vale va nga bani va sa vegwa gifungo gya Nungungulu vbagiwombotunu.


Lean sinn:

Sanasan


Sanasan